RASUL 9:27 - PERJANJIAN BARU NALCA YUBA

²⁷ Wera onoʾ eimik Barnabas bedya Saulus bek yeiniboka, Saulus eboka bobok dara, Yesus yuba lenaʾ gak nang ek bo biniboka amasuk. Dara Barnabas bedya Saulus bera hekaʾ anaso uboka Wenelesilnya bek eibookanya, onoʾ hekaʾ huboka Wenelesilnya bedya alak lemok ara sikenek nekesuk. Wera onoʾ Barnabas al Saulus hyak asaʾ nong anyek, Damsyik heikek Imik Neyung si nimi yok nang ek lel eleklesuk anyek sikenek nekesuk.

RASUL 9:27 ပူးပေါင်းရင်းမြစ်များ

RASUL 11:22

Ban unulumokaʾ danara, Yerusalem heikek sam ulumek yuba donaʾ nim ek oboka lelel bilimok. Dara, sikja Barnabas bek Antiokhia heikek bilom aboka bokol yeilimek.

RASUL 11:25

Ban nen seleb dara, Barnabas bera Saulus bek ebgiga Tarsus heikek bilimookanya,

RASUL 12:25

Wera Barnabas beb, Saulus beb dara, Yerusalem heik seleb biniboka, sikja sikenek orugesik wa seleb webgogorek dara, Yerusalem heik ab ara, Yohanes yok si Markus be hnon eboka bobdeekanya, onoʾ Antiokhia heikek yeilimek.

RASUL 13:2

Dara sikda gwanenga denaʾ loboka, Wenelesilnya bek giboka ulsinilimek sum enyek, Imik Neyung Geisinya adya sikenek, ”Barnabas beb, Saulus beb, nadya sikja webnerak senemsa wa webduruk aboka, nasamba gaboka sekiyiwanalum,” hyok.

RASUL 15:2

Bok Paulus beb, Barnabas beb dadya dara, nera sondaʾ lelelum aboka dogom aboka dukaʾ lolom-lolom aboka lelemek. Wenyabdanggiga balameekanya, wera Paulus beb, Barnabas beb, Antiokhia heikek Imik Neyung yuba dib domek nang eb, Yerusalem heikek bindiwoka Imik Neyung yuba lenaʾ gak nang eb, yuba dam nang eb, ban yub enyek sal binimab aboka, lebdangamek.

RASUL 4:13

Dara, nimi nauba henga gereksin ek yuba sabnobaʾ aboka longomek nim era, Petrus beb Yohanes beb, sikja asaʾ nong anyek yuba saboka, sikda sekolah hnon nauba donaʾ orok bok, nauba pe lelerek eiyimek dara, hyak loka nauba dasuk. Dara wera, sik penya dara, Yesus yuba doro diriga balarek nang era alan senewoka, bekoka ella dangamek.

RASUL 4:29

Anasa Wenelesilimnya o, wenyok sikda nuk wellublesak anyek kendesilom. Onoʾ nuk anja wa wen nang enyek, anja yub enyek lok orok anyek asaʾ ganya boboka leb giriganobaʾ aboka, or unuwanalum aboka nuk migibaʾ elegeisilom.

RASUL 4:36

Dara, Yusuf beneba neikso unulumok. Alda alja yokok soko era, yok nang ek rupiah deklulum aboka, rupiah seleb dobna dara, rupiah era Imik Neyung yuba lenaʾ gak nang ek bo elegel bilisuk. Ban unumoknya Yusuf bera Lewi nang yilaʾ Siprus mok ebnya. Men Imik Neyung yuba lenaʾ gak nang edya alak Barnabas aboka si silimek. Nunja yub edya dara, ganya heksinaʾanya alamab.

RASUL 9:17

Dara Ananias bera, Yudas bedya ek biniboka, Saulus bek soruka diyiwoka umok. Ananias bedya Saulus bek lebokaʾ ara, ”Hem Saulus o, ampum pikik yalamom danyek eiyimomnya Wenelesilnya Yesus bedya, nara anyagan yanamna adya anda merewoka, Imik Neyung Geisinya adya deknewanenggel anasa, wenyaboka alak bilom amla anasa yeilimna,” hyok.

RASUL 9:29

Dara Saulus bera, Yahudi nang bok, Yunani yuba salamek nang eb, neikaʾ yuba heibdangoka, onoʾ sabdangdang balameekanya, sikda Saulus bek obnemab senen ganya boboka dulumek.

1 KORINTUS 15:8

Sidyaʾ nong ara nak an, nara okoka yok sum enyek beiyinyeknya bek an aabdok.

1 KORINTUS 9:6

Goma, Barnabas beb nab danyek ok, denaʾ ara, sikbeyok ganya hwiboka eboka deleruruk senelemak de?

GALATIA 2:13

Dara, yok Yahudi nim eneba Petrus bedya ulumok sok diligaʾ dolomekaʾ adya, dara onoʾ eimik era, Barnabas beneba benewoka sikja ununaʾ ak neik diligaʾ domok.

GALATIA 2:9

Wera Imik Neyung adyaʾ wanaʾ uboka eleksinaʾ enera, nak eleganyokaʾ ak eibek dara, Yakobus beb, Petrus beb, Yohanes beb dadya dara, sikda yuba lenaʾ gak dub nang ulumekaʾ anasa, nab Barnabas beb soruka salawoka gibdanggogowouba dara, wera anara nunda neikaʾ kwebdangoka, ugunda Yahudi gom nim ek welemnerum bok, nuk dara, Yahudi nim ek welemnemab aboka ububa.