RASUL 27:1 - PERJANJIAN BARU NALCA YUBA

¹ Wera nunda mek ekla bunaʾ adya Italia sokok binimab aboka seleb wenyabgegemek dara, yok henga goubuka beiyisik nang eb, Paulus beb dara, Kaisar bedya yin bonaʾ nang dubnya si Yulius bek, anja bo binilam aboka alak elegemek.

RASUL 27:1 ပူးပေါင်းရင်းမြစ်များ

MATIUS 27:54

Dara yin bonaʾ nang dubnya beb, alja mab eb dara, sogoumaʾ warawokaʾ nidyaʾ unuru yibokaʾ ak eibek dara, hyak loka dabsuk. Anasa yin bonaʾ dubnya bedya, ”Aldib ban benera Imik Neyung bedya me ulumo e!” hyok.

LUKAS 23:47

Anyagan yin bonaʾ dubnya bera ban nidyaʾ unuwokaʾ anyek, okoka eibuukanya, alda Imik Neyung ak perob aboka giboka lebokja, ”Aldib, alda hyak pelelanya bek ulumla!” hyok.

LUKAS 7:2

Dara Kapernaum heikek ara yin bonaʾanya bedya alja wanaʾ nong ulumok wa wenya benyek hyak neiknaʾ salamookanya somogoununaʾ ulumok.

RASUL 10:1

Kaisarea heikek ara nimi si ben hnon Kornelius ulumok. Alda Italia nang aboka si simek yin bonaʾ nang dubnya ulumok.

RASUL 10:22

Dara, sikja Petrus bek lebekja, ”Nunja neyung bera Imik Neyung ak lok ganya boboka ulumla dara, Yahudi nimi nidyaʾ ara alak dubnya senewoka alak perob aboka lelemaknya. Geisa Imik Neyung lero enedya, anja lelelamnya nenyek keblul aboka, Simon Petrus anja ek youlul aboka youblom aboka orugomok,” hyek.

RASUL 16:10

Wera Paulus bedya lendara wenyaboka maboka bukoka dara, nunja dara, anara Imik Neyung adya mok enyegan nang ek sam Imik Neyung yuba leb eleganok aboka lebla senewoka, men li pe mab lobla wenyek Makedonia sam binob aboka meebdangamoub.

RASUL 18:2

Dara anyagan ara, Paulus bera nimi Yahudi nanga ben hnon alja si nera Akwila, Pontus mok ebnya beb, ehwibdangarek. Akwila bera anam wenyokok Italia mok eb ara, alja gel Priskila geblaboka yeilirek. Sik nang penya era Korintus heikek yeilirek ara, Roma heikek dubnya Klaudius alameknya bedya Yahudi nang yokaʾ nong ara, nadya sokok anara nidyaʾ lo binimak aboka yaklesuk anasa yeilirek.

RASUL 19:21

Yokaʾ-yokaʾ nidyaʾ seleb unuru dakdomok dara, Paulus bera Makedonia moka binyekanya, onoʾ Akhaya mok eb ara, Yerusalem heikek binimna senen ganya bobok. ”Wera seleb ono sam byukuk ab dara, onoʾ nara wen Roma binimna,” hyok.

RASUL 21:32

Wera senenggom yin bonaʾ dubnya bedya hyak berra aboka yin wenebadya nang eboka bobsuk dara, doluwoka oldalamek oulyang ak sam byik. Wera yin bonaʾ dubnya beb, yok oldan nang eb, seleb yakaʾ eibek dara, nimi nidyaʾ Paulus bek olomekaʾ ara lomek.

RASUL 22:26

Paulus bedya ban wenhyokaʾ kemok dara, yin bonaʾanya bera, senenggom yin bonaʾ dubnya bek biniboka, ”Ban benera Roma nang anasa, neyung anda alak hekaʾ hubnelam do?” hyok.

RASUL 23:11

Dara onoʾ nenyek mabok sum enyek, Wenelesilnya Yesus bera, lendara dib Paulus berem sekoka, ”Anda ganya dabogalom,” hyok. ”Anyagan Yerusalem heikek nasamba laga lelelum sok, Roma heikek anaba neik so unulumnalam,” hyok.

RASUL 23:17

Dara onoʾ Paulus bedya yin bonaʾ dubnya bek ben hnon yalom aboka lebokja, ”Senenggom yin bonaʾ dubnya bek ban me nenedya yokaʾ don neknamla anasa, eboka bo abal bilom,” aboka orugumok.

RASUL 24:23

Dara onoʾ Feliks dubnya bedya, Paulus henga goubuka bo ulumek yin bonaʾ gaknya bek, pe diri bo ululum aboka orugosuk bok, Paulus bek onoʾ Paulus alja hemyab edya alak denaʾ bo aral yeiniboka unulunok aboka orugosuk.

RASUL 25:12

Wera onoʾ Festus beb, alja aralemek nang eb, seleb yuba sabdangemek dara, Festus bedya Paulus bek, ”Anda Roma dubnya bedya yana lelesinaʾ ak an yana lelewanenyak helem anasa, wera anda Kaisar dubnya bek bo amal binenjak,” hyok.

RASUL 25:25

Bok nadya keeboka ubsa dara, hyak nimi somoklomak senenggom malya unaʾ era hnon unaʾ orok anasa lobsa. Bok, hnonda Paulus bedya al damnya, nara Kaisar dubnya bedya senenggomaʾ yana lelesinaʾ ek ab yana lelewaneneseng aboka molomok anasa, wera Kaisar dubnya bek or bo binimak aboka garamsa,” hyok.

RASUL 27:11

Bok yin bonaʾ dubnya bedya dara, alda mek ekla bunaʾ damnya beb, mek ekla bunaʾ bolomek nang eb dadya, lelemek yub danyek dib senewoka, Paulus bedya lelemok yub ara, kebnenggumok.

RASUL 27:43

Bok, yin bonaʾ dubnya bera, Paulus bek blebnun senemookanya, sikja obnamab senewoka gegemeknya nera, or-or uboka sikliyimok. Alda mek geknaʾ ella nang ara men sakdo dorogoka mek gemek gekoka binilum aboka orugosuk.

RASUL 27:6

Wera Mira heikek byubuk ab danyek, yok mek ekla bunaʾ hnon Aleksandria mok eb ara, Italia moka heikek bununaʾ aboka ul yabok mek ekla bunaʾ ek eiyiwoka, yin bonaʾ dubnya Yulius bedya nuk mek ekla bunaʾ enyegan doboka dibsuk.

RASUL 28:1

Wera seleb pe eikaʾ anyek embengaʾ bul byubuk ab danyek, wera anara Malta mek dubuk sokok yab senewoka ella douba.

RASUL 28:16

Wera nunda seleb Roma heikek byuba dara, Paulus bera or henga lob loboka ambeyok ululom aboka, yin bonnya ben hnonok uboka neikaʾ bo diri ulumok.

IBRANI 13:24

Dara nunja perob aboka gibsabaʾ ara ugunja dub nanga nidyaʾ ak hnon, munaʾ perob nimi nidyaʾ ak hnon wenyhenelum. Anya ban nunjaʾ hemyab Italia sam ab gibsakaʾ ara pe dobnelum.