RASUL 9:35 - PERJANJIAN BARU NALCA YUBA

³⁵ Wera danyek nimi nidyaʾ Lida nim eb, Saron nim eb, Eneas bek unu hwemok ak eibek dara, sikda Yesus ak dib senewoka domek.

RASUL 9:35 ပူးပေါင်းရင်းမြစ်များ

RASUL 11:21

Wenelesilnya migib era, yuba lelemek nang gologoka ulusuk adya, wera sikja nimi yok nim ek yuba lelemek dara, nimi gong dib senewoka, sikja nonga ganya gekman Wenelesilnya bek sam elegemek.

RASUL 15:19

Onoʾ Yakobus bedya dara, ”Nadya senelamna dara, nunja dara, Yahudi gom nim Imik Neyung ak sam seleb ganya dangal balamak nim ek nunja adya okna nenewoka ganya wili-wala ab menegeibyek senelamna.

RASUL 19:10

Paulus bera ban unuwoka unulumok salek era, gibnaʾ penya gobdo lemok dara, Yahudi nang yokaʾ babya, onoʾ Yahudi gom nang eneba, nidyaʾ sikda Asia moka ulumeknya nera, gobdo Yesus yuba nidyaʾ kemek.

RASUL 19:20

Wera ban unulumek adya, Wenelesilnya bedya yub era hyak nauba neikaʾ ok oboka lelewoka, onoʾ migib danggiga balamok.

RASUL 2:47

Sikda hyak sobaʾ Imik Neyung ak giblemeekanya, nimi nidyaʾ sikenek perob senelesik. Dara, Wenelesilnya bedya yuba don nim ek yok bleblesuk nimi sob-sobaʾ sikenek bo maklesuk.

RASUL 4:4

Bok, nimi nauba, sikja lelesirek yuba kemek nang era, dib senemek. Dara, sik Imik Neyung yuba dib senemek nim era, hiboka denga salyaʾ lambadya nang (lima ribu orang) dangamok.

RASUL 6:7

Wera danyek, Imik Neyung yub ara, onoʾ mok soko oboka lelebgiga yabalamok. Dara, Yerusalem heikek ara, nim Imik Neyung yuba doro diriga ban nang era nauba danggiga balamookanya, onoʾ al Yahudi yuba wa gakaʾ dub nang nauba eneba, Yesus ak dib senewoka Imik Neyung yuba dib domek.

RASUL 9:34

Petrus bedya Eneas bek lebokja, ”Eneas, Yesus Kristus adya anak seleb hwebgel anasa, anda bukoka anja ekla malalamaʾ nidyaʾ pe winiwoka ul yabalom,” hyok. Dara, wene sab-sab Eneas bera bukuka sekemok.

RASUL 9:42

Petrus bedya ban unuwoka hwemok yub era, Yope moka nidyaʾ oboka lelemok dara, anadya nimi nauba Wenelesilnya bek dib senemek.

2 KORINTUS 3:16

Bok nimi hnon Imik Neyung ak ganya dangawoka yalamak dara, hogung ak goululesilaʾ ara glokoka boloklesil.