RASUL 8:30 - PERJANJIAN BARU NALCA YUBA

³⁰ Wera Pilipus bera ok so biniboka kelemok enyek, bera ununumnaʾ lenya Yesaya yub ak bukoka einibgiga balamokaʾ ak kemok. Dara, Pilipus bedya Yesaya yuba einilimoknya bek, ”Wera neyung o, anja einililamaʾ ara damok ara anyek lebok ak einilamna senewoka ella ulam gom?” aboka heibok.

RASUL 8:30 ပူးပေါင်းရင်းမြစ်များ

MATIUS 13:19

Yinaʾ pikek sam yama yinggilimoknya nera, damok ara nim Imik Neyung adya wenelemnesil yub era kelemak bok, pe ella danganggulumak. Sikjaʾ ganya ak doklomak yub era malya unaʾ damoknya bisaʾ adya yeiniboka gwenelamla.

MATIUS 13:23

Alda perob sokok sam yama yinggilimoknya nera damok ara, nim Imik Neyung yuba keboka ella dangalamakaʾ ara an. Dara sikda doka nauba molumla, hnonda denga dombadya molumla, hnonda denga penya molumla, hnonda denga yubaʾ hnonok anaso molusil,” hyok.

MATIUS 13:51

Wera Yesus adya, ”Nadya nidyaʾ lebnanya nera seleb ella ublum de?” aboka heibsuk. Dara sikja, ”Neyung, nunda nidyaʾ ella umab!” hyek.

MATIUS 15:10

Dara onoʾ Yesus adya nimi nauba ak yoululum aboka sikenek lebnesukaʾ ara, ”Ugunda pe ella danalum aboka kebnelum!

MATIUS 24:15

”Ugunda nimi ununumnaʾ lelemoknya Daniel bedya lemok sok, Malya nenelesil malya unaʾ era geisa perobaʾ ak seklamla eibmun dara, (Ugunda damok ara hekaʾ ak lebok ara pe seiniwoka ella danalum!)

MARKUS 13:14

”Ugunda eimik era, yu unaʾ hwam malyaʾ ara unuwanggunumso senemeijaʾ ak seknamlaʾ eibnelum dara, nimi Yudea sokok ulumeija nim era mok soko meinik sam men doknol balanok. Anya ugun einiwanemun nim era, pe seiniwanalum.

YOHANES 4:34

Dara Yesus sikenek, ”Nadya denaʾ era, nadyaʾ neyung, nak bokol yeilinyoknya bedya, alja senelamla anyek, unululul senelamlaʾ hnon, nak welelulaʾ aboka lenyok wa hnon, senenenya loboka welemna dara, wera nadya denaʾ era alan,” hyok.

YOHANES 5:39

Ugunja dara, Imik Neyung yuba momnya dobokaʾ einiwoka ulumeibya adya embengaʾ unaʾ dobnemab senewoka nauba einililum. Wera, ban bukuk sam anaba nasamba geklewoka yuba lelelabok,

RASUL 8:27

Wera Pilipus bera keboka wenhyok pikik sam lanal byuk. Ban salek enyek, nimi ben hnon dub nang wa welemoknya bera Yerusalem heik ab ara, alja heikek bunun aboka, benebabya neik pik balamok. Ban bera Etiopia sokok mok soko dam gel, Kandake gedya bonaʾ nidyaʾ meewoka unaʾ dubnya ulumok. Dara, Yerusalem heikek Imik Neyung gibel bilimok ara, seleb dara, ek Etiopia sam bunun aboka, pama glilimla e lomok bukoka pika balamok. Wera pik anam buka balamookanya, onoʾ ununumnaʾ lenya Yesaya yub ak momnya dobokaʾ anyek einibgiga balamok.

RASUL 8:29

Dara onoʾ Imik Neyung Geisinya adya, Pilipus bek, ”Anda alda yabalamla ak sam dol gonul bilom,” hyok.

RASUL 8:31

Dara benedya, ”Nimi yok nang edya, nera damok ara ban nenesa lebok aboka neknenaʾ orok dara, hekaʾ huboka ella danasinya do?” wenhyok dara, wera onoʾ Pilipus bek, ”Nadya pam e dubuk an bul yalom,” hyok.

RASUL 8:5

Dara, Pilipus bera Samaria senenggom heik biniboka, Imik Neyung adya nimi blebsinaʾ dubnya eleganesin amokaʾ Kristus anyek, lel eleklesuk.

1 KORINTUS 14:19

nara nim Imik Neyung yuba donaʾ nim longowoka dolomakaʾ ak ara, yuba lebnesinya dara, yuba deng sal-salyaʾ yok-yok yuba gong sanaʾ loboka, yuba doka sirika lambadya ok, nim ella danameijinya nenyek aboka, lebnesisinya.

EPESUS 5:17

Ugunda dongdang anaʾ ara loboka, alda Imik Neyung adya unuwaneseng senelamlaʾ anyek pe seiniwoka ella dolulum.

WAHYU 13:18

Anasa, nunda geremseng uboka, pe seinin ganya enyek, bobnemab. Ban yu nongaʾ adya einin momnya donaʾ era, be hnonja ella donun aboka, geremsengaʾ ganya ulumso dara, or sunuwoka pe einiwolul. Wera, alja si nera, einin momnya donaʾ edya webnamlaʾ ara, enam ratus enam puluh enam ak gegewoka momnya dobnamlaʾ ak ulumnamla.