RASUL 5:12 - PERJANJIAN BARU NALCA YUBA

¹² Dara, yuba lenaʾ gak nang adya nimi gangganek yokaʾ-yokaʾ lok so beknaʾ ab, senenggomaʾ lok so ununaʾ gong gong anyek, unura yabalamek. Wera Imik Neyung yuba dolomek nim era ganya hnonok uboka Salomo pik sindamak sam mamagoka yuba dolomek.

RASUL 5:12 ပူးပေါင်းရင်းမြစ်များ

MARKUS 16:20

Dara, alja yuba doro diriga ban nang era, yok-yok moka biniboka, Imik Neyung ak ab perob yub era, lero yabalemek. Dara, sikja yuba lelemekaʾ ak, dib lelemak aboka, Wenelesilnya beneba neikaʾ aralasukaʾ adya, sikjaʾ yokaʾ-yokaʾ unulumekaʾ ara, beknaʾ dibaʾ ara laga dangalamok.

YOHANES 10:23

Dara, Yesus ara Imik Neyung ek Salomo bedya makoka somok e sindamak wekoka kemero yabalamok.

YOHANES 4:48

Dara, Yesus ara ban soko dubnya bek, ”Ugunda yokaʾ-yokaʾ lok so beknaʾ senenggomaʾ, lokol danaʾ eilinggululum dara, dib senenggululum,” hyok.

RASUL 1:14

Sikda nidyaʾ ganya hnonok hiboka, heng uboka Imik Neyung ak mololsinilimek. Dara, sikda gelewa nauba uboka, Yesus alja genong Maria geb, Yesus alja weisab eb, neikaʾ longowoka heng uboka lelemek.

RASUL 14:3

Dara, Paulus beb, Barnabas beb dara, Ikonium heikek ara liga nauba so mandewoka ubdarek. Wera ulurek ab dara, hyak asaʾ ganya boboka, Wenelesilnya bedya yuba nauba lelerek. Wera Wenelesilnya bedya anaba, nadya wanaʾ uboka eleksinaʾ yub ara, dib ulumla ella danokaʾ aboka, lok so beknaʾ ab, senenggom lok so ununaʾ ab, elegesuk.

RASUL 16:18

Hyakaʾ li wen sob-sobaʾ gel gera wenyal giriklemok. Dara, yok sum era, Paulus bera siklelonaʾ loboka, alda gel genyek an keeboka lemokja, ”Yesus Kristus si sibuka lebgen, Ban weklum bisaʾ era goboka yibilom,” hyok. Dara, al wene salek enyek, bisaʾ era gel genyek abaʾ ara goboka bilimok.

RASUL 19:11

Imik Neyung adya hyak lok so migib ununaʾ senenggomaʾ anyek, Paulus be pik uboka nauba unulumok.

RASUL 2:46

Sikda hyak sobaʾ Imik Neyung e eremek longowoka yuba sobaʾ dolomek. Dara sikda ganya sokok nenebdangoka, ei-ei ganya boboka, sikja e pik dero yabalamek.

RASUL 28:9

Paulus bedya ban unuwoka hwemok anyek nim okoka eiyiwoka, mek dubuk sokok an neiklemek nim era, Paulus bek yalamek dara, Paulus bedya sikenek meriyisuk.

RASUL 3:11

Dara, nonga heimokaʾ anyek meremoknya bera, Petrus Yohanes ak anam salabmosuk salek enyek, nimi nidyaʾ loka daboka sik winilya ara Salomo pik sereknaʾ ak ulumekaʾ ak sam, nimi nauba bik-bika yeiniboka longol yeilimek.

RASUL 4:30

Anja geisa me Yesus si adya uboka, neiknaʾ nimi hweboka, yokaʾ-yokaʾ lok so beknaʾ senenggomaʾ lok so anyek unuwanobaʾ aboka anja arasinaʾ ara nuk elegeisilom,” wenyaboka molomek.

RASUL 9:33

Wera Lida heikek ara, Petrus bera, nimi hnon alda nonga heimokaʾ anyek malamok salek era, seleb gibnaʾ ara linbadya lemok ak, alja si nera Eneas alameknya beb neikaʾ ehwibdangarek.

RASUL 9:40

Petrus bedya anyagan engero bulumek nimi danyek, ugunda nidyaʾ goboka beiyik bululum aboka, albeyok anyagan koma lumugoka Imik Neyung ak heng uboka molomok. Wera Petrus bera Dorkas gedya beʾ gala gouboka beiyimek ak keeboka lemokja, ”Tabita o, anda buklom,” hyok. Dara, Dorkas gera henga gwelegoka kemelemok enyek, Petrus bek eiyimok dara, alda bukumok.

ROMA 15:19

yok lok so beknaʾ migib adya hnon, yok senenggom lok so ununaʾ adya hnon, Geisinya migib adya na pik uboka, welemlaʾ anyek hnonok, nara asaʾ ganya boboka wenyaro yabalamnamna. Dara nara Yerusalem heik ab ara Ilirikum heik dongolamsa dara, nara Kristus bedya perob lero yanggan yub era hyak senenya loboka leb elekdo yibisa.

2 KORINTUS 12:12

Nara aldib Kristus adya yuba lenaʾ gaknya laga beknaʾ ulumlaʾ ara, wa wenaʾ geknebaʾ ak lok soʾ beknaʾ hnon, senenggom lok so ununaʾ hnon, yok-yok migib ununaʾ ab dadya, ugun gangganek ab, nara hyak ganya siklewoka laga okoka welemsa.

IBRANI 2:4

Imik Neyung ara aljaʾ lok so beknaʾ eb, senenggom lok so ununaʾ eb, lok so migib ununaʾ eb, hnon alja unuwanamna senemokaʾ sunuwoka, Geisinya anyek alja bokosuknya neb dadya, blebsinaʾ damok enyek laga amasuk.