RASUL 8:39 - PERJANJIAN BARU NALCA YUBA

³⁹ Wera mekek ab ara goboka yabarek dara, Pilipus bera Imik Neyung Geisinya adya wene sab-sab doboka yokok bo bilimok. Dara, Etiopianya bedya dara, Pilipus bek mekaʾ eil donaʾ ara hyak orok. Bok, ban Etiopia dub nang wa wenaʾ dubnya bera ganya eiya daboka alja ek pik bilimok.

RASUL 8:39 ပူးပေါင်းရင်းမြစ်များ

MATIUS 13:44

”Imik Neyung adya wenelemnesilaʾ ara, hogung ara banaso ulumlaʾ ara, perob bonaʾ enyek, soko lomok weremnaʾ anyek, nimi ben hnonjok eibna dara, onsok soko lomok sam seiklamla. Wera bera hyak nauba eiya dabna dara, alja youmaʾ bonaʾ e nidyaʾ ara yok nim ek dekdowoululum aboka lebnekanya, wera alak elegan rupiah edya perob bonaʾ soko seikimnaʾ ak yeiniboka soko en deklamla,” hyok.

MATIUS 3:16

Seleb meka dabok dara, Yesus ara mek lomok abaʾ ara goboka welok enyek, wene sab-sab im pika gaboka, Imik Neyung Geisinya ara, bek wining enesoʾ anyek alak bul yinggyuk ak eibuk.

MARKUS 1:10

Wera Yesus ara mek lomok abaʾ goboka welok dara, kemelemok enyek, Imik Neyung Geisinya ara im pika gaboka, bek wining enesoʾ anyek, Yesus adyaʾ nong dubuk bul yeilimok.

RASUL 13:52

Wera Antiokhia heikek ulumek yuba doro diriga ban nang era, hyak ei-ei ganya boboka, Imik Neyung Geisinya adya deknewoka ulumek.

RASUL 16:34

Wera nimi henga gereksinaʾ dubnya bera Paulus beb, Silas beb, alja ek sam eboka bo biniboka denaʾ siksamba urusuk. Dara alab, alja ek nimi nidyaʾ Imik Neyung ak wen dib senewab senewoka, sikja ganya ak eiya dasuk.

RASUL 8:29

Dara onoʾ Imik Neyung Geisinya adya, Pilipus bek, ”Anda alda yabalamla ak sam dol gonul bilom,” hyok.

RASUL 8:38

Dara onnya bedya, ”Pam e nera anyagan dek-deka sobnanam,” aboka orugumok dara, sikda anyagan balarek ara dek-deka sorek. Dara Pilipus beb, Etiopianya beb, mek inik yingginiboka, Pilipus bedya alak meka dabok.

RASUL 8:8

Dara, nimi nidyaʾ Samaria heik ulumek heik nanga nidyaʾ ara hyak eiya dablasuk.

ROMA 5:2

Dara ban ganya aldib senelemabaʾ adya, nunda al pik uboka, perob eleknaʾ ban pik era seleb doboka ulumab. Anya, nunda ban perob eleksinaʾ pikek ulumabakanya, Imik Neyung adyaʾ perobaʾ senenggomaʾ ara, dobnemab senewoka, ganya weboka bolboloklemab.

PILIPI 3:3

Nera nuk danyek bolaʾ garanaʾ dibaʾ ara seleb domouba, sikenek dara orok. Nunda Imik Neyung giblemabaʾ ara, Imik Neyung Geisinya adya bo ulusilaʾ adya giblemab dara, onoʾ nunda Yesus Kristus ab seleb neikaʾ kwebdangoka ulumabaʾ adya perob aboka giblemab. Nunda sokok an seʾ nim adya ok ganya doboka unulumaknya nek ganya dib beiliwoka unggulumab.

PILIPI 4:4

Ugunda Wenelesilnya beb seleb neikaʾ kwebdangoka ululumaʾ anasa leboka, ei-ei ganya sobaʾ bololulum. Onoʾ saawoka hnon wenyhenesin: Ugunda ei-ei ganya bololulum e.

YAKOBUS 4:16

Bok ugunda wenera dengdang ganya boboka nauba nonggo aldalalum. Anya ban unu lelelumaʾ ara malya unaʾ anyaʾ.