RASUL 5:31 - PERJANJIAN BARU NALCA YUBA

³¹ Dara, nimi Israeli nimi ganya dangawoka malya unaʾ memelemnesilaʾ dobnokaʾ aboka, Imik Neyung adya Yesus ak imik weliyiwoka, alja sirik soruk sam bukiyiwoka, onoʾ nimi diri bo usinaʾ damok hnon, nimi blebsinaʾ damok hnon alak elegemok.

RASUL 5:31 ပူးပေါင်းရင်းမြစ်များ

MATIUS 1:21

Maria gera eimik nengma ak beibnamla. Ban me nenedya alja nimi sikja malya unaʾ ak ab blebnesilaʾ anasa, alja si nera Yesus ak aboka sibnelam,” hyok.

MATIUS 28:18

Dara Yesus ara sik berem yeiniboka, ”Nidyaʾ imik heikek ulumla migib eb, sokok sam ulumla migib era, nak Neyung bedya seleb eleganyok.

MARKUS 2:10

Bok wene nong anyek, nimi dibaʾ me nera mok soko me nidyaʾ amba malya unaʾ ugunuk ab memesin migib dubnya ulumnaʾ ara, ugunda ella ubnesom,” hyok.

MARKUS 4:12

Anadya, Sikda eillilimak bok, damok ara anyek unulamlaʾ senewoka donggulumak. Sikda o ken dara kelemak bok, pe ella danganggulumak. Dara damok ara sikda eibijikanya, ella dangoka, anya sikda Imik Neyung ak yeija enyek, Imik Neyung ara sikja malya unaʾ sikenek ab meeweisilyek aboka ubok,” hyok.

LUKAS 2:11

Sumen era ugunsamba, nimi blebsinaʾ dubnya, Wenelesilnya Kristus benyek, Daud bedya heikek beibla.

LUKAS 24:47

Anya onoʾ nimi blebsinaʾ dubnya bedya si pik moruwoka, nidyaʾ soko yuba lero yabalameija dara, sikda nidyaʾ malya unaʾ ak ab ganya dangawanamak dara, Imik Neyung adya sikja malya unaʾ sikenek ab sobaʾ meewanasil. Anasa, ban lero ban yub era Yerusalem heikek ab uboka einiwanamak.

YOHANES 4:42

Dara, Samaria nim edya ban gel genyek an, ”Anja nuk wenyasilimaʾ adya ok dib senewanggumab. Wenyok alda nun dam nang okoka heng yokaʾ bekoka eiyimabakanya, alja lelemla yuba kemabaʾ adya, alak dib senewoka doboka, alda soko nimi bleblesilnya dibaʾ ulusilaʾ ara ella ubab,” hyek.

RASUL 11:18

Wera Yerusalem heikek ulumek Imik Neyung mab era ban yuba kemek dara, Petrus bek anda meknelelam aboka yuba lolowanggumek. Dara sikda Imik Neyung ak perob aboka giboka lelemekja, ”Yahudi nimi yuba donaʾ orok nim eneba Imik Neyung adya sikja malya unaʾ pik ab ganya dangawoka embengaʾ unaʾ dib dobnok aboka li eleklesil anasa, perob,” wenyaboka Imik Neyung bek giboka lelemek.

RASUL 13:23

Dara eimik era, Imik Neyung adya Israeli nang ak, Daud nang yilaʾ pik uboka, nimi blebsinaʾ dubnya alja orowek eleganesin amok sok, eimik sekiyiwoka bo yok. Dara, Yesus anyek nimi blebsinaʾ dubnya bera alan,” hyok.

RASUL 2:33

Onoʾ Petrus sikenek moruwoka lemok, ”Wera, Imik Neyung sirik soruk sam Yesus ak seleb imik beiyiboka, Geisinya eleganesin amok ara, elegoka dobok dara, wera, neik geisa ganya anyek nuk eleklesil ara, wera an ugun seleb eillililum kelelum.

RASUL 2:36

Anasa wera, Yesus ugunja oboka gal ak glablumnya bera, aldib Imik Neyung adya or ban Yesus anyek, nimi wenesinaʾ ab blebsinaʾ ab, dubnya Kristus jaboka sekiyimok, ara Israeli nimi nidyaʾ pe ella danasom,” hyok.

RASUL 2:38

Dara, Petrus bedya sikenek, ”Ugunda nidyaʾ ara, ganya dangawoka malya unaʾ meewanasil dara, ganya dangawoka, Yesus Kristus si sibuka mek danaʾ doblulum. Dara, ugunda Imik Neyung adya Geisinya eleganesilaʾ ara dobnelum.

RASUL 3:15

Alda nim embengaʾ unaʾ dubnya bek, ugunja dara, seleb oblum bok, Imik Neyung adya seleb somoknaʾ ak ab suboka bukiyimok. Unumoknya nera, nunja henga yokaʾ adya okoka kaboka eiyimoub nang nunda an.

RASUL 3:19

Wera anasa, ugunja malya unaʾ Imik Neyung adya lublul aboka, ugunja malya unaʾ ak ab ganya dangawoka saaboka, Imik Neyung ak yoululum.

RASUL 3:26

Wera anasa leboka, Imik Neyung adya alja me Yesus sekiyiwoka, binilam aboka, ugunuk men youlul aboka, orugomok. Ugunda nidyaʾ malya unaʾ ganya dangiyiwoka ugunuk perobaʾ neniyiwousululaʾ aboka, youlul aboka orugomok,” wenyaboka Petrus bedya lebok.

RASUL 4:11

Onoʾ hnon, Yesus adya eimik unuwanamla aboka, youmaʾ Imik Neyung bukuk sam momnya dobok ara, E sonaʾ nang edya malya girik aboka bobegek bok, alda hyak onoʾ perob men youbuka un girika dok, hyok.

2 KORINTUS 2:10

Ugunuk an malya ubsilinya bek, ugunja meewanalum dara, nababya neikek unulamna. Wera heknyek unulamnaʾ ara, ugunuk meewanalum danasa, Kristus saramek sam ab anara unulamna.

EPESUS 1:7

Kristus alja enenga yinggyukaʾ adya, nu nong ara Imik Neyung adya seleb dekoka lob lobsuk. Dara anadya, Imik Neyung ara nunja meknenaʾ dara, seleb meewousuk. Aljaʾ senenggom wanaʾ uboka eleksinaʾ sunuwoka,

PILIPI 3:20

Bok nuk dara, imik heikek ab nim ek ulumab. Dara, al neik heikek ab nunjaʾ nimi blebsinaʾ dubnya Wenelesilnya Yesus Kristus ara eimik yanamla. Al nong anyek nunja dara, wera eibsibya senewoka diri ulumab.

KOLOSE 1:14

Dara nunda al Kristus adya nunja blebsinaʾ damok dekoka dobsuk ara, wera nunja malya unaʾ memelesilaʾ ara an.

TITUS 1:4

Titus o, anab nab dara, neik Kristus ek dib senenumaʾ anasa, wera anda nadya me yokaʾ nong ululam. Nadya dara, anak nunja bleblesilnya Yesus Kristus adya hnon, nunjaʾ neyung Imik Neyung bedya hnon, wanaʾ uboka eleksinaʾ ab, ganya angawoka unaʾ ab, elegogulul e.

TITUS 2:10

Hokaʾ donaʾ anaba hyak mem. Sikda pe uboka, wa bojam welemak senen hogung enyek laga geknelenok. Wera ban unulumeija hogung enyek, yok nim edya eiyiwoka, sikda nunja blebsinaʾ dubnya Imik Neyung bedya yub ek gigilenokaʾ aboka, unulunok.

TITUS 2:13

Nunda wenera, nunja perob anasa berra yaso senelemab sum era, nunjaʾ senenggom Imik Neyung uboka nunja bleblesilnya Yesus Kristus laga danamla sum enyek, nauba omom nong ubnamlaʾ anasa, diri ulumab salek enyek, anaso ulumnelum aboka neklesil.

IBRANI 12:2

Anasa nunda nunja, ganya dib senenaʾ arawoka bo balasilnya be Yesus bek, nunja ganya dib senenaʾ ara pe munaʾ peldaknaʾ ak bo balasilnya bek heng yokaʾ bekoka hyak pe unulumnamab. Alda derelemekaʾ ara eiwaawom aboka, ganya eiya dabnaʾ alsamba ulumokaʾ ara lunuwoka on gal enyek ganya gouluwoka jaboka bobok. Anya wera alda Imik Neyung bedya ekla bunaʾ ek ara sirik ek sam bulumla.

IBRANI 2:10

Dara, Imik Neyung alsamba leboka yokaʾ-yokaʾ nidyaʾ ululanya, onoʾ yokaʾ-yokaʾ nidyaʾ uyimoknya bedya, alja mabo gong dara si imik nenelesuukanya, sikja blebsinaʾ damok bo ulusuknya bek igina kweiyiwokaʾ adya gobdo gigiwok dara, anedya pebok.

1 PETRUS 3:22

Wera Kristus ara imik heikek Imik Neyung sirikek sam bindewoka, lero nang ek hnon, nidyaʾ dub nang ulumakaʾ ab, senenggom migib ulumlaʾ nidyaʾ ara alja yuba kelemak.

2 PETRUS 1:1

Yesus Kristus ara nunjaʾ Imik Neyung uboka, blebsinaʾ dubnya ulumlakanya, alda perob nenenaʾ edya dib blebsuk. Dara, nuk dib blebsinaʾ elegosuk sok, ugun hnon ban dib senenaʾ dolum nim ek momnya donaʾ en beibsin. Ban momnya donaʾ enera, Yesus Kristus adya wa arawoka yuba lenaʾ gaknya Simon Petrus bedya ugunsamba beibsin.

2 PETRUS 1:11

Ban unu ulumunaʾ adya, eimik nunjaʾ Wenelesilnya uboka, nimi blebsinaʾ dubnya Yesus Kristus ululanya bera nuk aljaʾ perob heikek weknemabaʾ amba, or anaʾ gak eleganesil.

2 PETRUS 2:20

Nunjaʾ Wenelesilnya uboka, nimi blebsinaʾ dubnya Yesus Kristus adya nimi malya nenelesil sokok ab seleb bleboka dobsuk bok, onoʾ eimik saawoka henga weboka youlesil dara, wera unuwanya bera men dara or pe ulunabok, eimik era hyak gobdo malya dangalamla.

2 PETRUS 3:18

Nunjaʾ Wenelesilnya uboka, nunjaʾ blebsinaʾ dubnya Yesus Kristus adya perobaʾ eleklesilaʾ hnon, alak ella unaʾ hnon ak dara, nebgiga balalulum. Imik Neyung ak ara alja migib unaʾ emba leboka, wenyek hnon uboka, sobaʾ alak ok giblenok! Amin.

1 YOHANES 4:14

Imik Neyung bedya me nera, Imik Neyung adya soko nimi blebsinaʾ dubnya dolulaʾ aboka bokol yeilimokaʾ anyek, nunja seleb okoka eiyimoubakanya, nim ek leb elekdo yabalamab.

YUDAS 1:25

Onoʾ nunjaʾ Wenelesilnya Yesus Kristus pik uboka, nunja bleblesilnya bek, alak hnonok si imik nenenaʾ ab, alja senedyaʾ omom unaʾ ab, hyak dub unaʾ ab, aljaʾ migib unaʾ ab danyek, youmaʾ, wen, eimik eneba, senenya loboka sobaʾ ulmorululul. Aldib unululul.

WAHYU 1:5

Anya Yesus Kristus yuba bojam laga lelesilnya bedya ugunuk ban nidyaʾ elegoka ulusulul. Yesus nong anyek, alak men nimi somoknaʾ ak ab suboka embengaʾ bukiyimoknya uboka, onoʾ al nong anyek nidyaʾ soko dub nang ulumakaʾ sikenek wenewoka bo usinaʾ dubnya ulumla. Dara alak, al Yesus ara nuk wanaʾ uboka, alja eneng edya, nunjaʾ malya unaʾ ak sam ab, blebsuknya bek,