RASUL 3:19 - PERJANJIAN BARU NALCA YUBA

¹⁹ Wera anasa, ugunja malya unaʾ Imik Neyung adya lublul aboka, ugunja malya unaʾ ak ab ganya dangawoka saaboka, Imik Neyung ak yoululum.

RASUL 3:19 ပူးပေါင်းရင်းမြစ်များ

MATIUS 13:15

Anasa ban nim enedya, ganya era seleb yugoma dangoka pika lebok, sikja o nera seleb ounugosuk, anya sikja heng bam ara seleb siklebdangamek. Unuwangguseng dara, sikja heng eiyiboka, sikja o nedya yuba keboka, anya sikja ganya edya ella dangoka, nak sam yeiliseng dara, nadya sikenek meriyiwanasisinya,” hyok.

MATIUS 18:3

Anya Yesus adya dara, ”Ugunda hyak dib senewanalum! Ugun nong ara dangawoka, saaboka mekmab anasa danggubmun dara, wera aldib Imik Neyung alja wenesin heikek binggunulum.

LUKAS 1:16

Dara al adya, nim Israeli nimi nauba sikjaʾ Wenelesilnya Imik Neyung bek sam saaboka doboka bo yanasil.

LUKAS 22:57

Bok Petrus bera sondaʾ amba bobnenewoka, alja dara, ”Nara orok, benera nab elgomnya bek lelenulum!” hyok.

RASUL 1:6

Wera onoʾ, Yesus ab, alak diriga ban nang eb, neikaʾ longomek sum enyek, alja mab edya, ”Neyung Wenelesilimnya o, wen gom, eimik ek gom, Israeli soko ara, dub soko dangiyiwanalam de?” aboka heimek.

RASUL 11:18

Wera Yerusalem heikek ulumek Imik Neyung mab era ban yuba kemek dara, Petrus bek anda meknelelam aboka yuba lolowanggumek. Dara sikda Imik Neyung ak perob aboka giboka lelemekja, ”Yahudi nimi yuba donaʾ orok nim eneba Imik Neyung adya sikja malya unaʾ pik ab ganya dangawoka embengaʾ unaʾ dib dobnok aboka li eleklesil anasa, perob,” wenyaboka Imik Neyung bek giboka lelemek.

RASUL 11:21

Wenelesilnya migib era, yuba lelemek nang gologoka ulusuk adya, wera sikja nimi yok nim ek yuba lelemek dara, nimi gong dib senewoka, sikja nonga ganya gekman Wenelesilnya bek sam elegemek.

RASUL 15:3

Wera dara, Antiokhia heikek Imik Neyung yuba donaʾ nim edya, sikenek bo heik gokgobok sam bo bisik dara, sikda Fenesia pik uboka, Samaria heik ab ara unuwoka byik. Dara, pikik balamek ab ara, Yahudi gom nim eneba, Imik Neyung ak ganya dangawoka yuba dolomak aboka wenyaboka nekgiga balamek. Dara, anyagan Imik Neyung yuba doboka ulumek nim era, ban yuba kemek dara, sikda hyak ganya eiya dasuk.

RASUL 17:26

Imik Neyung adya nimi hnonok uyimookanya, wera nimi nidyaʾ soko me nidyaʾ bokiyiwok, nidyaʾ soko deknewoka ulumnamak aboka unusuk. Al Imik Neyung adya nim ek sam, hek sum, sumen hanyagar ulumneseng ara, alja ok orowek seneiyisuk.

RASUL 2:38

Dara, Petrus bedya sikenek, ”Ugunda nidyaʾ ara, ganya dangawoka malya unaʾ meewanasil dara, ganya dangawoka, Yesus Kristus si sibuka mek danaʾ doblulum. Dara, ugunda Imik Neyung adya Geisinya eleganesilaʾ ara dobnelum.

RASUL 28:27

Anasa wera, Yahudi sokok nim era ganya buguma dok. Sikja o nera lebdangamek. Sikja heng ak dara, heng ubek. Bok, sikda unubdangguseng dara, sikja heng adya kemedeneseng, sikja o adya, or kebneseng, sikja ganya anababya pe ella daneseng. Ban adya, nak ganya dangawoka, nara sikenek meriyiwanesisinya bok, wenyamok,” hyok.

RASUL 3:20

Dara, Wenelesilnya bedya, ugunja ganya angawoka perobaʾ nenewanasilekanya, ugunja blebsinaʾ dubnya ak ugunuk bilom aboka orugolul aboka, ganya dangawanalum. Wenelesilnya bedya orowek, Kristus ara al ugunja blebsinaʾ dubnya dolul aboka sekiyimok anasa, unuwanalum,” hyok.

RASUL 3:21

Petrus bedya onoʾ wenyasuk, ”Ban Yesus ara, youmaʾ Imik Neyung adya geisa ununumnaʾ lelemek nang edya lelemek sok, yokaʾ-yokaʾ nidyaʾ Imik Neyung adya meewanggumlya salek, imik heik ulumlya ara, meewanamlya salek ok laga danamla.

ROMA 11:25

Hem yab nang, wera anedya ugunda nunugok hyak ella ulumab senewoumunuk anasa, ban damok enyek ugunda ella doululum aboka, nara wenyhenesin: Israeli nang era sikja ganya hyak gasa adya, yok mok soko nim enyek hyak nauba wekel yok.

2 TESALONIKA 1:10

Ban nidyaʾ ara, Imik Neyung ak dib senelemak nim edya gibnunaʾ aboka hnon, onoʾ alja munaʾ Imik Neyung mab edya nak gibnenokaʾ aboka yanamla sum era, ugunda nunja bo yeilimouba yub ek dib senewoka dolumaʾ anasa, yok nim unuwanamakaʾ gangganek sam ugumbabya ulumnelum sum enyek, nidyaʾ gigiwoka unuwanamla.

2 TESALONIKA 1:7

Wen ugun an yokaʾ adya igina kwelesil nim ek hnon arawanasil dara, onoʾ nuk anaba neik so arawanasil. Anasa Imik Neyung ara imik heikek abaʾ ara aljaʾ senenggom migib lero nang neikaʾ hiboka yingginimak sum enyek unuwanesil,

2 TIMOTIUS 2:25

Alda bera, nimi yok nim edya alak bleklemak nim ek, sikba Imik Neyung adya ganya dangiyiwoka, perob jong yuba dobnok senewoka diri ulusilyikanya, pe namen uboka wenelemnesil.

IBRANI 4:1

Wera anasa, an Imik Neyung adya dek-deka sonaʾ ak weknelum hyokaʾ ara, anam or ululabok anasa, nim ugun gangganek ara ben hnon weknenggublyek anasa, hyak pe diri uldalamnemab.

1 PETRUS 2:25

Youmaʾ dara, ugun nong ara weiningdangamna pam eneso ululum, bok wenyek dara, perob pama beilinaʾanya bek dobdo yeiniboka, ugunja ganya beiyiwoka bo usinya bek yeiniboka ululum.

2 PETRUS 3:8

Bok nadyaʾ hemyabo nim o, ban nadya lebnesinaʾ banyek hyak mekaʾ hibiganggunulumaʾ ara ban: Imik Neyung adya senelamla dara, li hnonok ara gibnaʾ denga salyaʾ anaso uboka, gibnaʾ denga salyaʾ ara, li hnonok anaso ulumla. Alak dara, nidyaʾ ara hnonok ok ulumla.

WAHYU 21:4

Imik Neyung adya sikja heng mekaʾ nidyaʾ ara lubnesil. Youmaʾ ek malya nenelesukaʾ damoka nidyaʾ ara denghenemlaʾ adya, somoknaʾ damok ara hnon ubnenggunumla. Ganya sugunaʾ ab, engenaʾ damok ab, ok ulusilaʾ ab, yokaʾ-yokaʾ nidyaʾ igina kwelesilaʾ ara, hnon sounuwoka ubnenggunumla,” wenyalamok.