RASUL 5:11 - PERJANJIAN BARU NALCA YUBA

¹¹ Dara, nimi nidyaʾ Imik Neyung yuba donaʾ nim eb, salyaʾ nim eb, ban unuwal an yuba kemek dara, hyak ganya loka dasuk.

RASUL 5:11 ပူးပေါင်းရင်းမြစ်များ

RASUL 19:17

Nimi nidyaʾ Yahudi nimi yokaʾ ab, Yahudi gom nim eb, Epesus heikek ulumek nimi nidyaʾ ara, ban unuweisil an yuba kemek dara, sikda hyak ganya loka dasuk. Wera danyek, Wenelesilnya Yesus si ara imik nenewoka gibgiga balamek.

RASUL 2:43

Obadya nang Imik Neyung yuba lenaʾ gak nang edya, yokaʾ-yokaʾ senenggom lok so ununaʾ ab, lok so beknaʾ ab danyek, nauba unulumek dara, nimi nidyaʾ ganya loka daboka ulumek.

RASUL 5:5

Dara, bera alak Petrus bedya wenyan yuba kel yabok sab-sab, sokok sam gololonga malyingginiboka, dibaʾ somogok. Dara, nimi nidyaʾ ban unuwal an yuba kemek dara, hyak ganya loka dasuk.

RASUL 9:31

Dara wenyek, Imik Neyung yuba donaʾ nim anyek, Yudea sokok hnon, Galilea sokok hnon, Samaria moka hnon, ulumek nim era, kaboka pe ulumek. Imik Neyung Geisinya adya arawoka, sikda Wenelesilnya bek lok ganya boboka, yuba dolomek nimi nidyaʾ ara, ganya gasa kaboka, sik nonga yuba dolomek, anaba nauba danggiga balamok.

PILIPI 2:12

Nadya hyak wanaʾ nong ulusin hemyabo nim o, anasa wera, nara ugun gangganek ulumsa salek enyek, ugunja nadya yuba pe keboka unulum sok, hyak nauba so ara wen mok bokdangoka ulumabaʾ wenyek unulumnunulum. Imik Neyung adya ugun nong ara seleb blebsukaʾ anasa, ugunja pe ululumnya nera nauba perob danggiga balasulul senen ganya boboka dulululum. Imik Neyung ak lok ganya boboka ban nen unulululum.

IBRANI 11:7

Dara ganya dib senenaʾ adya, wera Nuh bera anam laga danggumoknya nenyek Imik Neyung adya alak nekemokaʾ sunuwoka, pe ganya gouluwoka alja ek nimi bleblulaʾ aboka, alda senenggom mek ekla bunaʾ meemok. Anya ban ganya dib senenaʾ adya, alda sokok an igin elegookanya, dara alja ganya dib senelemokaʾ sunuwoka, alak perobaʾ donya dok.

IBRANI 12:15

Dara nimi nauba malya nenewoka, sembejaʾ gebnesilya damok yu nongaʾ sikaʾ anyek lanawalyek aboka, ugunda nimi be hnon Imik Neyung bedya perob eleksinaʾ ak ab mok gebdalyek aboka pe diri ulululum.

IBRANI 12:28

Wera anasa, nuk dara borom-borom henggunumla heik mok soko ek dolomab. An nenesa leboka, nunda Imik Neyung ak perob aboka giboka, nunda alak perob senewanalenya nedya, alak imik geboka hyak lok uboka giblenob.

IBRANI 4:1

Wera anasa, an Imik Neyung adya dek-deka sonaʾ ak weknelum hyokaʾ ara, anam or ululabok anasa, nim ugun gangganek ara ben hnon weknenggublyek anasa, hyak pe diri uldalamnemab.

1 PETRUS 1:17

Ugunda heng uboka mololyabenek ab dara, Imik Neyung ara nunjaʾ neyung aboka giblelum. Ban wenyalalum Imik Neyung enedya, nim adya hekaʾ unulumakaʾ ara, hnonok-hnonok nidyaʾ sunuwoka yana lelelesil. Anasa wera, ugunda sokok an anam ululum salek enera, Imik Neyung ak lok ganya boboka ulululum.

WAHYU 15:4

Anasa Imik Neyung o, heknedya anak ara loka dabnenggununggeso do? Onoʾ heknedya anja si imik nenewoka gibnenggununggeso do? Anasa anak ok hyak geisa nong ak ululam. Hnonda anja yuba saboka memenaʾ anyek, nimi seleb nauba eillilimak anasa, yok-yok mok nimi nidyaʾ ara, anak gibil yalemnenjak,” wenyaboka seblemek.