RASUL 4:13 - PERJANJIAN BARU NALCA YUBA

¹³ Dara, nimi nauba henga gereksin ek yuba sabnobaʾ aboka longomek nim era, Petrus beb Yohanes beb, sikja asaʾ nong anyek yuba saboka, sikda sekolah hnon nauba donaʾ orok bok, nauba pe lelerek eiyimek dara, hyak loka nauba dasuk. Dara wera, sik penya dara, Yesus yuba doro diriga balarek nang era alan senewoka, bekoka ella dangamek.

RASUL 4:13 ပူးပေါင်းရင်းမြစ်များ

MATIUS 11:25

Ban sum enyek, Yesus adya heng uboka molowanamokaʾ ara, ”Neyung o, anda im ab soko ab dara, anja uyilum! Ban unulumaʾ damok ara geremseng nim eb, yok-yok ella danganaʾ dolomak nim ek sam ara, anda doknowoka gunulumukanya, alda yokaʾ-yokaʾ ella danganaʾ orok nimi mek nang ek sam amalesilimaʾ anasa, nara anak perob aboka giblenggen.

MATIUS 26:71

Wenyaboka alda pik sindamak sam sekel byuk. Wene salek, yok ek wa gel ge hnon, yeiniboka Petrus bek eibuukanya, anyagan seklemek nim ek, ”Ban benera, Nazaret mok ebnya Yesus alamaknya beb neikaʾ ulumaknya benyaʾ,” hyok.

MATIUS 26:73

Dara mandewanggonggom, nimi nauba anyagan longomek nim edya Petrus be eiyiboka, ”Aldib, anda sikeneb neikaʾ ululumnya, anja yuba sanaʾ ak ella ubjab,” hyek.

LUKAS 22:8

Anasa Yesus ara, ”Denaʾ meewoka youboka beil binisurum,” aboka Petrus beb Yohanes beb dak orugosuk.

YOHANES 19:26

Yesus adya alja genong geb, alja wanaʾ ulumokaʾ diriga bannya beb, neikaʾ sekerekaʾ eibok dara, alja genong gek, ”Genong o, nera anja me nera an,” hyok.

YOHANES 7:15

Dara, Yesus adya lero neklesuk anyek eiyiboka, Yahudi nang ganya loka daboka lelemekja, ”Alda sekolah donaʾ ara orok bok anasa, hekaʾ adya ban anaso lero neklesil do?” alamek.

YOHANES 7:49

Bok, nimi nauba Musa bedya unuwanalum an yub ek elgom ulumak anasa, wera sikenek malya ullisinaʾ ak ulusil,” aboka wabsik.

RASUL 4:14

Bok, Yahudi dub nang edya dara, nonga heimokaʾ anyek, eikaʾ meremoknya bera, Petrus beb, Yohanes beb, neikaʾ oka seklemok anasa, yuba gomaʾ dangoka yuba sabnamenggom dangasuk.

RASUL 4:19

Bok, Petrus Yohanes adya dara, lebdekja, ”Har nerek perob so, ugun dub nang yuba kenaʾ anyek perob gom, Imik Neyung yub ak kenaʾ anyek perob gom, aboka seiniwanalum.

RASUL 4:29

Anasa Wenelesilimnya o, wenyok sikda nuk wellublesak anyek kendesilom. Onoʾ nuk anja wa wen nang enyek, anja yub enyek lok orok anyek asaʾ ganya boboka leb giriganobaʾ aboka, or unuwanalum aboka nuk migibaʾ elegeisilom.

RASUL 4:31

Wenyaboka Imik Neyung ak seleb mololgogol yabek dara, sik longomek e nera warawoka lobok. Dara, sikda nidyaʾ ara Imik Neyung Geisinya adya deknewoka, asaʾ nong anyek, Imik Neyung yuba nim ek lero yabalamek.

RASUL 9:27

Wera onoʾ eimik Barnabas bedya Saulus bek yeiniboka, Saulus eboka bobok dara, Yesus yuba lenaʾ gak nang ek bo biniboka amasuk. Dara Barnabas bedya Saulus bera hekaʾ anaso uboka Wenelesilnya bek eibookanya, onoʾ hekaʾ huboka Wenelesilnya bedya alak lemok ara sikenek nekesuk. Wera onoʾ Barnabas al Saulus hyak asaʾ nong anyek, Damsyik heikek Imik Neyung si nimi yok nang ek lel eleklesuk anyek sikenek nekesuk.

RASUL 9:28

Anasa wera, Saulus bera Yerusalem heikek Yesus yuba doboka ulumek nang eb neikaʾ uboka, Yerusalem heikek nidyaʾ yabalamookanya, asaʾ ganya boboka, Wenelesilnya bedya si leb elekdo yabalasuk.

1 KORINTUS 1:27

Anasa wera, sokok an geremseng ulumak nim era, sikba alya dabsululaʾ aboka, sokok anyeb nera dongdang alamaknya nenyek, gaboka dobsuk. Onoʾ sokok an senenggomaʾ anyek, migib ulumak nim enyek, sikba alya dabsululaʾ aboka, sokok anyeb nera hmenga senelemaknya nenyek, gaboka dobsuk.

1 KORINTUS 14:25

sikja ganya lomok sam yokaʾ-yokaʾ doknolomlaʾ ara, nidyaʾ laga danamla. Anadya nimi danara, dunuwoka omouwoka Imik Neyung bek giblemnemak. Dara nim enedya, Imik Neyung ara aldib ugun gangganek sam ulusil aboka laga lebnemak.

2 KORINTUS 3:12

Wera nunda nenyek unu dib senelemabnya nenedya, wera ban enera yuba asaʾ ganya boboka lelemab.