RASUL 9:17 - PERJANJIAN BARU NALCA YUBA

¹⁷ Dara Ananias bera, Yudas bedya ek biniboka, Saulus bek soruka diyiwoka umok. Ananias bedya Saulus bek lebokaʾ ara, ”Hem Saulus o, ampum pikik yalamom danyek eiyimomnya Wenelesilnya Yesus bedya, nara anyagan yanamna adya anda merewoka, Imik Neyung Geisinya adya deknewanenggel anasa, wenyaboka alak bilom amla anasa yeilimna,” hyok.

RASUL 9:17 ပူးပေါင်းရင်းမြစ်များ

MATIUS 19:13

Nimi sikja mabo Yesus adya soruk diyiboka, heng uboka Imik Neyung ak molowosululaʾ aboka bo yeilimek. Bok Yesus adya yuba doro diriga ban nim edya, memabo bo yeilimek nim ek wabsik.

MARKUS 5:23

Anya alja Yesus ak, ”Neyung o, nadyaʾ mek gelma era, hyak dubhin daknunaʾ aboka ulumlaʾ anasa, nadyaʾ ek yeiniboka, anya soruk al eilib dibmen enyek merewoka eikaʾ ulululaʾ aboka yalom,” wenyaboka yeiriwoka molowok.

MARKUS 6:5

Wera ban heik enyek anara, Yesus ara, yokaʾ senenggomaʾ lok soʾ migib ununaʾ ara hnon unuwanggubuk bok, alda neiknaʾ nimi wene nim ok, alja soruka sikenek salawoka hwebsuk.

LUKAS 1:41

Dara Elisabet gera, Maria gedya gibel yabokaʾ anyek kel yabok sab-sab, alja mon lomok bomok me nera nauba ebegookanya, Elisabet gera Imik Neyung Geisinya adyok deknero lobok.

LUKAS 1:67

Dara Zakharia, Yohanes eili bera, Imik Neyung Geisinya adya deknewoka ubookanya, anaso unuwanamla aboka ununumnaʾ lebokaʾ ara,

LUKAS 1:76

Anya anda najab o, anak dara, Wenelesilnya bedya pika meewoka yarawalom aboka, anda men mengewanelam anasa, Imik Neyung hyak imik ululanya bedya ununumnaʾ lenya aboka si silimnenjak.

LUKAS 15:30

Bok, anja me nera anja bonaʾ era malya ulumak gelewa pik bokoka orok nenewok me nenyek anam yanggal sab-sab, neyung anda na me eibna bar aboka, mesaʾ nong pam enyek oboka youblam! aboka lebok.”

LUKAS 15:32

Bok nunda perob senewoka eiya daboka, pam oboka youbabaʾ ara, anja weis era seleb somogok bok, wera embengaʾ bukoka yal, seleb weiningdokjok, onoʾ saaboka eibabaʾ anasa, ubab! hyok,” wenyaboka lebok.

LUKAS 2:11

Sumen era ugunsamba, nimi blebsinaʾ dubnya, Wenelesilnya Kristus benyek, Daud bedya heikek beibla.

RASUL 10:36

”Hem yab o, Israeli nim ek Imik Neyung adya lesuk yub era ugunda seleb ella ululum. Ban lesuk yub era, Yesus Kristus adya ganya hekdangoka un yub ek lebsuk. Ban Yesus ara nimi nidyaʾ siksamba Wenelesilnya ulusil.

RASUL 13:3

Wera sikda gwanenga denggonggom heng uboka molowoka ubgogomekaʾ seleb dara, Barnabas beb, Saulus beb sikenek soruka salawoka heng uboka lebsikaʾ seleb dara, sikenek Imik Neyung yuba lero yibiruruk aboka bokosik.

RASUL 13:52

Wera Antiokhia heikek ulumek yuba doro diriga ban nang era, hyak ei-ei ganya boboka, Imik Neyung Geisinya adya deknewoka ulumek.

RASUL 19:6

Wera Paulus sikenek soruka salawoka heng uboka lelesuk sum enyek, Imik Neyung Geisinya sikenek gologol yingginiboka, sikda yok-yok yuba saboka, Imik Neyung yuba lel yabek.

RASUL 2:4

Wera dara, sikda nidyaʾ Imik Neyung ganya adya deknesuk dara, Imik Neyung Geisinya adya anyek sabnok senewoka elegesukaʾ adya, sikda yok-yok yuba nidyaʾ saro yabalamek.

RASUL 21:20

Paulus bedya ban wenyaboka nekesuk anyek seleb kemek dara, perob aboka sikda nidyaʾ Imik Neyung ak giblemek. Danyek onoʾ sikja Paulus bek, ”Hem Paulus o, Yahudi nimi yokaʾ nong ara deng sal-salyaʾ anyek Yesus ak dib senelemak. Sikda Musa bedya unuwanalum an yub ek perob senewoka ganya oloklemek nang bok, Yesus ak dib senemek.

RASUL 26:15

Wera danyek nadya, Neyung, anda heknya do? aboka heibsa dara, Wenelesilnya nak lebnyok ara, Nara Yesus anja olonelemnya benyaʾ, anyok.

RASUL 4:31

Wenyaboka Imik Neyung ak seleb mololgogol yabek dara, sik longomek e nera warawoka lobok. Dara, sikda nidyaʾ ara Imik Neyung Geisinya adya deknewoka, asaʾ nong anyek, Imik Neyung yuba nim ek lero yabalamek.

RASUL 6:6

Dara, ban sekbadya nang era doboka obadya yuba lenaʾ gak nang ek, wera sekiyiwanamab nang era an aboka lebek dara, obadya nang edya, soruka sikenek diyiwoka, heng uboka molosik.

RASUL 8:17

Dara, Petrus beb, Yohanes beb dadya, Samaria nim ek sikja soruka salawoka heng uboka lelesirik dara, wera Imik Neyung adya Geisinya ara dib domek.

RASUL 9:18

Dara al wene sab-sab enyek, hadyaʾ hayaʾ anaso anyek, Saulus bedya hengek ab glob deboka yibiniboka, heng ara eikaʾ nong anyek onsok umok. Dara, Saulus mamok ara bukuk dara, meka damek.

ROMA 15:7

Anasa Kristus ara nuk Imik Neyung ak perob giginaʾ amba leboka seleb dobsuk sok, ugumbabya yok nang anaba pe keboka unuldalalulum.

1 KORINTUS 15:47

Men uyimoknya Adam bera, soko yokaʾ ak doboka uyimok, bok eimik Adam bera, imik heikek abaʾ ara yeilimok.

1 KORINTUS 15:8

Sidyaʾ nong ara nak an, nara okoka yok sum enyek beiyinyeknya bek an aabdok.

1 KORINTUS 9:1

Nabeyok ganya doboka, unulunanya unggulumna de? Nara Imik Neyung yuba lenaʾ gaknya unggulumna de? Nara nunja Wenelesilnya Yesus bera seleb eibnenggusinya bek ulumna de? Ugunuk dara, nadya Wenelesilnya bemba wa websaʾ adya, ugun Imik Neyung mabo dangalum nim unggululum de?

1 TIMOTIUS 4:14

Ununumnaʾ lelemek nang edya ansamba hnon orowek geklewoka lebjeekanya, nimi bo usin nang edya anak soruka luluwoka, Imik Neyung ak alda ban wa welemnamla aboka soruk diyinjekaʾ adya, ban unu welelomaʾ aboka elegenjeknya nera, beillonggom, mem.

1 TIMOTIUS 5:22

Anda nimi yok nim ek benera Wenelesilnya bedya wa webnamla aboka, men berra soruka dib yaboka ununggom mem. Yok nimi malya unaʾ ak dara, anja dob salawoka neikik ununggom mem. An nong anyek pe geisa ululomaʾ aboka diri uldalalom.

2 TIMOTIUS 1:6

Ban nenesa leboka, nadya anak soruka diyiwoka heng uboka yuba lelelom aboka lenggesa sum enyek, Imik Neyung adya anak elegenjoknya nenyek nauba nenelelomaʾ aboka, gokoka neklenggen.

PILEMON 1:16

Wenyek dara alda ek wa wenya dangoka unaʾ ok unggululabok, alda perob wa wenya be hnon ulumla. Alda wera hnonda Imik Neyung yuba dolomabaʾ wanaʾ ulumabnya bek hnon ulumla. Alda wenera nak dara, nadya wanaʾ hemnya ulunelekanya, dara onoʾ anak dara nauba so wanaʾ ulunggel! Anasa alda wera nunjaʾ oruknaʾ wa wen danaba perobaʾ ak ulumlakanya, onoʾ hyak nauba ara Wenelesilnya bedya wa wenaʾ anaba hyak perobnya bek ulumla!

IBRANI 6:2

mek danaʾ yuba hnon, nimi soruka diyiwoka heng ubokaʾ len yuba hnon, somogamna nimi suboka embengaʾ bunaʾ yuba hnon, igina yakaʾ ubmoruwanesil yuba hnon, nenyek egomnaʾ dibaʾ saawoka iknenggulumnamab.

2 PETRUS 3:15

Imik Neyung ara men yangganggulumlaʾ ara, nuk blebsununaʾ ubokaʾ senewoka ugunda ganya enyek, pe boblulum. Nunjaʾ hem be hiboka wanaʾ ulumabnya Paulus bedya ugunuk wenyaboka momnya doboka beibsuk. Alda ugunuk momnya doboka beibsukaʾ ara, Imik Neyung adya alak geremseng eleklelanya nedya ubsuk.