RASUL 4:21 - PERJANJIAN BARU NALCA YUBA

²¹ Dara, dub nang ara, Petrus Yohanes ak hnonok sibin anaba damok eboka eibnenggumeekanya, nimi nidyaʾ ara heimoknya hwemok ak eiyiwoka Imik Neyung bek gigilemekaʾ anasa, dub nang edya dara, wera Yesus si sibuka unulurum ara wen lobnerum aboka, hyak webluwoka lobonggomek.

RASUL 4:21 ပူးပေါင်းရင်းမြစ်များ

MATIUS 15:31

Nimi nauba dem nim anyagan ulumek nim era, anyek eiyiboka hyak nauba loka dasuk. Dara, yuba gom nim era yuba saro yabalamek, koma bulumek nim era mereboka yabalamek, nonga heilisuk nim era pe yan ingi yabalamek, henga luma ulusuk nim era pe henga gwelegoka eillilemek. Nimi nidyaʾ ara anyek eiyiboka, Israeli nim era Imik Neyung bek giblemek.

MATIUS 21:46

Anasa sikda Yesus ak, salawoka henga goubnobaʾ aboka ubek bok, nimi nidyaʾ ara, Yesus ak senenggom ununumnaʾ lelelanya ulumla senelemeknya nenesa, unuwanamab senemek ganya era, nuk obsijek senewoka, lok anasa lomek.

MATIUS 26:5

Bok sikda, ”Welenaʾ orok roti gwanenga den sum enyek, henga gouboka obnemab dara, yok salyaʾ nimi nauba ulumakaʾ ara, doulub menegeibyek anasa, sum era unuwanggunumab,” wenyaboka sabek.

MATIUS 9:33

Dara Yesus adya bisaʾ era yakoka hwebok dara, bera wene sab-sab merewoka yuba sabok. Dara nimi nauba loka daboka lelemekaʾ ara, ”Nunda Israeli sokok ara, anasonya nera hnon mekaʾ eibnenggumouba!” alamek.

MATIUS 9:8

Wera Imik Neyung adyaʾ senenggom migib era, nim ek seleb elegosukaʾ anasa leboka, nimi nidyaʾ ban unumokaʾ anyek eibek nim edya dara, ganya lok uboka Imik Neyung ak gigilemek.

LUKAS 13:17

Yesus adya ban wenhyoknya nedya alak lek senen ganya bolomek nim era sikda hyak alya dabsuk, bok yok nimi nauba ara, Yesus adya lok soʾ unulumokaʾ anyek hyak perob senelemek.

LUKAS 20:19

Yahudi Imik Neyung yuba wa gakaʾ dub nang eb, yuba neksin nang eb dara, Yesus adya ban yokaʾ ak sunuwoka leboknya nera, sikja dara, nunsamba lebsil senemek. Anasa Yesus ak wene salek heng goubnemab senewek bok, nimi nauba anyek lok anasa lomek.

LUKAS 20:6

Bok onoʾ nunda, Nimi migib damok adya, henemab dara, Yohanes bera nimi nidyaʾ adya dara, ununumnaʾ lenya senelemak bok anasa, girik adya obsijek bar,” wenyabdek.

LUKAS 22:2

Yahudi yuba wa gakaʾ dub nang eb, yuba neksin nang eb dara, nimi yok nang enyek lok anasa, sikda Yesus ak geleleng aboka obnemab senewoka pik elemek.

LUKAS 5:26

Nimi nidyaʾ ganya loka daboka, Imik Neyung ak nauba giblemek. Nimi nauba lok ganya boboka, ”Nunja sumen eibabaʾ ara hyak senenggom nongaʾ ak eibab,” aboka lelemek.

RASUL 4:17

Sikja unulurak ara, nauba dangoka yok nim ek oboka lelewesilyek anasa, wera ugunda Yesus si sibuka hyak lebnenggunurum henemab,” aboka samek.

RASUL 4:22

Dara, nonga heimokaʾ anyek Petrus Yohanes adya hwereknya bera gibnaʾ ara denga hnonok uboka ebdobnya mek badya anaso dangamok bok, meremok.

RASUL 5:13

Dara, nimi nidyaʾ ara Imik Neyung yuba dolomek nim ek, perob senewoka gigilimek bok, longolomek dara, salyaʾ nim era, lok anasa makal yanggumek.

RASUL 5:26

Dara, diri ulumek nang dubnya beb, alak aralamek nang eb biniboka, Imik Neyung yuba doboka lelemek nim ek onsok bo yeilisik. Bok, sikda dukaʾ lolom-lolom anaʾ loboka, or namenaʾ bo yeilimek. Nera yeiriwoka henga goubuka ul yabibya dara, nimi nauba ulumak nim edya nuk girik adya obsijek aboka gelelenga namenaʾ bo yeilimek.

RASUL 5:40

Gamaliel bedya ban wenyaboka wenewosuk dara, Yahudi nang edya henga gereksin dub nang era, dib aboka perob hyek. Dara, sikda Yesus adya yuba lenaʾ gak nang ek, ek wekel yoululum aboka ebiniboka, legebnaʾ deboka legewoka, ”Wera ugunda Yesus si adya nimi yok nang ek nekdo yabanaʾ ara lobnelum,” aboka wenyaboka lebgogosik seleb dara, sikenek henga losik.