RASUL 3:16 - PERJANJIAN BARU NALCA YUBA

¹⁶ Dara, ban eiyiboka seleb ella ululumnya benyek, Yesus si adya, Yesus si ak dib senenaʾ adya merewal. Aldib, alda seleb migib uboka eikaʾ nong dalaʾ ara, Yesus ab alja migib ek dib senenaʾ nong adya ok ubla. Yesus ak dib senenaʾ adya, ban benera, hemyab o, ugunja hogung ak sam laga eikaʾ merewal,” hyok.

RASUL 3:16 ပူးပေါင်းရင်းမြစ်များ

MATIUS 14:29

Wenyek Yesus adya Petrus bek, ”Wera, or yalom,” hyok. Dara Petrus bera mek ekla bunaʾ ak ab mek dubuk sekel yingginiboka Yesus ak sam yan ingi byuk.

MATIUS 9:22

Dara ban salek enyek, Yesus ara gel genyek saaboka keeboka, ”Najaba gel o, anda ganya siklewoka ublom! Anda dib senewanalemaʾ adya, anda seleb merelam!” hyok. Dara wene sab-sab gel gera gobdo merewok.

YOHANES 14:12

”Heknedya nak dib senewanenel dara, nadya welemsa wa nera, alba unuru welemnamla. Dara, nara Neyung bek binimnaʾ anasa, alda nauba so welemnamla asinaʾ ara, dib lemna.

YOHANES 7:23

Ugunja ban unululumnya nedya, Musa bedya unuwanalum an yuba blekibyek aboka unululumjok, nak dara, nimi nong ak Sabat mem sum bok hwesinya nenyek, hekasa walanulum do?

RASUL 14:9

Dara alda bera, Paulus bedya Imik Neyung yuba lelemok dara, pe kero bulumok. Wera danyek, Paulus bedya alak ngekluboka, bera dib senemokaʾ eibookanya, Imik Neyung adya hwebnamso senemok dara,

RASUL 16:18

Hyakaʾ li wen sob-sobaʾ gel gera wenyal giriklemok. Dara, yok sum era, Paulus bera siklelonaʾ loboka, alda gel genyek an keeboka lemokja, ”Yesus Kristus si sibuka lebgen, Ban weklum bisaʾ era goboka yibilom,” hyok. Dara, al wene salek enyek, bisaʾ era gel genyek abaʾ ara goboka bilimok.

RASUL 3:6

Bok, Petrus bedya heimoknya bek, ”Rupiah yokaʾ-yokaʾ ara nak hnon unaʾ orok anasa, wera alda nak dan yokaʾ don hnonok ulumlaʾ anyek eleganenggen. Yesus Kristus Nazaretnya bedya si sibuka, anda sekoka yabalom,” wenyaboka hwemok.

RASUL 3:8

Wera, heimoknya bera sakdo dorogoka sekoka, onoʾ yibeinimok. Dara onoʾ, alda Petrus beb, Yohanes beblaboka sikeneb neikaʾ Imik Neyung eremek wekoka, yana ingiwoka merewoka sakdo dorogoka seleb merewanaʾ anasa perob aboka Imik Neyung ak giboka lero yabalemok.

RASUL 4:10

Neyung yab dub nang ugumbabya hnon, onoʾ Israeli sokok nimi nidyaʾ hnon, ella danalum. Ban heimokaʾ anyek embengaʾ seklelanya benera si ara, Yesus Kristus Nazaret mok ebnya bedya migib adya, ugunja hogunguk hyak eikaʾ sekla. Ugunja seleb oboka gal ak glablum dara, somogok bok, Imik Neyung adya somoknaʾ ak ab suboka bukiyimoknya bedya migib adya ubla ara, ella ubnalum.

RASUL 4:30

Anja geisa me Yesus si adya uboka, neiknaʾ nimi hweboka, yokaʾ-yokaʾ lok so beknaʾ senenggomaʾ lok so anyek unuwanobaʾ aboka anja arasinaʾ ara nuk elegeisilom,” wenyaboka molomek.

RASUL 4:7

Dara, Petrus beb Yohanes beb, ban mamagomek ak beil yeilisik dara, dub nang adya sikenek heib einisik. ”Ugunda hek migib ek gologoka, heknyek si sibuka unurum do?” aboka heisik.

ROMA 3:22

An laga gebokaʾ ara, Yesus Kristus ak nimi nidyaʾ dib senelemak nim emba, Imik Neyung adya peldisinaʾ ara, laga dok. Wera anasa, nera yok nang enyaʾ senen ganya era, hnon unggulumla.

1 KORINTUS 13:2

Nara Imik Neyung yuba lenaʾ migib elegenyokaʾ adya pe leb elegoka, yokaʾ-yokaʾ ara, hyak lomoknya neneba olowoka ella uboka, yokaʾ-yokaʾ nidyaʾ ella uboka, Imik Neyung ak hyak dib senenaʾ adya, mok soko mein anaba dama delewoka yokok sam bukillil yabalesinya bok, yok nim ek wanaʾ usinaʾ orok dara, wera nak dara, hyak salyaʾ nongnya bek ulumnesinya.