RASUL 9:15 - PERJANJIAN BARU NALCA YUBA

¹⁵ Bok Wenelesilnya bedya Ananias bek, ”Anda or bilom e,” hyok. ”Nadya Saulus bek, nak aralenulul aboka, nadya yub enyek Yahudi gom nim ek hnon, mok soko dub nang ek hnon, alja mok nim Israeli nim ek hnon, leb elekdo yibilul aboka, nadya gaboka domna anasa, anda or alak bilom.

RASUL 9:15 ပူးပေါင်းရင်းမြစ်များ

MATIUS 10:18

Ugunda nadya yuba donaʾ nang ulumnelumaʾ amba leboka, ugunuk heng geregoka senenggom soko dub nang ek hnon bo binisak. Wera ban unuwanasak salek, perob salek era anya anasa, ugunda nasamba hnon yuba sikenek nekoka, hnonda Imik Neyung ak elgom ulumak nim ek hnon neklemnelum.

YOHANES 15:16

Ugunda nak dobnenggunulum bok, nadya ugunuk weboka dosisa. Ugunda bindiwoka, sobaʾ ulmorulumnamla doka moulusululaʾ aboka, dosisa. Dara, nadya si sibuka, neyung bek ab yokaʾ-yokaʾ nidyaʾ elegesilom aboka mololomun dara, eleganesil.

RASUL 13:2

Dara sikda gwanenga denaʾ loboka, Wenelesilnya bek giboka ulsinilimek sum enyek, Imik Neyung Geisinya adya sikenek, ”Barnabas beb, Saulus beb, nadya sikja webnerak senemsa wa webduruk aboka, nasamba gaboka sekiyiwanalum,” hyok.

RASUL 21:19

Wera Paulus sikenek seleb gibsuk dara, alda sikenek Imik Neyung al Paulus be pik uboka, yok sokok Yahudi gom nim ek sam yokaʾ-yokaʾ perobaʾ unulusukaʾ anyek laga nekesuk.

RASUL 22:14

Wera Ananias bedya nak lebnyok ara, Nunja neyung yabo sikja Imik Neyung adya, anda alja senelamla anyek ella dalom aboka dara, alja pelelanya eiyiwoka, alja yuba nong ak ab kebnelam anasa, gaboka donggel.

RASUL 22:21

Bok Wenelesilnya bedya nak saawoka lebnyok ara, Nadya anak hyak mok Yahudi gom nim ek bilom aboka orugenggen anasa, or bilom, anyok,” hyok.

RASUL 25:22

Dara Agripa bedya Festus bek, ”Hem o, Paulus alamaknya bedya lelemla yub enyek, naba okoka kebsinya,” hyok dara, Festus bedya Agripa bek, ”Wera neyung, ampum ak alja yeiniboka lel yabalya yub ara kebnelam,” hyok.

RASUL 26:1

Wera danyek Agripa bedya Paulus bek, ”Wenera anda yuba saboka sekdanalam anasa, or wenyaldal yabalom,” hyok. Dara, wen Paulus bedya soruk eb weininggoka leb einimok.

RASUL 26:32

Dara Agripa bedya Festus bek, ”Paulus benyek dara, alja Kaisar dubnya bedya saramek sam yana lelewanenulum anaʾ orok dara, alak henga lobneseng bok ulumla,” hyok.

RASUL 27:24

Paulus o, anda lok ganya bonaʾ ara mem. Anda Kaisar dubnya bek alja hogung ak binilam bok anasa, onoʾ Imik Neyung adya, alja anak perob ununaʾ edya anasa leboka anab neikaʾ mek ekla bunaʾ pik yabalelum nanga nidyaʾ ara merewanalum, anel.

RASUL 28:17

Paulus bera Roma heikek ara seleb li winilya mabok dara, Yahudi nang bok Roma heikek ulumek Yahudi dub nang ek yanalum aboka ebmamagesuk. Wera sikda seleb mamagel yeilimek dara, sikenek Paulus bedya lebsukja, ”Hem yab o! Nara nunja mok soko ek hnon, nunja neyung yabo youmaʾ nang ek ab domobnya nenyek hnon, laga blekoka hnon ubnenggumsa bok, Yerusalem heikek ab nak henga gouboka Roma nang ak elegel yanyek.

RASUL 28:28

Paulus ban lemookanya onoʾ lemok ara, ”Anasa wera, ban ak ella danalum. Imik Neyung adya nimi blebsinaʾ damok yub anyek, yok soko nang ek sikenek leb elegeisinok aboka seleb orugosuk. Dara, sikda ban yuba kebnamak,” hyok.

ROMA 1:1

Paulus bek ab, Kristus Yesus wa wenya, yuba lenaʾ gaknya dalyekanya, perob lero yanggan yuba lero yabalalulaʾ aboka, yalom hyoknya.

ROMA 1:5

Dara al si pik ab uboka, nunda wanaʾ uboka eleksinaʾ ab, yuba lenaʾ gak wa dara, nidyaʾ yok-yok mok soko nim era yub ak ganya dib donaʾ pik uboka pe keboka, sikda alja si nek aldib senewanok aboka dobub.

ROMA 11:13

Wei, Yahudi gom nim o, nara ugunuk wenyhenesin. Wera na nong ara, Yahudi gom mok soko nim emba yub lenaʾ gaknya ulumna anasa, ban yub damok era nadya welemna wa senenggomaʾ perobaʾ ara wera an senelamna.

1 KORINTUS 15:10

Bok, Imik Neyung adya wanaʾ uboka eleksinaʾ nong edya, nara wera an seleb wen ulumna sok dasa. Imik Neyung adya nadya unulamsa malya unaʾ doboka boboganyokaʾ ara, salyaʾ lelem ub lobnenggubnyok. Nadya yok yuba lenaʾ nang era, nauba so ununaʾ orok bok, nak danyek nauba yeiriwoka welemsa. Bok, nera nadya ok wenggulumsa. Alda nenera Imik Neyung adya nak wanaʾ uboka eleksinaʾ elegenyokaʾ adya unumsa.

1 KORINTUS 9:16

Anasa wera, al Imik Neyung yuba lero yabanaʾ nong amba ok dara, nara pelemna aboka nonggo abdanggunusinya. Bok, nenera Imik Neyung adya or unululom aboka leboknya nenesa unulamna. Wera Imik Neyung adya yuba lelelom aboka, orugunosobok nadya lolosinya dara, nara hyak omom nongaʾ ak ulumnesinya.

GALATIA 1:1

Nara Paulus, yuba lenaʾ gaknya ulumnaʾ ara, nim adya gom, onoʾ ben hnon perobnya bedya gaknya dangoka wa nen welelom henggubnyok bok, alda Yesus Kristus adya hnon, Imik Neyung nunjaʾ neyung, Yesus nimi somoknaʾ ak ab embengaʾ suboka bukiyiwoknya bedya hnon, sekiyiwanyok.

EPESUS 3:1

Ban nenesa leboka, ugun Yahudi gom nim enyek, nara Paulus bera Kristus Yesus amba leboka gasa ek henga gouboka beibnyeknya bedya, ugunsamba mololesin.

1 TIMOTIUS 2:7

Dara wera ban nenesa leboka, nak yuba lel eleksinya lenaʾ gaknya sekiyinyok. Wera Yahudi gom nim ek, nadya dib senewoka jong dangalamak yuba leb elegosululaʾ aboka nak sekiyinyok. Nara ban wenyalananya nera dib lelemna, sonda ak lenggulumna.

2 TIMOTIUS 1:11

Ban wenyaboka perob lero yanggan yuba lero yaban damba, Imik Neyung adya nak yuba lenaʾ gaknya hnon, yuba neksinya hnon, jaboka sekiyinyok.

2 TIMOTIUS 2:4

Nimi mala naklenanya bera, alda anam oldalamna salek era, mal gakaʾanya bedya perob senewonulul senewoka yeiriwoka naklamnakanya, alja wa yokaʾ ak ara wel yabenggulumla.

WAHYU 17:14

Anya sikda domba me ak mala boboka oldalamnamak. Bok ban domba me ara nidyaʾ wenelesak nang sikja senenggom Wenelesilnya ulumnamlakanya, nidyaʾ dub nang dubnya ulumlaʾ anasa, alab, sikenek weboka doboka alak bojam ulumak nang eb dadya, oblamaganamak,” wenyaboka nekenyok.