ROMA 1:13 - PERJANJIAN BARU NALCA YUBA

¹³ An nenyek ok gom, nadya hemyabo nang, alda nadya ugunuk younunaʾ ulumna damok enyek, ugunda ella danalum senelamna. Bok al danyek mouruwoka sumeneba, yok mok soko nim ek doka moulumlaʾ eillilamna sok, ugunuk doka ulumlyaʾ anyek eiblyek senewoka, yokaʾ adya salalenel.

ROMA 1:13 ပူးပေါင်းရင်းမြစ်များ

YOHANES 12:24

Nara ugunuk dib lebsin, gandum dok okoka sokok malyingginiboka blonaʾ orok dara, wera doka hnon ulmoublumnamso bok, soko lomok bloblya dara, yok doka nauba mengewoka gong liklamla.

YOHANES 15:16

Ugunda nak dobnenggunulum bok, nadya ugunuk weboka dosisa. Ugunda bindiwoka, sobaʾ ulmorulumnamla doka moulusululaʾ aboka, dosisa. Dara, nadya si sibuka, neyung bek ab yokaʾ-yokaʾ nidyaʾ elegesilom aboka mololomun dara, eleganesil.

YOHANES 4:36

Doka daklamak nang ara, sikja deknaʾ seleb dolomak. Embengaʾ ulmoubnaʾ amba dakoka mamaklemak. Dara, eimik era doka doklomak nim eb, doka daklamak nim eb, ei-ei ganya daboka ulumnemak.

RASUL 1:15

Dara onoʾ yok sum enyek, yuba dolomek nim era, hiboka denga dombadya ebdobnya lindigin badya (seratus dua puluh orang) longomek dara, Petrus bedya yuba lebnun aboka sekoka yuba lemokja,

RASUL 14:27

Wera Paulus beb, Barnabas beb dara, seleb Antiokhia heikek yarek dara, anyagan Imik Neyung yuba donaʾ nim eb neikaʾ ak mamagiyiwoka, Imik Neyung adya arawoka, sik pik uboka yok-yok heikek nidyaʾ perobaʾ unulumok anyek nekesirik. Dara onoʾ, Imik Neyung adya Yahudi gom nim eneba Imik Neyung ak dib senewoka dolomakaʾ ak hekaʾ huboka pika bakamokaʾ anyek nekesirik.

RASUL 15:12

Wera danyek, anyagan longomek nimi nidyaʾ yuba sanaʾ loboka gelegemek. Anya yuba gelegoka, Paulus beb, Barnabas beb dadya, Imik Neyung ara sik pik uboka nimi yok soko nim Yahudi gom nim ek yokaʾ-yokaʾ lok so beknaʾ ab senenggomaʾ lok soʾ anyek sik gangganek unulumok anyek neklesirik dara, sikenek kero bulumek.

RASUL 19:21

Yokaʾ-yokaʾ nidyaʾ seleb unuru dakdomok dara, Paulus bera Makedonia moka binyekanya, onoʾ Akhaya mok eb ara, Yerusalem heikek binimna senen ganya bobok. ”Wera seleb ono sam byukuk ab dara, onoʾ nara wen Roma binimna,” hyok.

RASUL 21:19

Wera Paulus sikenek seleb gibsuk dara, alda sikenek Imik Neyung al Paulus be pik uboka, yok sokok Yahudi gom nim ek sam yokaʾ-yokaʾ perobaʾ unulusukaʾ anyek laga nekesuk.

RASUL 28:14

Wera onoʾ Putioli heikek ab dara, Yesus yuba dib senewoka domek nang edya, nublaboka neikaʾ deregoka maboka ubnemab anasa, yoululum aboka ebsik dara, sikeneblaboka neikaʾ uboka mem sum hnonok gobdo uboka neikaʾ juba. Wera nen seleb dara, Roma heikek lanabuba.

ROMA 1:12

Wera banedya, neikaʾ uwibyikanya, ugun pik uboka, ugunja yub ak dibaʾ dolum ganya eb, nadya dibaʾ domsa ganya eb, ugunub, nab neikaʾ ganya meebdanasibya.

ROMA 11:25

Hem yab nang, wera anedya ugunda nunugok hyak ella ulumab senewoumunuk anasa, ban damok enyek ugunda ella doululum aboka, nara wenyhenesin: Israeli nang era sikja ganya hyak gasa adya, yok mok soko nim enyek hyak nauba wekel yok.

ROMA 7:1

Hem yabo nang o, nimi hnon anam embengaʾ ulumna salek ok, unuwanalum an yub ara bo ulumla ara, nara ugunda unuwanalum an yuba ella ululum nang ek wenyalamlaʾ anyek bok, ugunda anam ella unggululum de?

1 KORINTUS 1:10

Nadya hemyab o, nara nunjaʾ Wenelesilnya Yesus Kristus si sibuka, ugunda ganya bokoldanaʾ hyak loboka, hnonok ganya boboka, hnonok seininaʾ seiniwoka, hnonokaʾ ak hiboka ulululumaʾ aboka, neik so ganya ok yo aldalalulumaʾ aboka, nara ugunuk wenelesin.

1 KORINTUS 10:1

Nadya hem yabo nang o! Hemyab ugunda nunja neyung yabo youmaʾ nang, Musa bek diriga balamek sum enyek, sikenek unulusukaʾ anyek, pe seinililulumaʾ aboka beknaʾ neksin. Sikda nidyaʾ debaʾ adya siklewoka bo balasuukanya, onoʾ nidyaʾ senenggomaʾ mek gwan pik goubuka balamek.

1 KORINTUS 12:1

Wenyek dara, Imik Neyung Geisinya adya wa wenaʾ migibaʾ yok-yok eleklesilaʾ ak lebnamna. Hemyab o, ban yuba damok enyek dara, hyak pe dibaʾ ella danasom senelamna.

1 KORINTUS 14:20

Nadya hemyabo nim o, ugunda mek mabo ganya seininaʾ anyek seininggom, mem. Yu ganya boboka malya unaʾ ak sam ak dara, mek moum den mab eneso ulululum. Bok, ganya seininaʾ ak sam ara, ganya kamna nim eneso ulululum.

1 KORINTUS 14:26

Hemyab o, anasa wera, ban nidyaʾ lebnanya nera damok ara hekaʾ ak lebna do? Ugunda mamagoka longolulum dara, hnonda bera seblemak, hnonda yuba neklesak, hnonda Imik Neyung ak ab, yok-yok ununaʾ neklesak, hnonda yok-yok yuba bobgeregoka salamak, hnonda yuba salamak ara, anasa-anasa lelemak aboka, yana lelewoka neklesak. Bok ban nera nidyaʾ ara, Imik Neyung mab bukiyiwanobaʾ aboka unul dalalulum.

1 KORINTUS 9:2

Nimi yok nang edya nak ara, Imik Neyung yuba lenaʾ gaknya ulumla hengguneneseng bok, ugunja dara, alda Imik Neyung yuba lenaʾ gaknya senewoka seiniyiwanenesom. Nera damok ara, alda ugunuk Imik Neyung yuba lebsisaʾ adya, ugunuk Imik Neyung mab ululum dara, wera nera nara aldib Imik Neyung yuba lenaʾ gaknya ulumna beknaʾ edya ugumbabya ululum.

2 KORINTUS 1:8

Nadya hemyab o! Nunjaʾ Asia mok eb igina kwesukaʾ anyek, hnon ugumba ella dolulum senelesab. Nuk an igina kwewoka ol yangelesilaʾ damok ara, hyak lok so okna adya, embengaʾ ubnenggunumab bok, somoganamab ganya ok bomouba.

2 KORINTUS 2:14

Bok nunda Imik Neyung ak perob aboka sobaʾ giblemab! Al Imik Neyung welemlaʾ adya nuk sam ara, Kristus pik uboka yokaʾ-yokaʾ ak hmenga nenewoka ollamaklamab. Onoʾ alda nu pik uboka alak ella dangan gen-gen songaʾ anasoʾ ak, mok soko me nidyaʾ olleleklamla.

GALATIA 3:15

Nadya hemyabo nim o, nara nunja sob unulumabnya nenyek sunuwoka lebnesin. Nimi hnon nunda anaso dib unuwanamab aboka seleb yuba sabgogoseng bok dara, wenyasengaʾ ak ara, nimi be hnonjok lobnemab henggunumso, onoʾ aljok yoknya hnon bo maknenggunumso.

GALATIA 6:18

Wera nunjaʾ Wenelesilnya Yesus Kristus adya wanaʾ uboka eleksinaʾ anyek, ugunja ganya eb bo ulusulul senelamna. Aldib or unulusulul. Nara Paulus bedya gibsin e.

PILIPI 1:22

Bok nara sokok anam ulumnaʾ adya, nadyaʾ perob wa nera onoʾ welemnamna, dara anadya nara har nerek nenyek aboka dobnesinyaʾ ara elgom ulumna.

PILIPI 4:17

Wera nera nak dara, ugunja beibnulumaʾ anyek ganya dibyooka donaʾ ok dob lobnun senen ganya bonggulumna. Alda nadya dara, nim Imik Neyung yuba doboka ulumak nong unaʾ enyek ugunuk sam nauba dosulul senelamna.

KOLOSE 1:10

Dara, alja senelamla anyek pe ella ubmun adya, ugunja ululumaʾ ara, al saramek ab dom digum ulumla adya or unu ulunok senewanemlakanya, yokaʾ-yokaʾ unululumaʾ nidyaʾ ara perob senewanamla. Nunda heng uboka mololosab ara, ugunda yok-yok perob wa weboka doka moulumnelumukanya, Imik Neyung ak ella danganaʾ nauba danggiga balalul aboka mololosab.

KOLOSE 1:6

ugunuk an seleb yousuk sok, mok soko nidyaʾ oboka lelewoka doka moru balamla. Dara neikek, ugun gangganek anaba, an yub enyek einilumukanya, Imik Neyung adya wanaʾ uboka perob eleksinaʾ anyek pe ella dangalum salek ek ab ara mouruwoka, doka moru balasil.

1 TESALONIKA 2:18

Nunda ugunuk kemel yanasab senewoka ulumoubukanya, anya nak dara, li hnonok penya anaso sunuwasebok, Iblis adya pika garab menegoka ubnyok.

1 TESALONIKA 4:13

Na kabo nim o, seleb somogek nim era hek so ulumak do aboka ella danasom senelemab. Sikenek perob danganaʾ unggulumak nim era, nauba engelemak sok unuwanggunusom.

2 TESALONIKA 2:7

Wenyek dara, nimi malya nenesinaʾ nimi gangganek sam wa ara gelelenga wero yabalamla bok, gunuwoka welemla. Bok al ulumlaʾ ara, soruka salalamlaʾ anyek, gokgobok sam nenewalya dara,

2 TIMOTIUS 4:17

Bok, Wenelesilnya nak aralenyok. Perob lero yanggan yuba pe lelemlyaʾ adya, nimi nidyaʾ Yahudi gom nimi kebnokaʾ aboka, nak alja migib elegenyok. Dara onoʾ nara senenggom bei gam si ak ab blebnyok.