RASUL 6:7 - PERJANJIAN BARU NALCA YUBA

⁷ Wera danyek, Imik Neyung yub ara, onoʾ mok soko oboka lelebgiga yabalamok. Dara, Yerusalem heikek ara, nim Imik Neyung yuba doro diriga ban nang era nauba danggiga balamookanya, onoʾ al Yahudi yuba wa gakaʾ dub nang nauba eneba, Yesus ak dib senewoka Imik Neyung yuba dib domek.

RASUL 6:7 ပူးပေါင်းရင်းမြစ်များ

MATIUS 19:30

Bok, nimi nauba wenyek men mengewoka ulumak nim era, eimik dangoka, onoʾ wenyek eimik ulumak nim era, men danamak,” hyok.

LUKAS 2:34

Dara Simeon bera sikenek perobaʾ leb elegousuukanya, dara me nen aljaʾ genong Maria gek wenhyokaʾ ara, ”Hyak dib nong ara ban me nera, nimi gong Israel sam ara hnon golugiyiwoka, hnon sekiyiwoka ubsululaʾ aboka orowek memewookanya, nimi nauba ara alak malya aboka walamnemak aboka, alda yokaʾ nong lok so beknaʾ danamla.

YOHANES 12:42

Bok, Yahudi dub nang edya, nimi nauba darasam Yesus ak dib senewoka dolomek. Bok, Parisi nang edya, Yahudi nang Imik Neyung gibnaʾ ek weknaʾ mem hisijek aboka, lok anasa, Yesus ak dib senelemab anaʾ ara doknowoka lolomek.

RASUL 12:24

Dara, Imik Neyung yub ara, mok soko neikaʾ ok oboka lelebgiga balamok.

RASUL 13:8

Nimi hwesinya bera Yunani yub adya dara, Elimas aboka silimeknya bedya, Barnabas, Saulus ak walawoka lelesuukanya, dubnya bera Yesus yub ak dib senewalyek aboka, ganya bob geregiyimok.

RASUL 14:22

Wera men balarek sum enyek, Imik Neyung yuba leb elekgiga bilirek heik dara, yanggan sam era on pik yanggarek dara, Imik Neyung yuba doro diriga ban nim ek, dib senenaʾ ak mel-mela salabmoboka ulunokaʾ aboka wenebgiga yalarek. ”Nim Imik Neyung bedya wenesin heikek weknemak ara, sokok an igin yakaʾ hnon sum kwellilimnesil bok,” aboka wenebgiga sik yalarek heik pik era yeilirek.

RASUL 19:20

Wera ban unulumek adya, Wenelesilnya bedya yub era hyak nauba neikaʾ ok oboka lelewoka, onoʾ migib danggiga balamok.

RASUL 2:47

Sikda hyak sobaʾ Imik Neyung ak giblemeekanya, nimi nidyaʾ sikenek perob senelesik. Dara, Wenelesilnya bedya yuba don nim ek yok bleblesuk nimi sob-sobaʾ sikenek bo maklesuk.

RASUL 21:20

Paulus bedya ban wenyaboka nekesuk anyek seleb kemek dara, perob aboka sikda nidyaʾ Imik Neyung ak giblemek. Danyek onoʾ sikja Paulus bek, ”Hem Paulus o, Yahudi nimi yokaʾ nong ara deng sal-salyaʾ anyek Yesus ak dib senelemak. Sikda Musa bedya unuwanalum an yub ek perob senewoka ganya oloklemek nang bok, Yesus ak dib senemek.

RASUL 6:1

Dara, wene salek era, Yesus yuba doro diriga ban nang era, onoʾ nauba danggiga balamok salek enyek, Yahudi nang bok Yunani yuba salamek nang edya, onoʾ Yahudi nang yokaʾ ak walamek. Yunani yuba salamek nang edya, nunja you gelewa era, bonaʾ yok nang ek ara nauba boklelum jok, ban you gelewa ek hnon donggulumak, aboka walamek.

ROMA 1:5

Dara al si pik ab uboka, nunda wanaʾ uboka eleksinaʾ ab, yuba lenaʾ gak wa dara, nidyaʾ yok-yok mok soko nim era yub ak ganya dib donaʾ pik uboka pe keboka, sikda alja si nek aldib senewanok aboka dobub.

ROMA 16:26

Hnon gunuwok bok, wenera Imik Neyung ulmoubnaʾanya bedya orugosukaʾ sunuwoka, yok-yok mok soko nimi nidyaʾ ara sikda ganya dib senewoka pe kenaʾ ak bo binok aboka, ununumnaʾ lelemek nang momnya dobokaʾ pik uboka seleb wenyalasukaʾ ara, wera seleb laga dok.

GALATIA 1:23

Bok, sikda ban yub enyek hnonok kelemekaʾ ara, youmaʾ Imik Neyung mabo doluwoka oro yabalamoknya bera, wenera alja men orok nenewonun senelemok dib senenaʾ yub enyek, lero yabalamlaʾ anaʾ ak hnonok kelemek.

GALATIA 6:10

Anasa, pe unun salek ulumla dara, nunda yok nimi nidyaʾ ak pe unulumnemab bok, nauba so ara, neik yub ek dib senelemab nim ek pe unulumnemab.

KOLOSE 1:6

ugunuk an seleb yousuk sok, mok soko nidyaʾ oboka lelewoka doka moru balamla. Dara neikek, ugun gangganek anaba, an yub enyek einilumukanya, Imik Neyung adya wanaʾ uboka perob eleksinaʾ anyek pe ella dangalum salek ek ab ara mouruwoka, doka moru balasil.

2 TESALONIKA 1:8

dara alda imik ab uk bokaʾ nang penya yeiniboka, nimi nidyaʾ Imik Neyung yuba ganya dibla henggonggom uboka, Imik Neyung adya perob lero yanggan yuba lelesilaʾ sunuwoka unggulumak nim ek ara, obnesil.

2 TIMOTIUS 2:9

Wera, al ban perob yub enyek lero yabalenanya nenesa, nara hyak yokaʾ-yokaʾ nauba igina kwelenel. Anya hyak hokaʾ donanya benesoʾ anyek, gasa henga gouboka beillilenyak bok, Imik Neyung yub ak dara, nim adya henga goubnamenggom ulumla.

IBRANI 11:8

Dara Abraham bera ganya dib senenaʾ adya, alda yok mok soko aljaʾ misaʾ danamok sokok sam binilam aboka ebok dara, alda hek mok balamnaʾ ara elgomaʾ anyek pe keboka lanawoka byuk.

IBRANI 5:9

Dara Yesus ara, munaʾ gobdo pe meebdakok dara, nimi nidyaʾ alak pe keboka unulumak nim emba, dibaʾ blebsinaʾ gaknya dok.

YUDAS 1:20

Bok nadyaʾ hemyab ugunuk dara, ugunja dib senelumaʾ ara, hyak perobaʾ geisa nong ulusilaʾ anyek, wera migib nenebdanggiga balamunukanya, ugunda Imik Neyung Geisinya migib unaʾ lomok uboka mololelulum.

YUDAS 1:3

Nadya hemyabo wanaʾ ulusin nim o! Nunja neikaʾ dib senewoka domouba blebsinaʾ damok enesa, momnya doboka beibsununaʾ aboka ulumnakanya, onoʾ munaʾ Imik Neyung mab ek dib senenaʾ damok gobdo elegesuknya bemba, ugunda duboka salabmoubnelum aboka, ugunuk dukaʾ lolom-lolom along sok wenyaboka lebnesin senewoka momnya doboka beibsin.