RASUL 9:39 - PERJANJIAN BARU NALCA YUBA

³⁹ Dara, Petrus ben nong ak wenyaboka el byik dara, Petrus bera sekoka neikaʾ balamek ara, Yope heikek Dorkas ge somogomok ak beiyimek ek byik dara, Petrus bera alda imik ek sam e byik. Dara anyagan nenya seleb somogomok anasa or youwek ulumek gelewa nidyaʾ era, Petrus be sekel byuk enyek, aknel ganagal biniboka, Dorkas ge embengaʾ ulumok wenyek, sikenek wiboka elegesuk aklenga danyek aawoka, hyak nauba engewoka lelemek.

RASUL 9:39 ပူးပေါင်းရင်းမြစ်များ

MATIUS 17:17

Dara, Yesus adya, ”Ugunda hyak hek nim ek ululum! Ugunda hyak meknewoka dib senenggululum nim ek gobdo ululum. Nara ugunub dara, li hekbadya ok goʾ siklewoka uldablemnemab do? Ban me nera anyagan bo yoululum!” hyok.

MATIUS 26:11

Nimi bonaʾ garan nim era ugun gangganek ara sobaʾ ulumnamak bok, nak dara, ugunub sobaʾ neikaʾ goʾ ulwenenggulumnemab.

MARKUS 14:8

Ban gel genedya unuwalnya nera, alja unuweisinya senelanya nera an unuwal. Ban gel genera nak soko loknenyakaʾ amba perob song mek enera, men orowek nadya nongok yek goluwanel.

LUKAS 24:44

Seleb dara Yesus adya sikenek, ”Ban yub enyek ugunda nablaboka anam ulumouba dara, seleb ugunuk leb elegesisa ara, Imik Neyung yuba bukuk sam, Musa bedya unuwanalum an yuba webok bukuk sam hnon, ununumnaʾ len nang edya webek bukuk sam hnon, Mazmur yub ek momnya dobokaʾ nidyaʾ ara gigiwoka unuwanamla amsaʾ ara an,” hyok.

YOHANES 12:8

Wera, bonaʾ garan nim ek dara, ugun gangganek sobaʾ ulumnemak bok, nak dara, ugunub sobaʾ neikaʾ unggulumnemabaʾ anasa, or unululul,” hyok.

YOHANES 17:12

Nara sikeneblaboka neikaʾ ulumouba salek era, ban anja nak elegenulum si migib edya, nara sikenek bleboka pe bo ulusisa. Nadya pe beiyiboka bo ulusisa dara, Imik Neyung yuba momnya dobokaʾ gigiwolulaʾ aboka, weininggeldanaʾ geknemoknya nok, hnonok seleb weiningdok,” hyok.

RASUL 1:13

Dara, sikda Yerusalem heik ara sik ulumek ek biniboka, hyak imik somek ek dub nong ok biniboka welewoka ulumek. Dara, ban ulumek nim era, hnonda, Petrus, Yohanes, Yakobus, Andreas, Pilipus, Thomas, Bartolomeus, Matius, Alfeus bedya me Yakobus, Simon Patriot, Yakobus bedya me Yudas beb, ulumek nim era an.

RASUL 20:35

Nara nidyaʾ unulamsa anyek ugunja dilililulum aboka, ugunuk sam nimi hmeng ulumak nang ek wa weboka aralelulum aboka amasisa. Anasa wera, Wenelesilnya Yesus bedya, nimi yok nang eleknaʾ anyek perob so, don danagom, wenyamok ara ban amba anasa, seiniwoka beklemnemab,” hyok.

RASUL 6:1

Dara, wene salek era, Yesus yuba doro diriga ban nang era, onoʾ nauba danggiga balamok salek enyek, Yahudi nang bok Yunani yuba salamek nang edya, onoʾ Yahudi nang yokaʾ ak walamek. Yunani yuba salamek nang edya, nunja you gelewa era, bonaʾ yok nang ek ara nauba boklelum jok, ban you gelewa ek hnon donggulumak, aboka walamek.

RASUL 8:2

Dara onoʾ, hyak pe Imik Neyung ak lok ganya bolomek nang adya Stefanus bek nauba engewoka soko lokoka diyimek.

RASUL 9:41

Dara, Petrus bedya Dorkas gek soruk salawoka gliboka bukiyimok. Dara Petrus bera, anyagan ulumek munaʾ Imik Neyung mab eb, youwek salyaʾ ulumek gelewa eb yoululum aboka, Dorkas ge embengaʾ hweboka bukiyimok gel gera, wera anya e aboka sikenek elegesuk.

2 KORINTUS 8:12

Imik Neyung adya dara, unaʾ orok digumaʾ ak sununggulumla, alda seleb ululanya nok sunulamlaʾ anasa, ben hnon ara ganya doboka hyak arawonun senewoka eleklamlya dara, Imik Neyung ara perobaʾ leboka dolomla.

EPESUS 4:28

Nimi hokaʾ dololenya bera, hoga donaʾ ara wera loblul. Alda bera alja yokaʾ nong ok anyeb, bonaʾ garan ulumak nim ek elegousululaʾ aboka, alja soruk yokaʾ edya perob wa welelul.

1 TESALONIKA 1:3

Ugunda dib senewoka wa wenaʾ ak hnon, ugunda wanaʾ uldalalumaʾ ak hnon, ugunja Wenelesilnya Yesus Kristus yanamla senewoka ganya mel-mel aboka salalmoublelumaʾ ak hnon, banera nunja neyung Imik Neyung saramek sam sobaʾ beklemab.

1 TESALONIKA 4:13

Na kabo nim o, seleb somogek nim era hek so ulumak do aboka ella danasom senelemab. Sikenek perob danganaʾ unggulumak nim era, nauba engelemak sok unuwanggunusom.

1 TIMOTIUS 5:3

Sikbeyok munaʾ gobdo youk gelewa ulumak gelewa ek okoka aralalulum.

1 TIMOTIUS 5:5

Nimi hnon aranaʾ orokaʾ anyek albeyok ulumlya youk gel gera, Imik Neyung alak ok seiniwoka, yubyek inimnek pik arawonulul senewoka alak mololsinilamla.

1 YOHANES 3:18

Najabo yab o! Nunda sibamaʾ adyok gom, yuba dem adyok wanaʾ uldanaʾ ara mem. Bok nunda ganya goluwoka dib arawoka, dib aralemab anaʾ ara, nunja dib unulumnamabaʾ adya, wanaʾ uldalamnamab.