RASUL 9:41 - PERJANJIAN BARU NALCA YUBA

⁴¹ Dara, Petrus bedya Dorkas gek soruk salawoka gliboka bukiyimok. Dara Petrus bera, anyagan ulumek munaʾ Imik Neyung mab eb, youwek salyaʾ ulumek gelewa eb yoululum aboka, Dorkas ge embengaʾ hweboka bukiyimok gel gera, wera anya e aboka sikenek elegesuk.

RASUL 9:41 ပူးပေါင်းရင်းမြစ်များ

MARKUS 1:31

Dara Yesus ara, Petrus aldogol gedyaʾ ekla ak sam biniboka, soruka gliboka bukiyiwok. Dara al wene salek enyek, alak salamok poba neiknaʾ era denghyok dara, gera bukoka bilimek nang emba arawoka ubsuk.

LUKAS 7:12

Dara Yesus ara Nain heikek nauba pik sindamak sam nongok oka wekel bok dara, anyagan heik nim era, nimi beʾ gal ara an jaboka bo gobol yabek. Dara ban somogomok me nera yougel gedya hnonok yando me nek somogomok. Wera heik enyek an nim era nauba gel genyek an neikaʾ arawoka bo dil balamek.

LUKAS 7:15

Wera somogomokaʾ anyek hwebokaʾ goubenenya bera, alda bukoka yuba sab einiwok. Dara Yesus ara me nen eiling gek, elegok.

RASUL 20:12

Wera anyagan yuba longowoka ulumek nim edya, goubenenya meremoknya bera, alja ek bo bilimek. Ban unumok adya sikda perob senewoka, sikja ganya hekesuk.

RASUL 3:7

Dara onoʾ, Petrus bedya hwemoknya bedya sirik soruk salawoka gliboka sekiyimok. Dara, wene sab-sab enyek, benedya alja yan heng gongolyaʾ migib nong dangoka meremok.

RASUL 6:1

Dara, wene salek era, Yesus yuba doro diriga ban nang era, onoʾ nauba danggiga balamok salek enyek, Yahudi nang bok Yunani yuba salamek nang edya, onoʾ Yahudi nang yokaʾ ak walamek. Yunani yuba salamek nang edya, nunja you gelewa era, bonaʾ yok nang ek ara nauba boklelum jok, ban you gelewa ek hnon donggulumak, aboka walamek.

RASUL 9:13

Bok Ananias bedya dara, ”Wenelesilimnya, o nara ban benesa nimi nauba alsamba, alja nimi munaʾ Imik Neyung mab Yerusalem heikek ara nauba oboka unulusil alamaknya bek anasa,” hyok.

RASUL 9:32

Petrus bera yok-yok moka biniboka, Imik Neyung yuba doboka ulumek nim ek kemel giriklesuk. Dara ono yok sum enyek, Petrus bera Lida heik sam munaʾ Imik Neyung mab ek kemel bilisuk.

1 TIMOTIUS 5:3

Sikbeyok munaʾ gobdo youk gelewa ulumak gelewa ek okoka aralalulum.

1 TIMOTIUS 5:5

Nimi hnon aranaʾ orokaʾ anyek albeyok ulumlya youk gel gera, Imik Neyung alak ok seiniwoka, yubyek inimnek pik arawonulul senewoka alak mololsinilamla.