RASUL 9:40 - PERJANJIAN BARU NALCA YUBA

⁴⁰ Petrus bedya anyagan engero bulumek nimi danyek, ugunda nidyaʾ goboka beiyik bululum aboka, albeyok anyagan koma lumugoka Imik Neyung ak heng uboka molomok. Wera Petrus bera Dorkas gedya beʾ gala gouboka beiyimek ak keeboka lemokja, ”Tabita o, anda buklom,” hyok. Dara, Dorkas gera henga gwelegoka kemelemok enyek, Petrus bek eiyimok dara, alda bukumok.

RASUL 9:40 ပူးပေါင်းရင်းမြစ်များ

MATIUS 6:6

Bok, ugunda heng uboka molowanamun dara, e lomok wekoka pika seregoka ugunjaʾ neyung be laga unggululanya bek molowanalum. Dara, ugunja neyung bedya ugunja doknowoka unuwanalumaʾ eibnesilnya bedya, alda ugunuk perobaʾ eleganesil.”

MATIUS 9:25

Wera nimi nidyaʾ ara seleb goboka beiyik yibek dara, Yesus ara e lomok wekoka, gelma enedyaʾ soruka salawok. Dara gelma era embengaʾ bukok.

MARKUS 9:25

Wera Yesus ara, nimi nauba yeiniboka, alak aknelganagel yanggekaʾ eibuk dara, alda bisaʾ ak, ooma leboka wabokaʾ ara, ”Wei, anda o ounugoka yuba gom geblesilim bisaʾ o, nara anak lebnenggen, Anda me nenyek anyebaʾ gobnelam. Anya, onsok saaboka wekel yanggunulam!” aboka yakok.

LUKAS 22:41

Dara onoʾ alda mok so girika nakna ek balamla sok so ak byuk. Anya koma lumugoka henga uboka mololemok.

LUKAS 8:54

Dara Yesus ara gelma enedya soruka glibsalawoka, lebokja, ”Najabo gelma o, buklom!” aboka lebok.

RASUL 20:36

Paulus bedya wenyaboka seleb lebgogomok dara, sikda nidyaʾ koma lumugoka bukumek dara, Paulus bedya heng uboka molomok.

RASUL 21:5

Bok anyagan ulumouba salek enyek, Yerusalem heikek ban salek era oka dok dara, Tirus nang era anyagan loboka, nunda lanawoka balamouba dara, sikja gelewa mab ab, nidyaʾ nuk arawoka bobsiknya nera heik gokgobok sam bo bokol bisik. Wera mek gwan berem mek ekla bunaʾ ak byuba dara, nunda nidyaʾ sikeneb komo lumugoka heng uboka molomouba.

RASUL 28:8

Ban salek enyek, Malta mok soko damnya Publius alja neyung bera hyak nauba saragenaʾ ber-ber anaʾ neiknaʾ salawoka diasa ab nauba ulumok. Dara Paulus bera naubenya neiknaʾ salamoknya bek kemel biniboka, alja nong eilibik soruka diyiwoka heng uboka mololomok enyek, naubenya bera seleb meremok.

RASUL 7:60

Dara onoʾ, hnon komo lumugoka Imik Neyung ak yuba bii aboka lemokja, ”Wenelesilimnya Imik Neyung o, ban unulumak malya unaʾ era sikenek lunuwoka gwirib lobsimenek lobnelam,” aboka molobgogomokaʾ seleb dara, alda dib somogomok.