RASUL 27:13 - PERJANJIAN BARU NALCA YUBA

¹³ Dara ban salek era, woru sam ab kaboʾ enyek nemen dolomok dara, onoʾ danyek mek ekla bunaʾ bolomek nang edya dara, or pe lanawoka balanob senemek. Wera igin yakaʾ dolinglemakaʾ ara glibsalawoka seleb gwanewoka doro beiyiwoka, Kreta moka gek sam ok dobgiga balamouba.

RASUL 27:13 ပူးပေါင်းရင်းမြစ်များ

LUKAS 12:55

Alda ugunda woru kaboʾ doroganamla senewan dara lebnadya, Sum era douba danamla, alalum. Dara aldib douba dangalamla.

RASUL 2:11

Yahudi nimi yokaʾ ab, hnonda Yahudi nimi gom bok, Yahudi nimi yuba domek nang eb, hnon Kreta nim ab, hnonda Arab nim ab bok, Imik Neyung adya alja senenggom migib unulamla anyek, nunja yuba yokaʾ-yokaʾ sunuwoka lelesak adya nunda pe kelemab,” aboka lelemek.

RASUL 27:12

Wera perob mek ekla bunaʾ malamla ak ara perob gom adya, wera anyagan ara, saragenaʾ li dara, kaboka mabdabnenggunumso anasa, wera mek ekla bunaʾ gliboka bolomek nang nauba so edya dara, anyagan ara loboka saragenaʾ li ubnalabok anasa, men Feniks moka binimab senemek. Feniks alamek heik era, Kreta mek dubuk sokok sam uboka, mek ekla bunaʾ bul yalamok mek gemek ara, kemban dabo sam hnon, kemban woru sam hnon ulumok.

RASUL 27:21

Wera liga wen mabek ara, gwaneng ara hyak gobdo denggumek. Dara Paulus bedya nimi hnoum gangganek sam sekoka lebok ara, ”Hem yab o, ugunda men nadya lemsa yuba kesomokanya, Kreta sokok ab lanawoka yangganaʾ orok dara, unuwoka bonaʾ yokaʾ-yokaʾ nidyaʾ heboka bobogoka unuwanggunusibya bok,” aboka lelemok.

RASUL 27:8

Wera hyak okna bok, hyak ganya igina kweboka, mek ekla bunaʾ ak buka bilimoubnya nera, Lasea heik berem okan mek ekla bunaʾ pe bulumla ak alamek ak sam byuba.

TITUS 1:12

Sik moumen al Kreta sokok ab ununumnaʾ lelemoknya bedya seleb lebokaʾ ara, ”Kreta nim era, yu hwam ok bei gam anaso uboka, gwanenga orok nenewoka deregoka onoʾ sulmalyaʾ ulumaakanya, sobaʾ sondaʾ hwam ok lelemak nim ulumak,” hyok.

TITUS 1:5

Nadya anak Kreta sokok sam lo yeilinggesaʾ ara, webnamen ulumla wa nenyek meewoka welelomaʾ aboka sene lo yeilinggesa. Hnonda, heik elaʾ gigiro Imik Neyung e dam nang sikillililomaʾ aboka lo yeilinggesa. Dara onoʾ ban nadya anaso unuwanalam aboka nekgenaʾ banara pe beklom.