RASUL 7:38 - PERJANJIAN BARU NALCA YUBA

³⁸ Dara, al Musa holaʾ seknenggulumok mok hwalek sam Israeli nang ablaboka ulumek. Nunja neyung yabo youmaʾ nang eb, Sinai meinik sam alak samok lero eb, alablaboka yabalamek. Dara, al Musa bedya nim embengaʾ unaʾ yub era, Imik Neyung adya elegemok dara, onoʾ nuk eleklesuk.”

RASUL 7:38 ပူးပေါင်းရင်းမြစ်များ

YOHANES 1:17

Imik Neyung adya unuwanalum an yub ara Musa bedya elegesuk bok, wanaʾ uboka eleksinaʾ hnon, dib yub damoka hnon dara, Yesus Kristus adya bo yeilisuk.

YOHANES 6:63

Embengaʾ ulmoubnaʾ dibaʾ ara Imik Neyung Geisinya adya eleklesil. Nimi nonga migib ara nera salyaʾ nong anasa, nadya ugunuk lelesin yub era, ganya ak anasa, sikda embengaʾ ulumak.

RASUL 7:30

”Musa bera Midian sokok ulumok salek era, gibnaʾ denga hnonok uboka ebdobnya mekbadya dok dara, Imik Neyung lero ara, Sinai mein berem hola seknenggulumok sokok sam ara, uk bokaʾ lologoka singilimok gal gangganek sam sekemok ak, Musa bera eiyimok.

RASUL 7:35

”Musa al ban Musa benyek Israeli nimi nong edya alak, Heknedya nuk bo uboka, yana lelesilom aboka sekiyinjok do aboka wekdo dorogomekaʾ onnya bedya al nenesa leboka unumek bok, onoʾ alja Imik Neyung lero adya gal donggalek sam yeiniboka, bo usinya uboka blebsinya nenewoka Imik Neyung adya Mesir sokok bokol bilimok.

RASUL 7:53

Imik Neyung lero nang edya unuwanalum an yuba seleb elegesik bok, ugunda dib senewoka unuwanggulumukanya, nak an henga gouboka olonulum,” wenyaboka ban nidyaʾ ara, Stefanus bedya lebok.

ROMA 3:2

Wera, sikja naubaʾ perob soʾ ara, yokaʾ-yokaʾ amba hyak gong ulumla. Dara men nong ara, Imik Neyung yub ara sikenek men lobonggosuk.

ROMA 9:4

Wera sikda Israeli nim ulumaakanya, sikda seleb alja mabo nenesuukanya, sikda perobaʾ senenggomaʾ ab, unubdanamab an yub eb, unuwanalum an yub eb, yuba longonaʾ amba yub eb, unu eleganasin hyok yub eb, dara sikda seleb domek.

GALATIA 3:19

Wera anaso ulumla dara, unuwanalum an yub era hekasa elegesuk do? Ban unuwanalum an yub era, nimi bleknaʾ hwam anasa, seʾ elegosuk. Hnoumunga wiknenanya hnonok pik uboka lero nang edya elegeisik. Unuwanalum an yub era, gigiwoka unulamlyaʾ ara, Abraham bek eleganenggen amoknya benyek yalya dara, wera unuwanalum an yub ek lobongganamak.

IBRANI 2:2

Dara, lero nang pik uboka, dib yuba leb elegeisikaʾ ara, pe kenaʾ orok uboka bleklemek nim era, unulumekaʾ sunuwoka iginaʾ dolomek dara,

IBRANI 4:12

Imik Neyung yub ara, embengaʾ ab, migibaʾ ab, yok-yok mal si nek ab dara, hyak yu nongaʾ ak ulumla. Imik Neyung yub ara, nimi nong ab, nimi ganya ab, lomok wekoka bokol meneklamla, onoʾ yok ab, nolonggwerenaʾ ab, ana lomok anaba bokol meneklamla. Anya, nimi ganya seininaʾ ab, unuwesinya ganya eb danaba, yok-yok nenewoka ella ulumla.

IBRANI 5:12

Wen era, ugunda yuba len nanga dangamnesom bok, nera ununaʾ orokaʾ anyek, alda Imik Neyung yuba doboka ganya kalamakaʾ damok ara, yok nim edya anam pe neknesiseng hogung ek ululum. Anya, ugunda gasa denaʾ lowoka, anam moum soub denaʾ ok delelum.

1 PETRUS 4:11

Nimi ben hnon yuba lebnelenya bera, alda Imik Neyung yub aldib an aboka lelelul. Nimi yok nim ek arawanasin senewalenya bera, Imik Neyung adya elegamlya migib ek sunuwoka aralesulul. Wera anadya yokaʾ-yokaʾ unulumnelumaʾ ak ara, Yesus Kristus pik uboka Imik Neyung si ak imik nenewanokaʾ aboka unulululum. Imik Neyung ak hnonok alak ok senenggom migibnya ululul, alak ok sobaʾ gibelmorulunok. Amin.