RASUL 7:51 - PERJANJIAN BARU NALCA YUBA

⁵¹ ”Hemyab o, ugunda hyak ganya gasa uboka Imik Neyung yub ak dib senenggululum anyek hyak lok nong. Ugunda Imik Neyung yub ak sene o onugamna anasoʾ ok ululum. Ugunja neyung yab edya Imik Neyung Geisinya ol yangalemek sok, ugumba unulum.

RASUL 7:51 ပူးပေါင်းရင်းမြစ်များ

RASUL 6:10

Bok, Stefanus bedya yuba nidyaʾ salamoknya nera, Imik Neyung Geisinya adya anyek-anyek sablul aboka geremseng ganya eleklemok adya salamok dara, sikda nidyaʾ nang adya dara, nera malya lelemla aboka, alak saawoka lenaʾ okna dangasuk.

RASUL 7:27

Bok alja hem bek olomoknya bedya, Musa bek bleblesuk ara mok sam walda beiyiwoka lebok ara, Anda heknedya unu yana lelesinya ululul aboka jaboka sekiyinjok do?

RASUL 7:35

”Musa al ban Musa benyek Israeli nimi nong edya alak, Heknedya nuk bo uboka, yana lelesilom aboka sekiyinjok do aboka wekdo dorogomekaʾ onnya bedya al nenesa leboka unumek bok, onoʾ alja Imik Neyung lero adya gal donggalek sam yeiniboka, bo usinya uboka blebsinya nenewoka Imik Neyung adya Mesir sokok bokol bilimok.

RASUL 7:39

”Bok, nun nang yilaʾ edya Musa bek alja lelemok yuba hyak bleklemek. Alak lek senewoka, ganya lomok ara Mesir sam on pik binimab senelemek.

RASUL 7:9

”Dara, nunja neyung Yusuf bera alja hemyab edya hmana leboka rupiah amba dekek dara, Mesir sokok sam ek wa wenya dangamok. Bok, Imik Neyung adya alak arawoka pe bo uboka,

ROMA 2:25

Anda Yahudi nim emba unuwanalum an yub ek pe keboka unululam dara, bolaʾ garanaʾ ara perob dangalamla, bok anda anyek bleklelam dara, anak garawajeknya nera salyaʾ lelem ub lobjek.

EPESUS 4:30

Imik Neyung adya blebnesil sum emba, Geisinya bedya seleb ouma debsukaʾ anasa, Imik Neyung Geisinya bek ganya sugul eleknaʾ ara mem.

PILIPI 3:3

Nera nuk danyek bolaʾ garanaʾ dibaʾ ara seleb domouba, sikenek dara orok. Nunda Imik Neyung giblemabaʾ ara, Imik Neyung Geisinya adya bo ulusilaʾ adya giblemab dara, onoʾ nunda Yesus Kristus ab seleb neikaʾ kwebdangoka ulumabaʾ adya perob aboka giblemab. Nunda sokok an seʾ nim adya ok ganya doboka unulumaknya nek ganya dib beiliwoka unggulumab.

KOLOSE 2:11

Onoʾ hnonda al pik ab uboka, ugunda ugunja bolaʾ garawousuk ara, nim adya garalesak soknya nenyek unuwanggubsuk. Alda Kristus adya garalasilnya nenyek unuwousuk ara, wera malya unaʾ nong an gwiriwoka loblum an.