RASUL 8:37 - PERJANJIAN BARU NALCA YUBA

³⁷ Dara Pilipus bedya Etiopianya bek, ”Neyung o, anda hyak Yesus ak ganya gekman dib senewamen dara, wera meka dabnenggen,” hyok. Dara Etiopianya bedya, ”Nara Yesus Kristus ara Imik Neyung bedya me dib ulumla ara dib senelamna,” hyok.

RASUL 8:37 ပူးပေါင်းရင်းမြစ်များ

MATIUS 16:16

Dara Simon Petrus bedya, ”Neyung, anda Kristus, nimi blebsinaʾ dubnya ululam. Anda Imik Neyung embengaʾ ululanya bedya me ululam,” hyok.

MATIUS 28:19

Anasa wera, ugunda nidyaʾ sokok biniboka, nidyaʾ yok-yok mok soko nim era, nadya yuba doboka diriga ban nanga dangiyiwanalum. Anya Neyung bek si sibuka, alja me nek si sibuka, Geisinya bek si sibuka, sikda meka dalamnalum.

MARKUS 16:16

Nimi nidyaʾ yuba dib senenggulumeija nim era, igina kweiyiwanesil bok, yuba dib senewoka meka dalesija nim era, blebnesil.

YOHANES 11:27

Dara, Marta gedya Yesus ak, ”Wenelesilimnya o, nera nara dib senelamna. Anda aldib Imik Neyung bedya me ululamakanya, nimi blebsinaʾ dubnya Kristus eimik sokok yanamla wenyameknya bera alan dib nong ululam,” hyok.

YOHANES 20:31

Bok, ban nidyaʾ anyagan momnya dorobnya nera, ugunja Yesus ara aldib Kristus nimi blebsinaʾ dubnya uboka, Imik Neyung me dibaʾ senewoka seiniwolulumaʾ aboka, dara alak dib senelemunaʾ adya, alja si nenesa leboka, ugunda embengaʾ unaʾ dibaʾ dobnelum aboka, ban yub era momnya dorob.

YOHANES 6:68

Dara, Simon Petrus bedya Yesus ak, ”Neyung o, nunda heknya ak binisibya do? Embengaʾ ulmoubnaʾ yub ara anak danyek ulumla.

YOHANES 9:35

Yesus ara alja henga lumnya bok hwemoknya bera, Yahudi nang edya alak yakekaʾ kebok dara, alak eiyiboka lebokja, ”Anda nimi dibaʾ me nek dib senelelam gom orok gom?” aboka heibok.

RASUL 2:38

Dara, Petrus bedya sikenek, ”Ugunda nidyaʾ ara, ganya dangawoka malya unaʾ meewanasil dara, ganya dangawoka, Yesus Kristus si sibuka mek danaʾ doblulum. Dara, ugunda Imik Neyung adya Geisinya eleganesilaʾ ara dobnelum.

RASUL 8:12

Bok, Pilipus bedya sik Samaria nim ek, Imik Neyung yuba leboka, nimi blebsinaʾ dubnya si Yesus Kristus adya, eimik wenelemnesil aboka lelemok dara, Samaria nim era Pilipus bedya lelemok yub ek dib senemek. Dara, sikda gelewa anaba, nengmab anaba, nidyaʾ meka dalasuk.

RASUL 8:21

Anda Imik Neyung ak jong ganya ara orok anasa, nunja welemab wa nek ara, neika arawoka wenaʾ ara loblom.

RASUL 8:36

Wera sik penya dara, pikik anam balareekanya, wera meka ulumokaʾ ak sam yok sam birik. Dara, Etiopianya bedya, ”Wera, mek ara an ulumla anyek kendelom. Anasa wera, nak ara hekaʾ mekso ulunel anasa, meka danenaʾ ara lobnenelem do?” hyok.

RASUL 8:38

Dara onnya bedya, ”Pam e nera anyagan dek-deka sobnanam,” aboka orugumok dara, sikda anyagan balarek ara dek-deka sorek. Dara Pilipus beb, Etiopianya beb, mek inik yingginiboka, Pilipus bedya alak meka dabok.

RASUL 9:20

Dara nenyek moruwoka, Yahudi nim edya yuba don e pik biniboka, nimi yok nang ek, Yesus ara aldib Imik Neyung bedya me dibaʾ aboka lel eleklesuk.

ROMA 10:10

Dara nimi ganya anedya aldib senelemak dara, perobaʾ nenelesil. Anya sibamaʾ adya laga lelemak dara, bleblesil.

1 KORINTUS 12:3

Imik Neyung Geisinya adya bo ulusilya nim edya dara, ”Yesus ak ara meilinya,” hemenggom anasa, ugunda ella danalum aboka, neksin. Anasonya neikik, onoʾ Imik Neyung Geisinya adya diri bo usinaʾ orok nim edya, ”Yesus anyek Wenelesilnya ulumla,” hemenggom anasa lebsin.

1 PETRUS 3:21

Ban youmaʾ unumokaʾ ara, sununaʾ dibaʾ ara wen an ugun blebsinaʾ damok ara, meka dalasak an. Ban meka dalasakaʾ adya, ugunja malya unaʾ ganya lomok ulusilaʾ nidyaʾ anyek doboka boloknenggulusak, alda ugunja Imik Neyung ak nara eimik saawoka hnon malya ub sounuwanggunumna, anya nenesa beknaʾ dibaʾ meka dalasak. Mek danaʾ adya nimi bleblesilnya nera, Yesus Kristus anyek malya unaʾ ak sam ab seleb somogoka suboka welewokaʾ adya ok bleblesil.

1 YOHANES 4:15

Heknedya Yesus ara Imik Neyung bedya me aboka laga lelemla dara, Imik Neyung ara al lomok ulumlakanya, bera onoʾ Imik Neyung lomok ulumla.

1 YOHANES 5:1

Yesus ara Imik Neyung adya sokok blebsinaʾ dubnya Kristus aboka lesuk aboka dib senelelanya bera, alda aldib Imik Neyung alja me ulumla. Nimi hnon ben hnon ak wanaʾ ulumla dara, wera alaʾ me ak anaba wanaʾ ulumla.

1 YOHANES 5:10

Anasa ban nenesa leboka, Imik Neyung alja me nek dib senelemak nim era, ban laga lelemla yub enera, seleb ganya lomok ulusil. Bok Imik Neyung ak dib senenaʾ orok nim era, Imik Neyung ara sondaʾ lelelanya nenelemak. Ban unulumaknya nera, Imik Neyung adya alja me nemba lelemlaʾ anyek dib senenggulumakaʾ adya sondaʾ lelelanya nenelemak.

1 YOHANES 5:5

Heknedya sokok an yokaʾ-yokaʾ ob lamaganamso do? Al Yesus ara Imik Neyung bedya me yokaʾ ulumla aboka dib senelelanya bedyok ol lamaklamla.