RASUL 27:35 - PERJANJIAN BARU NALCA YUBA

³⁵ Paulus bedya ban seleb wenyaboka lebgogomok dara, alda roti gwanenga doboka, sikja saramek sam Wenelesilnya bek molowoka, soboka deb einiwok.

RASUL 27:35 ပူးပေါင်းရင်းမြစ်များ

MATIUS 14:19

Wera Yesus adya nimi nauba ulumek nim ek, ”Holaʾ eilib buklulum,” hyok. Dara Yesus adya lambadya roti gwaneng eb, penya hadyaʾ eb dara, imik keeboka, Imik Neyung ak perob aboka giboka molowok. Seleb molobgogowok dara, roti gwaneng era Yesus adya soboka alja yuba doro diriga ban nang ek, nimi nidyaʾ ak boknelum aboka elegosuk.

MATIUS 15:36

Anya Yesus ara roti gwaneng sekbadyaʾ anyeb, hadyaʾ danyeb doboka, Imik Neyung perob aboka giboka molowok. Seleb dara, roti gwaneng ab hadyaʾ ab dara, soruk adya soboka, alja yuba doro diriga ban nang ek elegosuk. Dara nang enedya nimi nidyaʾ bukumek nim ek boksik.

MARKUS 8:6

Dara Yesus ara nimi nidyaʾ ak, sokok buklulum aboka, alda sekbadya gwaneng dara doboka, Imik Neyung ak perob aboka gibuk. Seleb dara, gwaneng ara soboka, alja yuba doro diriga ban nang ek boknokaʾ aboka elegosuk dara, wera sikja doboka bokdo yibik.

LUKAS 24:30

Wera neikaʾ bukoka delemeekanya, Yesus ara gwanenga doboka, Imik Neyung ak perob aboka giboka molowok dara, gwaneng era alja soruk adya soboka, sikenek bokoka elegosuk.

YOHANES 6:11

Nimi nidyaʾ bukumekaʾ seleb dara, Yesus ara roti gwaneng doboka, Imik Neyung molowoka, nimi nidyaʾ bukumek nang ak soboka bokoka elekdo yibilisuk. Anasonya neikik, hadyaʾ anaba alja unu denaʾ nauba senemekaʾ sunuwoka elegesuk.

YOHANES 6:23

Bok, onoʾ yok mek ekla bunaʾ hnon Tiberias heikek ab yeiniboka Yesus gwanenga soboka Imik Neyung ak molomok enyek demek oulyang berem mal yalamek.

ROMA 1:16

Perob lero yanggan yub ek dara, nara alya dabnenggulunel. Ban yub era Imik Neyung migibaʾ nong ak ulumlakanya, nimi nidyaʾ dib senelemak nim, men nong dara Yahudi nim, dara onoʾ Yunani nim eneba bleblesil anasa, alya dabnenggulunel.

ROMA 14:6

Heknedya ban yok hnonoknya nok salabmoubnamla dara, alda Imik Neyung amba unulumnamla. Anya heknya denaʾ denemna dara, alda Imik Neyung ak perob aboka giblamla anasa, alda Imik Neyung amba unulamla. Dara onoʾ heknedya alda denaʾ denggunumnekanya, albabya Imik Neyung ak perob aboka giblamla anasa, albabya Imik Neyung amba unulamla.

2 TIMOTIUS 1:12

Ban nenesa leboka, wera nara an yokaʾ-yokaʾ igina kwelenel. Bok heknyek dib senemsaʾ ara, nara dib ella ulumnaʾ anasa, angoo senenggulumna. Nadya banyek dib senelamnaʾ ara, alja nak welelom aboka lobongganyok wa nera, onoʾ welemnyaʾ ak an alja diri bo ulumlyaʾ moruwoka soko sidyaʾ daknamla sum unuro lobnamla senewoka, dib senelamna.

2 TIMOTIUS 1:8

Ban nenesa leboka, nunja Wenelesilnya bemba alja yuba lero yabanaʾ ak alya bar aboka longgom, mem. Onoʾ nak Kristus amba leboka gasa ek henga gouboka beibnyeknya nenesa, alya bar aboka longgom, mem. Bok alda saawoka, anda Imik Neyung adya eleklenggel migib edya, Imik Neyung adya perob lero yanggan yub emba leboka, amba neikaʾ igina kwelenggel bok yeiriwoka welelom.

1 PETRUS 4:16

Bok, Imik Neyung yuba donaʾ nim ululumaʾ amba leboka igina kwelesil dara, ban nenesa leboka, ugunda alya ganya bonaʾ ara hyak mem. Bok alda saawoka, nunda Kristus si ak bo yabalamabaʾ senewoka, Imik Neyung ak perob aboka giblelulum.