ROMA 1:1 - PERJANJIAN BARU NALCA YUBA

¹ Paulus bek ab, Kristus Yesus wa wenya, yuba lenaʾ gaknya dalyekanya, perob lero yanggan yuba lero yabalalulaʾ aboka, yalom hyoknya.

ROMA 1:1 ပူးပေါင်းရင်းမြစ်များ

MARKUS 1:14

Wera Yohanes bera seleb henga gerekoka gasa ek sam beiyimek dara, Yesus ara Galilea sokok sam biniboka, Imik Neyung adyaʾ perob yuba neklesuk.

YOHANES 12:26

Heknedya nak aralenelnya bera, or nak diriga yeiniboka, na ulumnyaʾ ak anaba, alba anyagan ulumnamla. Nak arawoka welelanya bera, nadyaʾ neyung bedya gigiwanamla.

YOHANES 15:15

”Wa wenya bera alja neyung bedya unulamlaʾ ara elgom ulumlaʾ anasa, wene salek ebaʾ ara, eimik ugunuk wa wen nang wenyhenggunusin. Bok, onoʾ saaboka nadyaʾ neyung bek ab kemsa yub ugunuk nidyaʾ laga lemsaʾ anasa, ugunuk nadya hemyab alamnesin.

YOHANES 15:20

Wa wenanya bera, alja neyung bek ab imik so unggulumla seleb wenyamsaʾ ara, beklulum. Dara, sikda nak olonyek dara, ugumba olomnesak. Sikda nadya yuba kelenyek dara, ugumba ugunja yuba kelemnesak.

RASUL 13:9

Bok Saulus bedya, alja yok si nera Paulus alameknya bera, Imik Neyung Geisinya adya dib sekoka migiba gologomoknya bedya, nimi hwesinaʾanya bek okoka eiyiwoka lebokja,

RASUL 20:24

Nara Imik Neyung adya nuk wana uboka aralesil perob lero yanggan yub enyek, laga lelemnesilim aboka elegenyok wa anyek, pe senenya loboka webdaknun senelamnaʾ adya, nadya nong ak dara, seininel danggulumna.

RASUL 21:40

Wera yin bonaʾ dubnya bedya Paulus bek, ”Or, yuba sabnelam,” hyok dara, e moromnaʾ ak sekoka, nimi yok nang ek yok nang ek yuba sanaʾ mem aboka sorok moub-moub aboka usuk. Dara, nimi nidyaʾ ara yuba sanaʾ loboka gelegemek dara, Paulus bera sikenek Ibrani yub adya sab einimok.

RASUL 22:21

Bok Wenelesilnya bedya nak saawoka lebnyok ara, Nadya anak hyak mok Yahudi gom nim ek bilom aboka orugenggen anasa, or bilom, anyok,” hyok.

RASUL 22:7

Dara, nara sokok erewoka malyinggisik ab kebsa dara, nak si sibuka lebnyok ara, Saulus o, Saulus o, anda hekasa nak lobaʾ nenewoka olonelem do, anyok.

RASUL 26:1

Wera danyek Agripa bedya Paulus bek, ”Wenera anda yuba saboka sekdanalam anasa, or wenyaldal yabalom,” hyok. Dara, wen Paulus bedya soruk eb weininggoka leb einimok.

RASUL 26:14

Wera nunda nidyaʾ balamoub nang en, dilinaʾ lok amba sokok malyinggilimouba. Dara, nak Ibrani yub adya nak youbol yabonyok kebdasa ara, Saulus o, Saulus o, hekasa anda nak sobaʾ lobaʾ nenewoka olonelem do? Saulus o, anda nak lobaʾ nenelenelem ara, wa wen sapi ek gamaʾ adya hleboka yaklamak dara, pik gwabom aboka oldalamla sok, oldalalam, anyok.

RASUL 27:23

Anasa wera ousa inimnek enyek, nadya giblamna Imik Neyung alja lero edya nak yeiniboka lenelja,

RASUL 9:15

Bok Wenelesilnya bedya Ananias bek, ”Anda or bilom e,” hyok. ”Nadya Saulus bek, nak aralenulul aboka, nadya yub enyek Yahudi gom nim ek hnon, mok soko dub nang ek hnon, alja mok nim Israeli nim ek hnon, leb elekdo yibilul aboka, nadya gaboka domna anasa, anda or alak bilom.

ROMA 1:16

Perob lero yanggan yub ek dara, nara alya dabnenggulunel. Ban yub era Imik Neyung migibaʾ nong ak ulumlakanya, nimi nidyaʾ dib senelemak nim, men nong dara Yahudi nim, dara onoʾ Yunani nim eneba bleblesil anasa, alya dabnenggulunel.

ROMA 1:5

Dara al si pik ab uboka, nunda wanaʾ uboka eleksinaʾ ab, yuba lenaʾ gak wa dara, nidyaʾ yok-yok mok soko nim era yub ak ganya dib donaʾ pik uboka pe keboka, sikda alja si nek aldib senewanok aboka dobub.

ROMA 1:9

Nadyaʾ ugunuk seinilisinaʾ beknaʾ aldib anaʾ dibaʾ ara, Imik Neyung adya, alja me nedya perob lero yanggan yub wa pik uboka, nadya ganya gouluwoka laga welemna pik an ella ulumla.

ROMA 11:13

Wei, Yahudi gom nim o, nara ugunuk wenyhenesin. Wera na nong ara, Yahudi gom mok soko nim emba yub lenaʾ gaknya ulumna anasa, ban yub damok era nadya welemna wa senenggomaʾ perobaʾ ara wera an senelamna.

ROMA 15:16

Wera anera nara, sik Yahudi gom mok soko nim ek, Geisinya bedya munaʾ yok geisa nenewousukaʾ anyek, Imik Neyung adya alak pe giboka beibnyak senewoka doblul aboka, Yesus Kristus wa wenya dasakanya, Imik Neyung adyaʾ perob lero yanggan yuba Yahudi gom nim ek lero yabalamna.

ROMA 15:29

Anya nara ella ulumnaʾ ara, wera nara ugunuk yanya dara, nara Kristus adya perobaʾ lelenel lomok, hyak senenya loboka unuwanasin senelamna.

ROMA 16:18

Banaso nim era, nunjaʾ wenesinya, Kristus amba wenggulumak anasa, bok sikja mon emba weldalamak nim. Sikja yub sanaʾ edya hyak or senewanok aboka bugumaʾ saboka, sikja yub era pero makaʾ lelewoka, ganya pe ulumak nim ek wenyaboka sondaʾ lelemak.

ROMA 16:25

Ugunuk migibaʾ gebsuukanya, perob lero yanggan yub nadya senenggomaʾ lero yabalamnaʾ ab, hyak gibnaʾ gong gelek loboka, gunuwoknya nenyek sunuwoka, wera Yesus Kristus yub an lero yabalamnaʾ ban nidyaʾ ara, or alsamba ok.

1 KORINTUS 1:1

Nadya hemyab o, ugunda Imik Neyung yuba donaʾ nim, Korintus heikek ululum nim ek, ugunda Yesus Kristus lomok geisa nenesuk nim uboka, Imik Neyung amba munaʾ gobdo ulunokaʾ aboka youbusuk nim ek momnya doboka beibsin. Dara onoʾ Wenelesilnya si Yesus Kristus bek, sikja Wenelesilnya uboka, onoʾ nunja Wenelesilnya ulumlaʾ anasa, yok mok nim eneba giblemak nim ek hnon, beibsin. Nara Paulus beb, nunja hem be Sostenes beb, nunja dara, nunja neyung Imik Neyung beb, Wenelesilnya Yesus Kristus ab dadya, ugunuk wanaʾ uboka eleksinaʾ ab, ganya siklewoka unaʾ ugunuk ulusulul senelenam. Nara Imik Neyung adya alja seiniwoka, alja gaboka donyoknya bedya Wenelesilnya Yesus Kristus alja yuba lenaʾ gaknya uboka, nara Paulus bedya ban momnya donaʾ en ugunuk beibsin e.

1 KORINTUS 9:1

Nabeyok ganya doboka, unulunanya unggulumna de? Nara Imik Neyung yuba lenaʾ gaknya unggulumna de? Nara nunja Wenelesilnya Yesus bera seleb eibnenggusinya bek ulumna de? Ugunuk dara, nadya Wenelesilnya bemba wa websaʾ adya, ugun Imik Neyung mabo dangalum nim unggululum de?

2 KORINTUS 1:1

Nadyaʾ hemyab, Imik Neyung yuba donaʾ nim Korintus heikek ululum nim eb, Akhaya sokok sam munaʾ Imik Neyung mabo nidyaʾ ab, hemyab o! Nara Paulus bedya, Yesus Kristus adya yuba lenaʾ gaknya, Imik Neyung adya senemokaʾ sunuwoka sekiyiwanyoknya bedya, nunjaʾ hem be Timotius beblaboka,

2 KORINTUS 11:5

Bok nak dara, yok senenggom yuba lenaʾ gak nang ulumak senelelum bok, nababya meknya bek senenggulumna.

2 KORINTUS 11:7

Nara Imik Neyung adya perob lero yanggan yuba ugunuk lel elegel yeilisisa dara, nak rupiah eleklemnenulum aboka molowanggumsa. Wera anadya, nara ganya sokok nenebdangamsakanya, ugunuk imik neneweisisa dara, anya nadya ugunuk malya ubsisa de?

2 KORINTUS 12:11

Nak dara, hyak salyaʾ anya ulunabok, yokaʾ-yokaʾ pe ununaʾ ak sam amba dara, senenggom yuba lenaʾ gak nang eneba sikda senenggomaʾ bok, nak dara mekaʾ sirikaʾ ak ara, hnon unggulumla. Ban neneso leboka, ugunja nak ara pelemla senewoka gigiwananesom bok, ugunda unuwanggunulumaʾ adya, nara dongdang anaʾ anya beneso dangalamna.

2 KORINTUS 2:12

Kristus adyaʾ perob lero yanggan yuba lebnunaʾ aboka, Troas heikek bisa dara, Imik Neyung adya wa nen weblulaʾ aboka seleb pika bak lobnyok salek,

2 KORINTUS 4:5

Yuba lel eleklesabaʾ ara, nun nong anyek geklewoka lel eleknenggulusab. Alda yub enera, Yesus Kristus ara Wenelesilnya nong ara an, an yub enyek, lel eleklesab. Bok, nuk dara alsamba leboka, ugunuk arasin nang ulumab aboka lel eleklesab.

GALATIA 1:1

Nara Paulus, yuba lenaʾ gaknya ulumnaʾ ara, nim adya gom, onoʾ ben hnon perobnya bedya gaknya dangoka wa nen welelom henggubnyok bok, alda Yesus Kristus adya hnon, Imik Neyung nunjaʾ neyung, Yesus nimi somoknaʾ ak ab embengaʾ suboka bukiyiwoknya bedya hnon, sekiyiwanyok.

EPESUS 1:1

Ugunda Epesus heikek munaʾ Imik Neyung mabo Kristus Yesus ak doboka bojam ululum nim ek perob aboka gibsin. Imik Neyung ganya adyok seiniwoka, Kristus Yesus adya yuba lenaʾ gaknya nenewanyoknya, nara Paulus bedya,

EPESUS 1:13

Imik Neyung adyaʾ perob lero yanggan yub ugunuk blebsululaʾ aboka leb elegeisik yuba kel yabalum sum enyek, ugumbabya Kristus ab neikaʾ kwebdangoka un nimi dangalum. Dara, seleb dib senelum dara, Imik Neyung adya anasa leboka, alja eleganesin amok Geisinya era, alja mabo dangalamak beknaʾ dibaʾ ugunuk seleb elegousuk.

EPESUS 4:11

Kristus adyaʾ nim ek elegousukaʾ ara, hnonda yuba lenaʾ gak nang elegousuk, hnonda ununumnaʾ len nang elegousuk, hnon nang era Imik Neyung adya perob lero yanggan yuba len nang elegousuk, hnon nang era yuba nekoka gereja bo un nang elegousuk.

PILIPI 1:1

Na kabo nim ugunda nidyaʾ Pilipi heikek ululum munaʾ Imik Neyung mab ek hnon, onoʾ Imik Neyung wa arawoka nimi bo usin nanga hnon, hnonda arawoka wa wen nang ek hnon, momnya doboka beibsin! Nara Paulus beb, Timotius beb, Yesus Kristus amba welenam nang edya dara, Imik Neyung nunjaʾ neyung bedya hnon, Wenelesilnya Yesus Kristus adya wanaʾ uboka eleksinaʾ ab, nimi nonga pe unaʾ ab, eleklesulul senelenam!

PILIPI 2:11

Sikda nidyaʾ adya dara lebnemakja, ”Yesus Kristus anyek hnonok Wenelesilnya dibaʾ ulumla,” aboka laga lebnemak, dara wera anadya, neyung Imik Neyung ara alja si imik nenewanamak.

KOLOSE 1:1

Imik Neyung adya seinimokaʾ sunuwoka, Yesus Kristus bedya yuba lenaʾ gaknya Paulus bek ab hnon, nunja hembe Timotius bek ab hnon,

KOLOSE 1:25

Nara ban yuba donaʾ nimi wa wenya seleb dasaʾ ara, Imik Neyung adya nak wa nenyek alja yub amba hyak munaʾ gobdo ugunuk wero balalul senemok adya an yuba lenya dasa.

1 TESALONIKA 2:2

Nunda anam Tesalonika heikek yanggumouba salek era, men dara Pilipi heikek ulumouba salek enyek, nim ara nuk derelesik, olosikaʾ ara, ugunda ella ululum. Nimi nauba nuk ara lek aboka lelesik bok, Imik Neyung adyaʾ asaʾ ganya elegosukaʾ adya, ugunuk perob lero yanggan yuba lelesuba.

1 TESALONIKA 2:8

Nunda ugunuk hyak wanaʾ ulusubnya nenesa leboka, Imik Neyung adya perob lero yanggan yub ok leb eleganggusuba, alda nunja nong unaʾ enyek babya elegesuba. Ban nenera nunja ugunuk wanaʾ nauba ulusubnya nenesa usuba.

1 TESALONIKA 2:9

Nunja ugun gangganek an nauba yeiriwoka duboka welemoubaʾ ara, ugunda seleb beklelumaʾ anyaʾ. Nunda Imik Neyung adyaʾ perob lero yanggan yuba ugunuk lero yeilisuba sum era, ugun nang enyek malya nenewoka obnebsibyek senewoka, inimnek yubyek pik nunja yeiriwoka welemouba.

1 TIMOTIUS 1:1

Nara Paulus bedya, nunja bleblesilnya Imik Neyung adya orugunyokaʾ adya hnon, nunja ganya welemabnya Wenelesilnya Kristus Yesus adya hnon, Yesus Kristus amba yuba lenaʾ gaknya ulumnakanya,

1 TIMOTIUS 2:7

Dara wera ban nenesa leboka, nak yuba lel eleksinya lenaʾ gaknya sekiyinyok. Wera Yahudi gom nim ek, nadya dib senewoka jong dangalamak yuba leb elegosululaʾ aboka nak sekiyinyok. Nara ban wenyalananya nera dib lelemna, sonda ak lenggulumna.

2 TIMOTIUS 1:11

Ban wenyaboka perob lero yanggan yuba lero yaban damba, Imik Neyung adya nak yuba lenaʾ gaknya hnon, yuba neksinya hnon, jaboka sekiyinyok.

TITUS 1:1

Najabo Titus o! Nara Paulus bedya, Imik Neyung adya wa wenya uboka, onoʾ Yesus Kristus adya yuba lenaʾ gaknya uboka, ban ara anak momnya doboka beibgen. Imik Neyung adya alja weboka dolosil nim enyek, sikja Imik Neyung ak dib senelemakaʾ ara, migib dosululaʾ aboka, nak Imik Neyung adya men weboka doboka bokol yeilinyok. Nunja dolomabaʾ ak sam neklesil yub enyek, sikba ella dangoka pe ulunokaʾ aboka, neksulul senewoka donyok.

IBRANI 5:4

Nimi ben hnon alja ok ganya doboka, nara yuba wa gaknya ulumnamna aboka sekillildanaʾ ara orok. Harun bek umok sok, Imik Neyung adya anda wa nen webnelam aboka youbsin dara, nim ara yuba wa gak nang dangalamak.

IBRANI 7:26

Anasa wera, yuba wa gakaʾ dubnya bera, banasonya benyek, nunda alak aboka, anera, alda meknenaʾ orokaʾ ak, malya unaʾ sibin ara, alak mekaʾ unaʾ orokaʾ anyek, geisa nongaʾ ok ulumlakanya, malya unaʾ nimi gangganek ara unggululanya, anya imik heikek ara hyak imik ululanya.

YAKOBUS 1:1

Nara Yakobus bedya Imik Neyung ab, Wenelesilnya Yesus Kristus amba arawoka welenanya bedya, obadya nang yilaʾ ak, mok soko me nidyaʾ ob lelewoka ululum nim ek nadya perob aboka gibsin.

1 PETRUS 4:17

Imik Neyung adya sokok an yana lelewanamla hyok salek era, wera seleb ubnabla. Imik Neyung mab ulumak nim enyek men yana lelewanasil. Dara, Imik Neyung nu alja mab ulumab nim enyek men yana leleb einiwanasil dara, Imik Neyung adyaʾ perob lero yanggan yub ek dib senewoka donggulumak nim ek ara hekaʾ hubnamla do?

2 PETRUS 1:1

Yesus Kristus ara nunjaʾ Imik Neyung uboka, blebsinaʾ dubnya ulumlakanya, alda perob nenenaʾ edya dib blebsuk. Dara, nuk dib blebsinaʾ elegosuk sok, ugun hnon ban dib senenaʾ dolum nim ek momnya donaʾ en beibsin. Ban momnya donaʾ enera, Yesus Kristus adya wa arawoka yuba lenaʾ gaknya Simon Petrus bedya ugunsamba beibsin.

YUDAS 1:1

Ban momnya donaʾ era, nara Yudas, Yakobus alja weis edya, Yesus Kristus adya wa wenya uboka, nunjaʾ neyung Imik Neyung adya wanaʾ uboka, Yesus Kristus amba bo uboka youbsuk nim ek beibsin.

WAHYU 1:1

Ban buku enyek an momnya dobokaʾ ara, Yesus Kristus adya eimik unuwanalanya nemba yub ek ulumla. Imik Neyung adya dara, Kristus ak onoʾ alja wa wen nim ek eimik men berra unuwanamlaʾ anyek aawosululaʾ aboka elegok. Ban nenesa leboka Kristus adya dara, alja lero pik uboka, alja wa wenya Yohanes bek nekok.

WAHYU 22:6

Dara onoʾ an lero era nak hnon lebnyokaʾ ara, ”Ban lebna yub danera, hyak dib nongokanya, ganya beilimnaʾ nong yub ek ulumla. Anya Wenelesilnya Imik Neyung bera, ununumnaʾ lelemek nang, sikja Wenelesilnya benyaʾ, alja lero ek Imik Neyung bedya mab ek eimik unuwanamlaʾ anyek, sikenek ella danokaʾ aboka, laga neksulul aboka nak oruganyok,” wenyhenyok.

WAHYU 22:9

alda nak lebokja, ”Anaso ununggom, mem! Nara an soʾ ak uboka, anjaʾ hemyab ununumnaʾ lelemek nanga hnon, onoʾ nimi nidyaʾ ban buku enyek an momnya dobok yub ek dib senewoka ulumak nang enesonya. Alda Imik Neyung ak ok hnonok gibnelam!” hyok.