RASUL 6:1 - PERJANJIAN BARU NALCA YUBA

¹ Dara, wene salek era, Yesus yuba doro diriga ban nang era, onoʾ nauba danggiga balamok salek enyek, Yahudi nang bok Yunani yuba salamek nang edya, onoʾ Yahudi nang yokaʾ ak walamek. Yunani yuba salamek nang edya, nunja you gelewa era, bonaʾ yok nang ek ara nauba boklelum jok, ban you gelewa ek hnon donggulumak, aboka walamek.

RASUL 6:1 ပူးပေါင်းရင်းမြစ်များ

MATIUS 23:13

”Ugunda yuba neksin nang eb Parisi nang eb dara, hyak omom nongaʾ ak ululum! Ugun hyak sene bol nenenaʾ hwam nim ek ululum. Ugunda nimi yok nang era, Imik Neyung wenesin heikek pika garalelum. Ugun nong anaba Imik Neyung mabo danganggululumukanya, yok nim Imik Neyung wenesin heikek pika garalelum.

RASUL 11:20

Bok onoʾ sik yub dib senewoka domek nang hnon era, Siprus mok eb nang hnon, Kirene mok eb nang edya dara, Wenelesilnya Yesus adya perob lero yanggan yuba enyek boboka, Yahudi nang gom nang ek sam Antiokhia heikek biniboka lel eleklemek.

RASUL 11:26

seleb eibdangerek dara, onoʾ Antiokhia heikek bobdanga yeiniboka, anyagan yuba donaʾ nim eb neikaʾ uboka, nimi nauba ak yuba leb elegoka, sikba yuba doboka ulumek salek era gibnaʾ hnonok gobdo lemok. Dara, ban Antiokhia heikek ab men youbuka, Yesus yuba doro diriga ban nang ek Kristen nang aboka si sib einimek.

RASUL 11:29

nimi nidyaʾ Yesus yuba doro diriga ban nang edya yuba saboka, numba bolomabaʾ sunuwoka, nunja hemyabo Yudea sokok ulumak Imik Neyung mab enesa, elek arawanamab aboka yuba samek.

RASUL 2:41

Dara, Petrus bedya lelemok yub ek keboka dib senewoka domek nim ak meka dasik. Dara, nimi nidyaʾ ban sum Imik Neyung ak dib senewoka domek nim era hiboka denga salyeʾ obadya nang anaso, dangamek.

RASUL 2:45

Sikja yok-yok bonaʾ bolomek ara, rupiah dekoka dobna dara, nara anyek dobsinya senemna sok ellaʾ gigiro pe lelewoka bokol dalamek.

RASUL 2:47

Sikda hyak sobaʾ Imik Neyung ak giblemeekanya, nimi nidyaʾ sikenek perob senelesik. Dara, Wenelesilnya bedya yuba don nim ek yok bleblesuk nimi sob-sobaʾ sikenek bo maklesuk.

RASUL 4:35

rupiah era bobnadya yuba lenaʾ gak nang ek bo elegel yalamek. Dara rupiah era, benyek dobso senen geknewan nang ek bokoldalamek.

RASUL 4:4

Bok, nimi nauba, sikja lelesirek yuba kemek nang era, dib senemek. Dara, sik Imik Neyung yuba dib senemek nim era, hiboka denga salyaʾ lambadya nang (lima ribu orang) dangamok.

RASUL 5:14

Bok, Imik Neyung ak dib senelemek nim era, sobaʾ nauba danggiga balamok. Nera gelewa anaba, nengmab anaba, nauba danggiga balamok.

RASUL 5:28

Dara, Yahudi dubnya bedya, Yesus adya yuba doboka lelemek nang ek, ”Nunda seleb ugunuk Yesus adya si sibuka nimi yok nang ek neknaʾ ara hyak mem aboka nauba dukaʾ lolosub anano? Bok wen nunja mem amoubnya nek blekoka nauba unululum. Ugunda Yerusalem heikek gokgobok nidyaʾ Yesus alja si sibuka nimi yok nang ek neklelumukanya, wera onoʾ Yesus ara Yahudi dub nang edya obek aboka nuk gaka kilisulum,” aboka lemok.

RASUL 6:2

Anasa wera, obadya yub lenaʾ gak nang edya, yok yuba lenaʾ gak nang nidyaʾ neikaʾ ak mamagiyiwoka, sikenek, ”Nunda denaʾ anasa boklomeibyekanya, Imik Neyung yuba lenaʾ lobnemab dara, malya nong.

RASUL 6:7

Wera danyek, Imik Neyung yub ara, onoʾ mok soko oboka lelebgiga yabalamok. Dara, Yerusalem heikek ara, nim Imik Neyung yuba doro diriga ban nang era nauba danggiga balamookanya, onoʾ al Yahudi yuba wa gakaʾ dub nang nauba eneba, Yesus ak dib senewoka Imik Neyung yuba dib domek.

RASUL 9:29

Dara Saulus bera, Yahudi nang bok, Yunani yuba salamek nang eb, neikaʾ yuba heibdangoka, onoʾ sabdangdang balameekanya, sikda Saulus bek obnemab senen ganya boboka dulumek.

RASUL 9:39

Dara, Petrus ben nong ak wenyaboka el byik dara, Petrus bera sekoka neikaʾ balamek ara, Yope heikek Dorkas ge somogomok ak beiyimek ek byik dara, Petrus bera alda imik ek sam e byik. Dara anyagan nenya seleb somogomok anasa or youwek ulumek gelewa nidyaʾ era, Petrus be sekel byuk enyek, aknel ganagal biniboka, Dorkas ge embengaʾ ulumok wenyek, sikenek wiboka elegesuk aklenga danyek aawoka, hyak nauba engewoka lelemek.

RASUL 9:41

Dara, Petrus bedya Dorkas gek soruk salawoka gliboka bukiyimok. Dara Petrus bera, anyagan ulumek munaʾ Imik Neyung mab eb, youwek salyaʾ ulumek gelewa eb yoululum aboka, Dorkas ge embengaʾ hweboka bukiyimok gel gera, wera anya e aboka sikenek elegesuk.

ROMA 12:7

Yok nang ak aranaʾ amba elegesilya dara, wera nunda or pe aralemnemab; neknaʾ amba elegesilya dara, wera nunda or pe neklemnemab.

1 KORINTUS 10:10

Hnon Israeli nim edya, mona yeilib menegoka byablemek dara, Imik Neyung adya nimi somogollilesil lero edya osuk. Anasa, numbabya mona yeiliwoka lenaʾ ara mem.

2 KORINTUS 11:22

Sikda Ibrani nang ulumak de? Naba Ibrani nang ulumna! Sikda Israeli nang de? Naba Israeli nang ulumna! Sikda Abraham nang yilaʾ ulumak de? Naba Abraham nang yilaʾ ulumna anyaʾ!

PILIPI 3:5

Nara beibnyek salek era, lika linbadya sum mabsa dara, bolaʾ garawanyek. Nara Israeli nanga yokaʾ Benyamin nang yilaʾ ak ab beibnyek, anya Ibrani nanga yokaʾ nong ara na ulumna an. Yahudi nim emba unuwanalum an yub ak ganya olokna danasa dara, nak dara Parisi nang dangamsa.

1 TIMOTIUS 5:3

Sikbeyok munaʾ gobdo youk gelewa ulumak gelewa ek okoka aralalulum.

1 TIMOTIUS 5:9

Ban damumduk an lebnamna yub enyek, unulumeija gelewa enyek, ugunja dara, wera youk gelewa henelumukanya, momnya dobnelum ara, alja gibnaʾ era denga penya so leboka boklomso dara, hnonda gel genera nenya ara li hnonok doboka alaʾ nenya somogamso dara, or momnya dobnelum.

IBRANI 13:1

Dara, ugunja hemyabo nim ek wanaʾ uldanaʾ ara hyak pe unulululum!

YAKOBUS 1:27

Imik Neyung adya nim ek yuba donaʾ ara, yuba pe dib senenaʾ ganya ab, neyung Imik Neyung bek dib senewoka bojam unaʾ damok alja perob senelelanya nera, genonga neyung orok mab ek pe arawoka, onoʾ nenya orokaʾ yamen nim unuruwaʾ oka kwelesil nim ek pe arawoka, sokok anyeb malya ub eleganelyek senewoka, pe diri uldalamak nim era pelemakaʾ ara an.

YAKOBUS 4:5

”Nunjaʾ nong lomok ara, Imik Neyung adya beibuk geisa ganya enyek dibum-dibum aboka ulumlaʾ” ara, Imik Neyung yuba momnya dobokaʾ anyaʾ anasa salyaʾ lebok senenggom, mem.

YAKOBUS 5:9

Imik Neyung adya ugunuk henga geregoka obsilyek anasa, ugun moumen malya nenebdangoka, youmburaʾ debdangoka uldanaʾ ara mem. Nimi yan lelesinaʾanya bera seleb younunaʾ aboka gegelamla bok anasa, ugunda pe beknelum!