RASUL 5:17 - PERJANJIAN BARU NALCA YUBA

¹⁷ Wera ban unubgiga balamek adya, Yahudi yuba wa gakaʾ dubnya beb, alak sikja aralamek nang nidyaʾ eb, nera Saduki nim edya, men Imik Neyung yuba domek nim ek hmana leboka yok so unuwanob senemek.

RASUL 5:17 ပူးပေါင်းရင်းမြစ်များ

MATIUS 27:18

Pilatus bedya, ban wenyaboka leboknya nera, Yahudi dub nang edya Yesus ara sikja hman ganya boboka alak oboka dibnemab aboka doboka elegemekaʾ anasa, ella umokaʾ adya lebok.

MATIUS 3:7

Parisi nim eb, Saduki nim eb, nimi Yohanes bek meka dabsululaʾ aboka yalamek. Bok Yohanes bedya kemelemok enyek, nang enyek yekaʾ ak eibuk dara sikenek, ”Ugunda hyak malya unaʾ hwam nim ek ululum! Ugunuk ara heknedya Imik Neyung adya obnesilaʾ ak sam ab dara, blebdanalum asuk do?

YOHANES 12:10

Dara, alak embengaʾ sumoknya nenesa leboka, nimi nauba ara Yahudi nang yuba loboka, Yesus ak nauba dib senewoka yalamekaʾ anasa, Yahudi Imik Neyung yuba wa gakaʾ dub nang edya, Yesus ab Lazarus beneba, nidyaʾ neikaʾ obnesab aboka, yuba salamek.

YOHANES 12:19

Dara, Parisi nang edya sik moumen, ”Wera ugunda yokaʾ unuldalalumaʾ ara kendululum. Nimi soko nimi nidyaʾ ara alak wekel yalamakaʾ ara eillililum,” aldalamek.

RASUL 13:45

Dara, Yahudi nang yokaʾ nong adya kemelemek enyek, nimi nauba Barnabas beb, Paulus beb dadya, lelemek yub ek dolomekaʾ eiyimek dara, sikda hman ganya boboka ulumek. Dara, sikda Paulus bek anda malya nong aboka, alja lelemok yub ek sondaʾ anasa lelemla aboka blekoka derewoka lelemek.

RASUL 15:5

Bok, Parisi nang ulumek nang bok, Imik Neyung yuba dib senemek nang hnon nang adya sekoka, ”Yahudi yokaʾ gom nang bok Imik Neyung yuba dib senelemak nang era, Musa bedya bolaʾ garaldalalulum unuwanalum an hyokaʾ sunuwoka unulumnamak,” aboka lemek.

RASUL 17:5

Bok Yahudi nanga nong ak dara, hman ganya nauba bolomek. Dara, Yahudi nang edya dekna gasa ak salyaʾ maro ulumek nang ek mamagoka yoululum aboka e biniboka, denga bolowoka longowoka ulumeekanya, sik ulumek heikek sam nauba malya lel meneklemek. Paulus beb, Silas beb danasa, nimek amoro yibinob aboka, Yason alameknya bedya ek sam berra wamle biniboka, e deboka Paulus Silas ak elemek.

RASUL 4:26

Wenelesilnya, alja nimi blebiyiwanesilaʾ dubnya Kristus beb, sikenek sokok sam dub nang nidyaʾ obdanob aboka gegelemak. Dub nang nidyaʾ adya neikaʾ hiboka, sikenek mala weboka obdanob aboka gegelemak, ara Daud bedya lemok adya lelum,” aboka lelemek.

RASUL 4:6

Dara, sikda Yahudi nang Imik Neyung yuba wa gakaʾ dubnya Hanas beb, Kayafas beb, Yohanes be hnon, Aleksander beb, Hanas al nang yilaʾ nidyaʾ ara, mamagomek.

RASUL 5:16

Dara, Yerusalem moka heik berem ulumok heik nim gong era, sikja neiknaʾ nang boboka nauba mamaklemek. Dara, neiklamna nim eb, bisaʾ gologosin nim eb, hwebsinok aboka bo yalamek dara, nidyaʾ meriyiwoka hwelesik.

RASUL 7:9

”Dara, nunja neyung Yusuf bera alja hemyab edya hmana leboka rupiah amba dekek dara, Mesir sokok sam ek wa wenya dangamok. Bok, Imik Neyung adya alak arawoka pe bo uboka,

GALATIA 5:21

hman ganya boldanaʾ ab, yu meka deregoka ganya uu anaʾ ab, bera seboka eiya hlan malya unaʾ ab, anasonya nidyaʾ ara malya unaʾ ak ulumla. Nimi ban malya unaʾ enyek nauba unuru yabalamak nang era, Imik Neyung mab adya misaʾ hnon dobnenggunumak aboka, youmaʾ hnon seleb nekesisaʾ ara, onoʾ saawoka sumen hnon neksin.

YAKOBUS 4:5

”Nunjaʾ nong lomok ara, Imik Neyung adya beibuk geisa ganya enyek dibum-dibum aboka ulumlaʾ” ara, Imik Neyung yuba momnya dobokaʾ anyaʾ anasa salyaʾ lebok senenggom, mem.

1 PETRUS 2:1

Anasa wera ban nenesa leboka, ugunuk ab nidyaʾ yu hwamaʾ ara gwiriwoka loblulum. Sondaʾ lenaʾ ab, sene or-or unaʾ ab, hman ganya boldanaʾ ab, yok nimi geklewoka derewoka wanaʾ nidyaʾ ara hyak loblulum.