RASUL 28:30 - PERJANJIAN BARU NALCA YUBA

³⁰ Wera Paulus bera Roma heikek ara alja rupiah seʾ dekemok ek, gobdo gibnaʾ penya ulumokok ab dara, nimi nauba alak yalamek dara, nidyaʾ perob aboka doro dililisuk.

RASUL 28:30 ပူးပေါင်းရင်းမြစ်များ

YOHANES 1:39

Alda wenyasuk, ”Or yorurum. Eibnerum,” hyok. Dara, sikda onoʾ yalareekanya, al ulumokaʾ eiyireekanya, ban sum neikik ulumek. Sinik jam empat so ulumok.

RASUL 19:21

Yokaʾ-yokaʾ nidyaʾ seleb unuru dakdomok dara, Paulus bera Makedonia moka binyekanya, onoʾ Akhaya mok eb ara, Yerusalem heikek binimna senen ganya bobok. ”Wera seleb ono sam byukuk ab dara, onoʾ nara wen Roma binimna,” hyok.

RASUL 24:27

Seleb gibnaʾ penya lebgogomok dara, Perkius Festus benyek, Feliks be lunuwoka soko dubnya dangamok. Bok, Feliks bek dara, Yahudi nang perob senelemaknya nera unuwonun senewoka, alda Paulus bek heng goubnaʾ lomok lolomok.

RASUL 28:16

Wera nunda seleb Roma heikek byuba dara, Paulus bera or henga lob loboka ambeyok ululom aboka, yin bonnya ben hnonok uboka neikaʾ bo diri ulumok.

RASUL 28:29

Seleb Paulus bedya ban wenyaboka lebgogomok dara, Yahudi nang sik moumen nauba lolobdangoka lo balamek.

RASUL 28:31

Dara, yokaʾ-yokaʾ adya Paulus bek igina kwelinaʾ orokaʾ anyek, al nong ara asaʾ ganya boboka, Imik Neyung adya senenggom wenesinaʾ yub ab, Wenelesilnya Yesus Kristus amba yub ab, dara anyaʾ aboka geklewoka lelesuk.

ROMA 15:32

Dara na ban Imik Neyung adya wen senemlyaʾ sunuwoka ugunuk ganya eiya daboka yanamnakanya, ganya heknaʾ ugunub neikaʾ dobnemab.

2 KORINTUS 11:23

Sikda Kristus adya wa wen nang ulumak de? (Nara lobaʾ oronanya benesoʾ anyek lebnamna.) Nak danyek, Kristus adya wa wenaʾ nongnya ulumna! Nara Kristus wa yeiriwoka hyak nauba so welemna, anasemba leboka liga gong henga gouboka beillilenyek, hnonda sobaʾ saboka olonyek dara, liga gong somogeisinyaʾ ak elelloblonyok.

2 KORINTUS 6:5

Legebnaʾ debsinaʾ adya hnon, gasa ek beilisinaʾ adya hnon, nimi nauba irr aboka usinaʾ adya hnon, igin wa wenaʾ adya hnon, mabom bukom anaʾ adya hnon, denaʾ denggonggom ulsininaʾ adya hnon, laga amalamab.

PILIPI 1:13

Damok ara anadya wera, dub nang ek an pika wen nang eb, nimi yok nimi nidyaʾ ab dara, nak henga geregoka beibnyekaʾ ara, Kristus amba aldib urob senewoka ella ulumak.

2 TIMOTIUS 1:17

Bok alda na Roma heikek anam yalamsa sum era, al adya nak men hanyagar ulumlyaʾ ak eibnun do aboka, eboka nak men eibnyok.

2 TIMOTIUS 4:2

Anda Imik Neyung yub ara sobaʾ lel eleklelom. Perob salek gom, malya salek gom, sobaʾ meewoka ululom. Anda nimi ganya dangallilisilom, meilinya nera ban aboka wenelesilom, banyek unuwolulum aboka nimi ganya wekellilisilom. Anda hyak ganya kaboka siklewoka ulumenekanya, pe neklesilom.