RASUL 27:4 - PERJANJIAN BARU NALCA YUBA

⁴ Wera onoʾ Sidon heik ab uboka, mek ekla bunaʾ pik lanawoka mek dubuk bukoka balamouba dara, kaboʾ adya nu balamouba pika garawoka ulusuk dara, Siprus mek dubuk soko eilibik pik ge moboka balamouba.

RASUL 27:4 ပူးပေါင်းရင်းမြစ်များ

MATIUS 14:24

Bok, mek ekla bunaʾ anyek hyak mek hnoumung balamok. Dara mek ekla bunaʾ ara, kaboʾ yalamlaʾ ak sam uruma beiyimokaʾ adyaʾ wera kaboʾ adya luknobom-erebom abgiga balamok.

MARKUS 6:48

Wera Yesus adya kemelemok enyek, alja yuba doro diriga ban nang era anam mek hnoumung buka balamek bok, kaboʾ doroklomok digum pik balamekaʾ adya yeiriwoka pukdibigimekaʾ ak eibuk. Dara, gweleknek yangman wining yub ololomla salek enyek, Yesus ara, mek dub pik yan ingibgiga sikenek yalamok. Dara, alda sikenek loboka, alak men mengeb hwibnamna anasoʾ anyek yanggok.

LUKAS 8:22

Dara onoʾ yok sum enyek, Yesus ab alja yuba doro diriga ban nang eb dara, mek ekla bunaʾ ak bukumek dara, Yesus adya sikenek, ”Nunda meka gouboka eer sam gemek binimabaʾ anasa, yoululum,” husuk. Dara sikda lanawoka buku balamek.

RASUL 13:4

Barnabas Saulus ara Imik Neyung Geisinya adya, wera binirum aboka bokosuk anasa, sikda penya dara, Seleukia heikek golugereekanya, onoʾ anyaganyeb uboka dara, mek ekla bunaʾ pik bukoka Siprus mek gwan dubuk sokok sam birik.

RASUL 15:39

Dara danyek, Paulus beb Barnabas beb nauba lolowoka wabdangoka lelereekanya, wera doluwoka bokdangoka, Barnabas bera Markus beblaboka neikaʾ Siprus mokaʾ mek ekla bunaʾ adya bukoka birik.

RASUL 21:16

Wera nunda Manason bedya ek biniboka, mabnemoubaʾ anasa, Kaisarea heikek ab dara, nimi wene nang diriga ban nang nublaboka neikaʾ lanawoka byuba. (Manason bera alda Siprus nang bok, alda seleb youmaʾ ek Yesus yuba doboka diriga balamoknya ulumok).

RASUL 21:3

mek dubuk sokok Siprus mok era, nunja waneng ek gek sam eibuba bok, nunda nera piboka Siria moka byuba. Wera nu bukumouba mek ekla bunaʾ era, alja bonaʾ bomok ara heikek yokoka beibnemok anasa, Tirus heikek an yinggyuba.

RASUL 27:7

Wera Italia moka balamoubuk ab dara, mek ekla bunaʾ ara hyak mandewoka nemen balamouba. Wera hyak oknaʾ ulusuk bok, mabgiga balamoub ara, Knidus mok era ok berem ubok bok, or hnomunga salyaʾ ak byuba. Knidus moka heikek byubuk ab dara, kaboʾ anyek or sobaʾ dolomoknya nenesa, men danyek anyan binimab senemouba pik era binggububa. Bok kaboʾ orok pik binob senebuba dara, Salmone moka yema amoʾ leboka Kreta mek dubuk soko pik byuba.

RASUL 4:36

Dara, Yusuf beneba neikso unulumok. Alda alja yokok soko era, yok nang ek rupiah deklulum aboka, rupiah seleb dobna dara, rupiah era Imik Neyung yuba lenaʾ gak nang ek bo elegel bilisuk. Ban unumoknya Yusuf bera Lewi nang yilaʾ Siprus mok ebnya. Men Imik Neyung yuba lenaʾ gak nang edya alak Barnabas aboka si silimek. Nunja yub edya dara, ganya heksinaʾanya alamab.