ROMA 1:16 - PERJANJIAN BARU NALCA YUBA

¹⁶ Perob lero yanggan yub ek dara, nara alya dabnenggulunel. Ban yub era Imik Neyung migibaʾ nong ak ulumlakanya, nimi nidyaʾ dib senelemak nim, men nong dara Yahudi nim, dara onoʾ Yunani nim eneba bleblesil anasa, alya dabnenggulunel.

ROMA 1:16 ပူးပေါင်းရင်းမြစ်များ

MARKUS 8:38

Yu hwam uboka malya unaʾ lomok an unulumak salek wen, na nong ab, nadya neklesin yub eb danyek, ugunda alya amba nim ak laga lel eleknenggulumun dara, alda alja neyung bedya nong unaʾ lomok senenggomaʾ ab, geisa ulumak lero nang eblaboka yanamla sum era, sik hogung ak nimi dibaʾ me ara naba alya anasa, albabya lobnamla,” hyok.

LUKAS 9:26

Nimi ben hnon nadya lelemna yub eb, nasamba danyek laga lenaʾ ara alya anasa lolonelnya bera, nimi dibaʾ me yanamla sum era, Imik Neyung Wenelesilnya bedya migib eb, geisa ulumak lero nang eb senenggomaʾ yanamak sum era, nababya alya anasa, benyek albabya alja si laga lenaʾ lobnamna.

YOHANES 7:35

Dara, Yahudi nim sik moumen heibdangoka lelemekja, ”Na binyaʾ ak ara ugunda eiyiboka yanggunusom alasil dara, hekaʾ huboka eibnenggunusibyaʾ anasa lelemla do? Gom, Yahudi nim enyek, Yunani nim eblaboka mok sam soboka ulumak nim ek biniboka, Yunani nim ek neklesununaʾ aboka lelemla gom?

RASUL 3:26

Wera anasa leboka, Imik Neyung adya alja me Yesus sekiyiwoka, binilam aboka, ugunuk men youlul aboka, orugomok. Ugunda nidyaʾ malya unaʾ ganya dangiyiwoka ugunuk perobaʾ neniyiwousululaʾ aboka, youlul aboka orugomok,” wenyaboka Petrus bedya lebok.

ROMA 10:17

Wera anasa, Kristus yuba kenaʾ adya, ganya aldib senenaʾ damok ara an kelemak pik lanalamla.

ROMA 15:19

yok lok so beknaʾ migib adya hnon, yok senenggom lok so ununaʾ adya hnon, Geisinya migib adya na pik uboka, welemlaʾ anyek hnonok, nara asaʾ ganya boboka wenyaro yabalamnamna. Dara nara Yerusalem heik ab ara Ilirikum heik dongolamsa dara, nara Kristus bedya perob lero yanggan yub era hyak senenya loboka leb elekdo yibisa.

ROMA 15:29

Anya nara ella ulumnaʾ ara, wera nara ugunuk yanya dara, nara Kristus adya perobaʾ lelenel lomok, hyak senenya loboka unuwanasin senelamna.

ROMA 2:9

Malya unaʾ unuru ulumak nang era, nimi yok-yok malya damok gweknaʾ ab, okna dabsinaʾ ab dara, men youboka dara, Yahudi nim ek, anya dara, onoʾ Yunani nim ek hnon, sikinek yameb goluwanesil.

ROMA 4:11

Dara, alda anam bolaʾ garawanggumek bok, alja ganya dib senenaʾ adya alak perobaʾ nenemokaʾ ara, seleb ulumokaʾ anasa, ban bolaʾ garanaʾ ara, beknaʾ dibaʾ momnya donaʾ ak dib denenaʾ anasoʾ ak ara, dobok. Wera anasa, alda nimi nidyaʾ bolaʾ garasinaʾ orok dib senelemak nang edya sikjaʾ neyung be dok, anedya ban perobaʾ nenesinaʾ ara sikbabya dobnok aboka unuwok.

1 KORINTUS 15:2

Ugunda yuba lebok ara, anyek senewoka dib senenaʾ orok danyek hnonok. Onoʾ nadya pe men leb elegesisa Imik Neyung yub ek pe salabmowoka ulumun dara, Imik Neyung yub enedya ugun nonga blebnesil.

1 KORINTUS 2:2

Anasa, nara orowek Korintus nimi gangganek ulumnya dara, yok-yok yuba salyaʾ lebnenggunumna bok, alda Yesus Kristus yuba nong ok lelemnyekanya, okoka dara, Kristus gal dubuk somogokaʾ damok nong anyek ok, lelemnamna senemsa.

1 KORINTUS 2:4

Yuba ugunuk leb elegeisisaʾ ara, nadya ganya geremseng edya, ganya sangasin yub ek lebnenggusisa bok, nadya ugunuk yuba leb elegeisisa dara, alda Imik Neyung Geisinya alja migib unaʾ era laga dangamok.

1 KORINTUS 9:12

Yok nim enyek babya, ugunuk an yokaʾ-yokaʾ eleganesak anyaʾ aboka, ganya welesak dara, wera nunda nauba so ugunuk ganya webnenggunusibya de? Bok nak dara, ban unusinya nera, anam hnon unuwanggusisa. Bok, alda nara yokaʾ-yokaʾ ara, or siklewoka bolonunaʾ, anadya Kristus amba perob lero yanggan yuba lero yabalamnaʾ ara, pika garawoka ubdongowalyek senewoka anasa lolomsa.

1 KORINTUS 9:18

Wera dara, nara hek deknaʾ ek dobnamna do? Nadya dobnamna deknaʾ era banyek ok, nara Imik Neyung adyaʾ perob lero yanggan yuba lero yabalamnak ab dara, nimi yok nang ek igina kweiyiweisinyek senen ulumna. Nera nara Imik Neyung yuba lelenanya benyaʾ senewoka salyaʾ men eleganulum aboka moloro yabanggulumna.

2 KORINTUS 2:12

Kristus adyaʾ perob lero yanggan yuba lebnunaʾ aboka, Troas heikek bisa dara, Imik Neyung adya wa nen weblulaʾ aboka seleb pika bak lobnyok salek,

2 KORINTUS 4:4

Sokok an malya unaʾ gakaʾ ululanya bedya, yuba dib senenggulumak nimi ganya ibel leblesil. Wera an bisaʾ dubnya benedya, Kristus bera Imik Neyung sununaʾ anedya, Kristus si imik nenen yuba dilinaʾ heng eibijek aboka, heng luma nenelesil.

2 KORINTUS 9:13

Ugunja an laga pe unululumnya nenedya, ugunja yuba doblumaʾ anyek sunuwoka unululumaʾ anasa, ugunja an bojam unululumaʾ adya, Kristus adyaʾ perob lero yanggan yub amba anasa, yok nim era, sikda Imik Neyung ak gigilemnemak. Ugunuk an hekaʾ ulusilaʾ anyek, heknaʾ ganya boboka, sikenek hnon, onoʾ nimi yok nang ek hnon bokoka eleklesulumaʾ anasa leboka, sikda Imik Neyung ak gigilemnemak.

GALATIA 1:7

Dib nong ara, yok Imik Neyung yub era, hnon unggulumla. Bok nim adya ok perob yuba lelemab alamak nim edyok, ugunja ganya bobnenewoka, Kristus adya perob lero yanggan dib nong yub ek sam-samel meneklemak.

1 TESALONIKA 2:13

Ugunja hnonok pe unululumaʾ anyek nunda eiyiwoka Imik Neyung ak sobaʾ giblemab. An wenyhenaʾ ara, nunja ugunuk Imik Neyung yuba leb elegesuba sum enyek, ugunja keboka dolumaʾ ara, nimi sirikaʾ yub anaso ganya boboka dobnenggulum, alda Imik Neyung nong adya yub dib senewoka dolumaʾ nong amba Imik Neyung giblemab. Wera ugun Kristus dolum nimi gangganek an wen welesilnya nera ban Imik Neyung yub enedya welesil.

1 TIMOTIUS 1:11

Imik Neyung adya ugunuk youbsukaʾ ara pe weisin senelesululaʾ aboka ugunja dib senenaʾ ak anyek pe sunuwoka, nauba perob danggiga balasululaʾ aboka, sobaʾ ara nunda ugunsamba mololesab.

2 TIMOTIUS 1:12

Ban nenesa leboka, wera nara an yokaʾ-yokaʾ igina kwelenel. Bok heknyek dib senemsaʾ ara, nara dib ella ulumnaʾ anasa, angoo senenggulumna. Nadya banyek dib senelamnaʾ ara, alja nak welelom aboka lobongganyok wa nera, onoʾ welemnyaʾ ak an alja diri bo ulumlyaʾ moruwoka soko sidyaʾ daknamla sum unuro lobnamla senewoka, dib senelamna.

2 TIMOTIUS 1:16

Bok, alda Onesiporus bedya ek nim edya danyek, alda nak ganya pe sangab elegoka ulunyok. Anasa, Wenelesilnya bedya, wera e nen nim ek angoo yadyek senewoka arawoka pe bo ulusulul. Nara henga gereksin ek an gereganyekaʾ anaba, Onesiporus bera henga geregek anasa, alya bar aboka, yokaʾ seiniwanggumok.

2 TIMOTIUS 1:8

Ban nenesa leboka, nunja Wenelesilnya bemba alja yuba lero yabanaʾ ak alya bar aboka longgom, mem. Onoʾ nak Kristus amba leboka gasa ek henga gouboka beibnyeknya nenesa, alya bar aboka longgom, mem. Bok alda saawoka, anda Imik Neyung adya eleklenggel migib edya, Imik Neyung adya perob lero yanggan yub emba leboka, amba neikaʾ igina kwelenggel bok yeiriwoka welelom.

IBRANI 4:12

Imik Neyung yub ara, embengaʾ ab, migibaʾ ab, yok-yok mal si nek ab dara, hyak yu nongaʾ ak ulumla. Imik Neyung yub ara, nimi nong ab, nimi ganya ab, lomok wekoka bokol meneklamla, onoʾ yok ab, nolonggwerenaʾ ab, ana lomok anaba bokol meneklamla. Anya, nimi ganya seininaʾ ab, unuwesinya ganya eb danaba, yok-yok nenewoka ella ulumla.

1 PETRUS 4:16

Bok, Imik Neyung yuba donaʾ nim ululumaʾ amba leboka igina kwelesil dara, ban nenesa leboka, ugunda alya ganya bonaʾ ara hyak mem. Bok alda saawoka, nunda Kristus si ak bo yabalamabaʾ senewoka, Imik Neyung ak perob aboka giblelulum.