ROMA 1:17 - PERJANJIAN BARU NALCA YUBA

¹⁷ Imik Neyung adya peldisinaʾ ara perob lero yanggan yuba pik ab laga dangalamla. ”Pellililanya bera ganya dib senenaʾ nong adyok ulumnamla,” an wenyaro momnya dobok sok, ban Imik Neyung adya peldisinaʾ ara ganya dib senenaʾ adya mengewoka sidyaʾ daklamla.

ROMA 1:17 ပူးပေါင်းရင်းမြစ်များ

YOHANES 3:36

Heknedya Imik Neyung bedya me nek dib senewalenya bera, dib ulmoubnaʾ ganya seleb dolomla, bok heknedya alja me nek bleklelanya bera, dib ulmoubnaʾ ganya hyak dobnenggunumlakanya, Imik Neyung adya yu ganya ara al nong ak sob-sobaʾ ulumnamla,” hyok.

ROMA 10:3

Dara sikda Imik Neyung bedya peldisinaʾ ara pe ella unggulumeekanya, sikda peldisinaʾ anyek sikja yok memewanobaʾ ulumek adya, wera sikda Imik Neyung bedya peldisinaʾ ak ara ganya gologanggumek.

ROMA 3:21

Bok wenyek dara, unuwanalum an yub orokaʾ anaba, Imik Neyung adya peldisinaʾ ara, oruksin yuba lomok ab, ununumnaʾ lelemek nang buku lomok ab, seleb laga neklesuk sok, wera seleb laga gebsuk.

ROMA 3:22

An laga gebokaʾ ara, Yesus Kristus ak nimi nidyaʾ dib senelemak nim emba, Imik Neyung adya peldisinaʾ ara, laga dok. Wera anasa, nera yok nang enyaʾ senen ganya era, hnon unggulumla.

ROMA 3:3

Anasa, har so do? Wera sik gangganek hnon dib senenaʾ orok adya, wera ban ganya enedya Imik Neyung adya bojam usinaʾ era, orokaʾ gebneseng de?

ROMA 9:30

Wera anaso dara, nunda hekaʾ hnon henesibya do? Henesibnya nera ban: yok-yok mok soko nim era perob nenesinaʾ ak we dobnenggulumek bok, ganya aldib senenaʾ adyok, ban perob nenesinaʾ ara seleb dorob.

2 KORINTUS 3:9

Nimi somoknaʾ bo lanalamla unuwanalum an yub enyek babya, senenggom dilinaʾ yebemok dara, eimik nim ak peldisinaʾ elegousukaʾ amba dara, hyak senenggom dilinaʾ ak ulumla.

2 KORINTUS 5:21

Kristus pik uboka, nuk Imik Neyung alja peldisinaʾ danokaʾ aboka, Kristus ara malya unaʾ elgomnya benyek, Imik Neyung adya Kristus ara nunsamba leboka malya unaʾanya nenemok.

GALATIA 3:11

Momnya dobokaʾ ara, ”Nim ara perobaʾ dibaʾ nenewoka ulumnamak nim ara, dib senenaʾ adya ulumnamak,” alamlaʾ anasa, unuwanalum an yuba momnya dobokaʾ unulumakaʾ adya dara, Imik Neyung hogung ak perobaʾ nenenggulusil.

PILIPI 3:9

Anya aldib nara Kristus lomok ulunun senewoka unumsa. Nara Imik Neyung ak ganya kwebdonumaʾ ara, nadya ganya doboka nim adya unuwanalum an yub eboka dobnenggubsa. Wera nara Imik Neyung ab perobaʾ lebdangoka ulunamaʾ ara, nara Kristus ak dib senemsaʾ adya ulumna. Anasa ban unu Imik Neyung ab kwebdangoka jong ulumak unaʾ era, Yesus Kristus ak dib senelemakaʾ nong adya ok dangalamla.

IBRANI 10:38

Nadya me pelelanya bera, nak dib senewoka ganya oloknaʾ senenadyok pe ulumnamla bok, hnon nim era dib senenijedyok, losaawanamak nim era, dara nara sikenek lek senewanasin,” aro momnya dobok.