RASUL 28:22 - PERJANJIAN BARU NALCA YUBA

²² ”Bok, nidyaʾ yok-yok sokok ara, anja dololam yub anyek malya nenelesak ella ulumab anasa, anja dib senewoka dololam anyek, kebnob aboka diri ulenjab,” hyek.

RASUL 28:22 ပူးပေါင်းရင်းမြစ်များ

LUKAS 2:34

Dara Simeon bera sikenek perobaʾ leb elegousuukanya, dara me nen aljaʾ genong Maria gek wenhyokaʾ ara, ”Hyak dib nong ara ban me nera, nimi gong Israel sam ara hnon golugiyiwoka, hnon sekiyiwoka ubsululaʾ aboka orowek memewookanya, nimi nauba ara alak malya aboka walamnemak aboka, alda yokaʾ nong lok so beknaʾ danamla.

RASUL 15:5

Bok, Parisi nang ulumek nang bok, Imik Neyung yuba dib senemek nang hnon nang adya sekoka, ”Yahudi yokaʾ gom nang bok Imik Neyung yuba dib senelemak nang era, Musa bedya bolaʾ garaldalalulum unuwanalum an hyokaʾ sunuwoka unulumnamak,” aboka lemek.

RASUL 24:14

Anasa nak dara, wen nadya unulamna ara anak laga lebnenggen. Nara aldib Yesus adya nekesuk anyek sunuwoka, Yahudi nim edya dara, malya alamak bok, nunja Wenelesilnya Imik Neyung bek giblamna. Anyek hnonok aldib unulamna. An unulamna anaba, onoʾ Musa bedya unuwanalum an yuba hnon, yok ununumnaʾ lelemek nang edya momnya domek yuba hnon, or aldib senelamna.

RASUL 26:5

Dara, sikda Yahudi nim en youmaʾ ekaʾ moruwoka ella ulunyek. Anasa, Yahudi nang perob senewaseng bok dara, wera nara youmaʾ ek moruwoka Parisi nanga dangoka nunja Imik Neyung yuba pe doboka Imik Neyung yub adya yokaʾ-yokaʾ mem hyok ara, hyak pe keboka unulamsa anyek, sikda Yahudi nim edya anaba, aldib Paulus bera unulumok aboka laga lebneseng.

RASUL 5:17

Wera ban unubgiga balamek adya, Yahudi yuba wa gakaʾ dubnya beb, alak sikja aralamek nang nidyaʾ eb, nera Saduki nim edya, men Imik Neyung yuba domek nim ek hmana leboka yok so unuwanob senemek.

ROMA 1:8

Hyak men dara, nadyaʾ Imik Neyung bek perob aboka giblamnaʾ ara, Yesus Kristus pik uboka, ugunja ganya yuba dib dobek an yub enyek, mok soko nidyaʾ ol lelelamlaʾ amba giblamna.

1 KORINTUS 11:19

Ugun gangganek ara, har berek Imik Neyung adya perob senelesil nanga hnon, har berek yuba dib donaʾ orok bok, ulumak nanga hnon, laga danokaʾ aboka unulusil.

1 PETRUS 2:12

Ugunja nong unaʾ era nimi yuba donggulumak nimi gangganek ara, hyak pe ulululum. Anadya sikja ugunuk ara malya aboka wabnesak bok, ugunja pe ulumunaʾ anyek eibija dara, sikbabya anyek eiyiwoka, Imik Neyung yanamla sum era, Imik Neyung ak gibnemak.

1 PETRUS 3:16

Bok ban unuwanamunaʾ amba dara, pe namen ganya edya heknaʾ ganya boboka unuwanalum. Ugunda Kristus adya diriga ban nim ulumnelumaʾ anasa, yok yuba donaʾ orok nim edya wabnesak bok, ugunja pe ulumnelumnya nenesa wabnesak ab dara, onoʾ sik dam nimi meknewab senewoka sikenek saawoka alya dabnesilaʾ anasa, perob unaʾ an ella ululumnya nok unulululum.