RASUL 9:34 - PERJANJIAN BARU NALCA YUBA

³⁴ Petrus bedya Eneas bek lebokja, ”Eneas, Yesus Kristus adya anak seleb hwebgel anasa, anda bukoka anja ekla malalamaʾ nidyaʾ pe winiwoka ul yabalom,” hyok. Dara, wene sab-sab Eneas bera bukuka sekemok.

RASUL 9:34 ပူးပေါင်းရင်းမြစ်များ

MATIUS 8:3

Dara Yesus adya benyek salawoka lebokaʾ ara, ”Nara or senewan. Anasa bokaʾ or dobgolul e!” hyok. Dara wene sab-sab gororomaʾ delemokaʾ ara dengaro lobok.

MATIUS 9:6

Bok wenyek dara, nimi dibaʾ me aldib soko dubuk an ara, nim adya malya unaʾ sikenek ab sobaʾ memelesil ulumla geknebaʾ ara, wen laga unuwanamna,” hyok. Dara onoʾ Yesus ara nonga heimoknya bek, ”Anda sekoka, anja esonaʾ doboka bobmenekanya, anja ek bilom!” hyok.

YOHANES 2:11

Yesus adya, alja senenggom migibaʾ beknaʾ sokok unura yabalamokaʾ hyak men youbuka unumoknya nera, Kanaan heikek ab unumok. Ban unumokaʾ adya, alja senenggom migibaʾ unaʾ era laga dangamok. Dara, alja diriga ban nang era, alak dib senemek.

RASUL 16:18

Hyakaʾ li wen sob-sobaʾ gel gera wenyal giriklemok. Dara, yok sum era, Paulus bera siklelonaʾ loboka, alda gel genyek an keeboka lemokja, ”Yesus Kristus si sibuka lebgen, Ban weklum bisaʾ era goboka yibilom,” hyok. Dara, al wene salek enyek, bisaʾ era gel genyek abaʾ ara goboka bilimok.

RASUL 3:12

Wera, Petrus bera nimi nauba eiyimok dara, sikenek, ”Wei ugunda Israeli nim o, ugunda hekasa ban unumlaʾ ak loka dasil do? Ugunda hekasa nuk ngekellublesulum do? Ban nonga heiboknya bera nunja migib edya gom, nunda hyak pe ulunam adya gom, yan ingi yabalamla senelum de.

RASUL 3:16

Dara, ban eiyiboka seleb ella ululumnya benyek, Yesus si adya, Yesus si ak dib senenaʾ adya merewal. Aldib, alda seleb migib uboka eikaʾ nong dalaʾ ara, Yesus ab alja migib ek dib senenaʾ nong adya ok ubla. Yesus ak dib senenaʾ adya, ban benera, hemyab o, ugunja hogung ak sam laga eikaʾ merewal,” hyok.

RASUL 3:6

Bok, Petrus bedya heimoknya bek, ”Rupiah yokaʾ-yokaʾ ara nak hnon unaʾ orok anasa, wera alda nak dan yokaʾ don hnonok ulumlaʾ anyek eleganenggen. Yesus Kristus Nazaretnya bedya si sibuka, anda sekoka yabalom,” wenyaboka hwemok.

RASUL 4:10

Neyung yab dub nang ugumbabya hnon, onoʾ Israeli sokok nimi nidyaʾ hnon, ella danalum. Ban heimokaʾ anyek embengaʾ seklelanya benera si ara, Yesus Kristus Nazaret mok ebnya bedya migib adya, ugunja hogunguk hyak eikaʾ sekla. Ugunja seleb oboka gal ak glablum dara, somogok bok, Imik Neyung adya somoknaʾ ak ab suboka bukiyimoknya bedya migib adya ubla ara, ella ubnalum.

RASUL 9:33

Wera Lida heikek ara, Petrus bera, nimi hnon alda nonga heimokaʾ anyek malamok salek era, seleb gibnaʾ ara linbadya lemok ak, alja si nera Eneas alameknya beb neikaʾ ehwibdangarek.

RASUL 9:35

Wera danyek nimi nidyaʾ Lida nim eb, Saron nim eb, Eneas bek unu hwemok ak eibek dara, sikda Yesus ak dib senewoka domek.