RASUL 3:13 - PERJANJIAN BARU NALCA YUBA

¹³ Orok, Abraham beb, Ishak beb, Yakub beb, nunja neyung yabo sikja giblemeknya Imik Neyung bedya, ban unumla adya alja me Yesus imik nenewal. Al Yesus anyek, ugunja dub nang ek oblulum aboka doboka elegel bililum. Pilatus bedya henga lobnunaʾ aboka ulumok bok, ugunja alja saramek ab wekdo dorogolum.

RASUL 3:13 ပူးပေါင်းရင်းမြစ်များ

MATIUS 11:27

Dara Yesus adya lebokaʾ ara, ”Yokaʾ-yokaʾ nidyaʾ ara neyung bedya nak elegoka lobongganyok. Nimi nidyaʾ ara me ak ara elgom ulumak bok, neyung bedya ok hnonok ella ulumla. Nimi nidyaʾ anaba, neyung anak ara elgom ulunjak bok, me adya ok ella ulunggel, anya me adya nadya neyung bera ban aboka amalesin nim edya hnon anak ara ella ulunjak.”

MATIUS 20:19

Hnon ara, Yahudi gom nim ek doboka eleganamak. Dara, sikja alak derewoka waboka, saboka oboka, gal ak sam glabnemak. Bok winilinya sum era, alda embengaʾ suboka bukiyiwanamla,” hyok.

MATIUS 22:32

Nara Abraham bedya Imik Neyung ulumna, Ishak bedya Imik Neyung ulumna, Yakub bedya Imik Neyung ulumna. Wera, Imik Neyung ak dara, somoklomak nim edya Imik Neyung unggulumla. Alda nim embengaʾ ulumak nim edya Imik Neyung ulumla! wenyaro momnya dobok,” hyok.

MATIUS 27:2

Wera sikda Yesus ak gel heng adya goubeekanya, Roma nim dubnya Pilatus bek bo elegel byik.

MATIUS 28:18

Dara Yesus ara sik berem yeiniboka, ”Nidyaʾ imik heikek ulumla migib eb, sokok sam ulumla migib era, nak Neyung bedya seleb eleganyok.

MARKUS 15:11

Bok yuba wa gakaʾ dub nang era, yok nim ek wenewoka Pilatus bek nunsamba dara, Barabas benyek henga lob lobnelam henelum aboka orugeisik.

LUKAS 22:57

Bok Petrus bera sondaʾ amba bobnenewoka, alja dara, ”Nara orok, benera nab elgomnya bek lelenulum!” hyok.

LUKAS 23:4

Dara Pilatus bedya yuba wa gakaʾ dub nang eb nimi nauba longol yeilimek nang ebdak, ”Alak henga geregoka obnesengaʾ nong malya unaʾ enyek dib unulamlaʾ ara, nadya dara mekaʾ eibnenggubna,” hyok.

LUKAS 6:37

”Imik Neyung adya ugunuk yana leleweisilyek anasa, ugunda yok nim ek yana lelenggom, mem. Imik Neyung adya ugunuk igin yakaʾ kweiyiweisilyek anasa, onoʾ ugunja yok nim ek ganya adya henga goubnenggom, mem. Nadya malya unaʾ Imik Neyung adya blebiyiwananel senewoka, anda yok nim ek sugunaʾ ganya ara, meebdanalum dara, Imik Neyung anaba, anja malya unaʾ era meewananggel.

YOHANES 12:16

Yesus adya alak diriga ban nang era, anam salek era, ella danggumek bok, Yesus anyek seleb imik nenewok danyek, Imik Neyung yuba youmaʾ momnya domekaʾ ara alsamba lebokaʾ ak an, wen unulumek senewoka seinimek.

YOHANES 18:40

Dara, sikda yeiriwoka ebngalagoka, ”Alak lobnaʾ ara hyak mem loblom. Barabas benyek loboka elegeisilom,” aboka lelemek. (Ban Barabas bera, hoka donanya ulumok.)

YOHANES 19:11

Dara, Yesus adya Pilatus bek, ”Imik Neyung adya unun migibaʾ, neyung anak elekgenaʾ orok dara, wera, neyung anda yokaʾ-yokaʾ salyaʾ ganya doboka unuwanggunusom. Anasa, neyung o, anak gom, alda nak oblulum aboka yuba diyinelnya benyek, alja malya unaʾ era hyak senenggomaʾ ulumla,” hyok.

YOHANES 19:12

Ban kemok dara, Pilatus bedya Yesus ak henga lob lobnunaʾ aboka dul yabok bok, Yahudi nim edya, ”Ban benyek henga lobnelam dara, wera anda Kaisar bedya alja hemyab unggulumenaʾ adya ubnelam. Nara dubnya aldalananya alda Kaisar bek isaʾanya ulumlaʾ adya lelelabok anasa,” aboka ngeboka lelemek.

YOHANES 19:15

Dara, Pilatus bedya Yahudi nim ek, ”Ugunjaʾ dubnya bera alan,” hyok. Bok Yahudi nim edya, ”Bo goblulum, bo goblulum! Oboka gal ak glablulum,” aboka lelemek. Dara, Pilatus bedya Yahudi nim ek, ”Nadya ugunja dubnya benyek oboka gal ak glabnun de?” aboka heibsuk dara, Yahudi yuba wa gakaʾ dub nang edya, ”Kaisar benyek ok nunja dubnya bera alan ulumlaʾ anasa, or oblulum,” aboka lelemek.

YOHANES 7:39

Yesus adya ban wenhyoknya nera, Imik Neyung adyaʾ Geisinya benesa lemok. Ban salek era, Yesus si anam imik nenewanggumekaʾ anasa, Geisinya bera anam eleganggusukjok, Yesus alak dib senewanamak nim era Geisinya dobnamak aboka lelemok.

RASUL 22:14

Wera Ananias bedya nak lebnyok ara, Nunja neyung yabo sikja Imik Neyung adya, anda alja senelamla anyek ella dalom aboka dara, alja pelelanya eiyiwoka, alja yuba nong ak ab kebnelam anasa, gaboka donggel.

RASUL 24:14

Anasa nak dara, wen nadya unulamna ara anak laga lebnenggen. Nara aldib Yesus adya nekesuk anyek sunuwoka, Yahudi nim edya dara, malya alamak bok, nunja Wenelesilnya Imik Neyung bek giblamna. Anyek hnonok aldib unulamna. An unulamna anaba, onoʾ Musa bedya unuwanalum an yuba hnon, yok ununumnaʾ lelemek nang edya momnya domek yuba hnon, or aldib senelamna.

RASUL 3:12

Wera, Petrus bera nimi nauba eiyimok dara, sikenek, ”Wei ugunda Israeli nim o, ugunda hekasa ban unumlaʾ ak loka dasil do? Ugunda hekasa nuk ngekellublesulum do? Ban nonga heiboknya bera nunja migib edya gom, nunda hyak pe ulunam adya gom, yan ingi yabalamla senelum de.

RASUL 3:26

Wera anasa leboka, Imik Neyung adya alja me Yesus sekiyiwoka, binilam aboka, ugunuk men youlul aboka, orugomok. Ugunda nidyaʾ malya unaʾ ganya dangiyiwoka ugunuk perobaʾ neniyiwousululaʾ aboka, youlul aboka orugomok,” wenyaboka Petrus bedya lebok.

RASUL 4:27

”Aldib, wen ara Herodes beb, Pontus Pilatus beb, Wenelesilimnya o, yok soko yok soko nim eb, heik enyegan ulumak Israeli nim eb, seleb mamagoka, sikda anja geisa me Yesus bek anja nimi blebsinaʾ dubnya sekiyilumnya bemba, mala weboka obdanob aboka samek.

RASUL 4:30

Anja geisa me Yesus si adya uboka, neiknaʾ nimi hweboka, yokaʾ-yokaʾ lok so beknaʾ senenggomaʾ lok so anyek unuwanobaʾ aboka anja arasinaʾ ara nuk elegeisilom,” wenyaboka molomek.

RASUL 7:32

Nara anja neyung yab youmaʾ nang edya Imik Neyung ulumna e. Nara Abraham bedya, Ishak bedya, Yakub bedya, sikja Imik Neyung era nara alan ulumna e, hyok. Dara, Musa bera loka daboka ber-ber alamookanya, kemenaʾ loboka hogung lilibdangamok.

ROMA 9:5

Wera sikda youmaʾ ulumek nang edya mengerob nang ulumaakanya, Mesias Kristus bera alda yokaʾ-yokaʾ nidyaʾ alak hnonok imik ululabok, nim ek sam ak dara sik nang yilaʾ ak ab beibek. Bok alda Imik Neyung sobaʾ giblemnemabnya bek ulumla. Amin!

IBRANI 2:9

Bok Yesus ara, seʾ salek amba mek sokok so geboka, lero ara imik geboka, Imik Neyung adya wanaʾ uboka eleksinaʾ adya, nimi nidyaʾ amba somogousululaʾ aboka umok bok, wera alda somogousukaʾ adya, alak si imik nenenaʾ ab, giginaʾ ab gouluwokaʾ ara nunda eillilemab.

WAHYU 1:18

Nak danyek, embengaʾ ulmorulunanya bera an! Nak dara, seleb somogasebok, wera nara hyak sobaʾ ulmorulumnamna. Nara somoknaʾ amba dubnya uboka, nimi soko nimi somoknaʾ heikek amba dara, nara pik baknaʾ salananya ulumna.

WAHYU 1:5

Anya Yesus Kristus yuba bojam laga lelesilnya bedya ugunuk ban nidyaʾ elegoka ulusulul. Yesus nong anyek, alak men nimi somoknaʾ ak ab suboka embengaʾ bukiyimoknya uboka, onoʾ al nong anyek nidyaʾ soko dub nang ulumakaʾ sikenek wenewoka bo usinaʾ dubnya ulumla. Dara alak, al Yesus ara nuk wanaʾ uboka, alja eneng edya, nunjaʾ malya unaʾ ak sam ab, blebsuknya bek,