RASUL 27:2 - PERJANJIAN BARU NALCA YUBA

² Dara, nunda Adramitium heik ab yok mek ekla bunaʾ ek, Asia sokok mek gemek ulumek heikek bununaʾ aboka umok mek ekla bunaʾ ek bukuka lanawoka bilimouba.

RASUL 27:2 ပူးပေါင်းရင်းမြစ်များ

LUKAS 8:22

Dara onoʾ yok sum enyek, Yesus ab alja yuba doro diriga ban nang eb dara, mek ekla bunaʾ ak bukumek dara, Yesus adya sikenek, ”Nunda meka gouboka eer sam gemek binimabaʾ anasa, yoululum,” husuk. Dara sikda lanawoka buku balamek.

RASUL 16:17

Dara, al on gel nub Paulus beb yabalemouba pik dobdo yeiniboka bii aboka ebngalogoka lelesukja, ”Ban nang danara, Imik Neyung senenggom ululanya bedya alja wa wenaʾ nang era an. Sikda ugunuk hekaʾ huboka eimik blebnesil anyek neklesirik,” aboka lelemok.

RASUL 17:1

Paulus beb Silas beb dara, pikik balarek ara, Amfipolis sam ab ara, Apolonia heikek ab uboka, Tesalonika heikek lanal birik. Dara, Tesalonika heikek ara Yahudi nim edya yuba don e hnon ulumok.

RASUL 19:19

Dara onoʾ neikso, hnon nang era, men ger donaʾ buku hnon, bisaʾ molowoka nimi guma guksin buku bolomek ara, nimi hnoum beiyiwoka laga uka dalamek. Dara wera, ban uka dalamek buku enyek, alja rupiah dekemek anyek, nidyaʾ hiboka einiwaneseng dara, sikja nauba deknaʾ denga penya gobdo danasobok, nidyaʾ uka damek.

RASUL 19:29

Ban unumok yuba Epesus heik ara, neikaʾ ok oboka lelemok. Wera ban uboka unulumek adya sikda yeiriwoka, Gayus beb, Aristarkus beb, sikda Makedonia nim bok, Paulus beblaboka neikaʾ pika yalamek nang ek, sikenek salawoka sununaʾ kemelemek e digum hnoum bo bilimek.

RASUL 2:9

”Nunda nidyaʾ ara, hnonda Partia nang, Media nanga hnon, Elam nanga hnon, Mesopotamia nimi hnon, Yudea nimi hnon, Kapadokia nimi hnon, Pontus nimi hnon, Asia nimi hnon,

RASUL 21:5

Bok anyagan ulumouba salek enyek, Yerusalem heikek ban salek era oka dok dara, Tirus nang era anyagan loboka, nunda lanawoka balamouba dara, sikja gelewa mab ab, nidyaʾ nuk arawoka bobsiknya nera heik gokgobok sam bo bokol bisik. Wera mek gwan berem mek ekla bunaʾ ak byuba dara, nunda nidyaʾ sikeneb komo lumugoka heng uboka molomouba.

RASUL 28:10

Dara, sikda nuk yok-yok bonaʾ nauba elegesik. Wera onoʾ, nunda lanawoka binob aboka ul yabuba dara, nunja pikik beibya dara, anyek-anyek yak dara, bobsibya senemoubaʾ nidyaʾ ara mek ekla bunaʾ ak sam bo elegel bilisik.

RASUL 28:12

Wera nunda Malta sokok ab uboka dara, Sirakusa moka heikek biniboka anyagan ara li winilya mabuba.

RASUL 28:16

Wera nunda seleb Roma heikek byuba dara, Paulus bera or henga lob loboka ambeyok ululom aboka, yin bonnya ben hnonok uboka neikaʾ bo diri ulumok.

RASUL 28:2

Malta sokok an ulumek nim era, nuk hyak perob senewoka pe arawoka ulusik. Wera moka nauba bliboka onoʾ saragenaʾ ul yabasuk anasa, anyagan heik yokaʾ nim edya uka lolowoka ul yabasik.

KOLOSE 4:10

Nadya hembe neikaʾ henga gouboka doronggeisiknya Aristarkus bedya hnon, Barnabas, alja dong bedya me Markus bedya hnon, ugunuk gibisirik. Alsamba dara, ugunuk seleb wenyasikaʾ anasa, yanamla dara, ugunda perobaʾ leboka ubnelum.

PILEMON 1:24

Hnonda nadyaʾ hemyabo ban nang danadya, Markus beb, Aristarkus beb, Demas beb Lukas beb dadya ugunuk perob aboka gibsak.