RASUL 26:18 - PERJANJIAN BARU NALCA YUBA

¹⁸ Anja adya nimi yok soko nang edya sikja henga baknesilimeekanya, onoʾ sikenek gunaʾ ak ab ara doboka bo yeiniboka, dilinaʾ ak sam bo weknesilim. Anja adya, Satan migib adya lobaʾ nenelesilaʾ ak ab ara doboka, Imik Neyung migib arasinaʾ ak sam dangiyiwanesilim. Wera danyek, sikja malya unaʾ an memelesil, onoʾ sikda nak dib senenyekaʾ adya, Imik Neyung amba munaʾ gobdo un nimi danamak, anyok,” hyok.

RASUL 26:18 ပူးပေါင်းရင်းမြစ်များ

MATIUS 4:10

Yesus adya Iblis ak, ”Satan o, anda hyak bilom! Imik Neyung yuba bukuk sam momnya dobokaʾ ara, Anjaʾ Wenelenggelnya, Imik Neyung bek giblemenekanya, alak ok arawoka welelom! wenhyok,” hyok.

MATIUS 4:16

Gunaʾ lomok sam ulumak nim edya, perob dilinaʾ yeblaʾ ara eibak! Nimi somoklomakaʾ ak sokok sam ulumak nim era dilinaʾ welera seklaʾ ak eibak!” amoknya nenyek gigiwok.

LUKAS 1:77

Imik Neyung ara alja nim ek, sikja malya unaʾ era sikenek ab meewoka, anara blebnesilaʾ ak ulusil aboka, an ganya enyek mablulaʾ aboka ubla.

LUKAS 1:79

Nera sik lok ganya hwam uboka, gunaʾ hnoum ulumak nimi gong enyek yeblesilyekanya, nunja yan era hyak perob pik, ganya pe namenaʾ un heklesil pik eboka bo binisil amba,” wenyaboka lebok.

LUKAS 2:32

wera, yok-yok mok soko nim emba dara, laga aamanaʾ geknenaʾ danamla dilinaʾ era yalakanya, anja nim Israeli nim emba dara, imik giginaʾ damok danamla,” hyok.

LUKAS 24:45

Dara onoʾ Yesus adya, Imik Neyung yuba momnya domokaʾ ara anasa aboka ella danokaʾ aboka, sikja ganya bakdebsuk.

LUKAS 24:47

Anya onoʾ nimi blebsinaʾ dubnya bedya si pik moruwoka, nidyaʾ soko yuba lero yabalameija dara, sikda nidyaʾ malya unaʾ ak ab ganya dangawanamak dara, Imik Neyung adya sikja malya unaʾ sikenek ab sobaʾ meewanasil. Anasa, ban lero ban yub era Yerusalem heikek ab uboka einiwanamak.

LUKAS 4:18

”Wenelesilnya bedyaʾ Geisinya ara nak ulunel. Wera anasa, alda nak seleb sekiyiwanyokaʾ ara, perob lero yanggan yub era, bonaʾ garan nim ek alja lelelulaʾ aboka, alda nak seleb orowek doboka sekiyinyok.

YOHANES 17:17

Neyung o, anjaʾ dib yub edya, sikenek munaʾ nanga neneweisilom. Anja yub era, dib nong yub ara alan.

YOHANES 3:19

”Imik Neyung adya yana kilisilaʾ damok ara ban: Dilinaʾ ara sokok an seleb yok bok, nim ara sikja unulumakaʾ anyek malya nong anasa, gunaʾ ak sam anyek perob so senelemak.

YOHANES 4:10

Gela ara ban wenhyok dara, Yesus adya alak, ”Anda Imik Neyung adya eleklesilaʾ ab, heknedya anak meka mololenggelaʾ ab, ella ulusom dara, anja alak molowanasom dara, alja dib embengaʾ unaʾ mek era eleganenggeso,” hyok.

YOHANES 4:14

nadya elegeisinya mek enyek delenya bera, eimik saaboka mek ok ubnenggunumla. Bok saaboka, nadya elegeisinya mek ek dara, alja nong lomok sam ara sob-sobaʾ yabalmorulamla mek anaso dangoka, dib embengaʾ ulmoubnaʾ eleganamla,” hyok.

YOHANES 8:12

Dara onoʾ, Yesus ara nim ek yuba lelesuk dara, lelesukja, ”Nara sokok an dilinaʾ ulumna e. Anasa, nak diriga yalanelnya bera, alda embengaʾ dilinaʾ ak sam ulmorulumnamla,” hyok.

YOHANES 9:39

Dara, Yesus adya, ”Nara sokok an yeilimsaʾ ara, pe yana lelewoka unululanya nenyek, henga lumnya nenyek, henga gwelegoka eillilimnemak bok, heng eikaʾanya nera luma yalalulaʾ aboka yeilimsa,” hyok.

YOHANES 9:5

Bok, nak anam sokok ulumna salek enera, nara soko amba dilinaʾ ulumna,” hyok.

RASUL 10:43

Men ununumnaʾ lelemek nang eneba alsamba yuba geklewoka lelemek. Dara, sik lelemek yub era, ban wenyaboka lelemek ara, nimi nidyaʾ Yesus si ak dib senewanamak dara, Yesus migib adya sikja malya unaʾ memelemnesil, hyek,” hyok.

RASUL 13:47

Anasa wera, Imik Neyung yub adya nuk orugosuk ara ban: Nadya ugunuk Yahudi gom nim emba dilinaʾ dolulum aboka orowek gaboka dosisa. Wera anadya ugunja nidyaʾ mok soko me nidyaʾ blebsinaʾ damok elekdo yibilulum aboka usisa, wenyaboka lesuk,” arek.

RASUL 15:9

Imik Neyung ara nub sikeneb weboka boknenggusuk. Alda Imik Neyung ak dib senemekaʾ adya sikja ganya mek elegeiyisuk.

RASUL 2:38

Dara, Petrus bedya sikenek, ”Ugunda nidyaʾ ara, ganya dangawoka malya unaʾ meewanasil dara, ganya dangawoka, Yesus Kristus si sibuka mek danaʾ doblulum. Dara, ugunda Imik Neyung adya Geisinya eleganesilaʾ ara dobnelum.

RASUL 20:21

Nara Yahudi nang yokaʾ ak gom, or onoʾ yok soko nang ek anaba, nara sikja malya unulumak ak ab loboka ganya dangawoka Imik Neyung ak sam yeijikanya, Wenelesilnya Yesus bek dib senewanok aboka weneb elegoka ulusisa.

RASUL 20:32

”Dara wenyok, nara ugunuk Imik Neyung bek hnon, alja wanaʾ uboka eleksinaʾ yub ek hnon, dib elek lobsin. Al ugunuk migibaʾ nenellilisilikanya, onoʾ alja mabo munaʾ gobdo dangalillisilnya bek elek lobsin.

RASUL 26:19

”Anasa neyung dubnya o, nadya ban Imik Neyung ak ab heng eiyiwoka domsa anyek, dib senewoka bleknenggumsa.

RASUL 26:23

Wenyaboka lelemeknya nera, Imik Neyung alda Kristus nimi blebsinaʾ dubnya sokok sam eleganesin amoknya bera, seleb gwekoka somogok dara, alda men youboka embengaʾ dangeinimoknya dangoka, wera dilinaʾ yuba laga nenewoka lelemok. Yahudi nimi yokaʾ ak hnon, Yahudi gom nim ek hnon, dilinaʾ yuba laga nenewoka lelemok,” hyok.

RASUL 3:19

Wera anasa, ugunja malya unaʾ Imik Neyung adya lublul aboka, ugunja malya unaʾ ak ab ganya dangawoka saaboka, Imik Neyung ak yoululum.

RASUL 5:31

Dara, nimi Israeli nimi ganya dangawoka malya unaʾ memelemnesilaʾ dobnokaʾ aboka, Imik Neyung adya Yesus ak imik weliyiwoka, alja sirik soruk sam bukiyiwoka, onoʾ nimi diri bo usinaʾ damok hnon, nimi blebsinaʾ damok hnon alak elegemok.

ROMA 8:17

Anasa nunda alja mab ulumab dara, wera nunda alja misaʾ don nang ulumab. An wenyhenya nera Imik Neyung adya dobnemak hyokaʾ anyek, nunda Kristus ablaboka imik nenewesinok aboka alja ganya igina berenaʾ anyek dolomnemab dara, numbabya Kristus ablaboka neikaʾ dobnemab.

1 KORINTUS 1:30

Imik Neyung adya ganya doboka albeyok unumokaʾ adya, wera ugunda Yesus Kristus ablaboka geisa nong gebeiyisuk. Dara, Imik Neyung adya, Kristus doboka, nunja geremsengaʾ alan aboka dangiyisuk. Dara onoʾ, al Yesus ara nunjaʾ ganya peldisinaʾ ab, geisa unaʾ ab, blebsinaʾ ab danyek, ulusil.

2 KORINTUS 4:4

Sokok an malya unaʾ gakaʾ ululanya bedya, yuba dib senenggulumak nimi ganya ibel leblesil. Wera an bisaʾ dubnya benedya, Kristus bera Imik Neyung sununaʾ anedya, Kristus si imik nenen yuba dilinaʾ heng eibijek aboka, heng luma nenelesil.

2 KORINTUS 4:6

Imik Neyung adya leleladya, ”Gunaʾ lomok ab dilinaʾ yeblul,” alamla Imik Neyung enedya, nunjaʾ ganya lomok dilinaʾ yeblesil. Al Imik Neyung adya alja nong senedyaʾ ella dangasin dilinaʾ yeblulaʾ aboka unulusil. Dara Kristus aljaʾ asok pik uboka dilinaʾ yeblesil.

2 KORINTUS 6:14

Yesus ak dib senenaʾ orok nim eb, ugunub neikaʾ hinaʾ ara mem. Perob unaʾ ab malya unaʾ ab hekaʾ adya pe neikaʾ ubnesereng do? Dilinaʾ ab gunaʾ ab neikaʾ hiboka ubnesereng de? Orok e!

GALATIA 2:20

Dara, nadyaʾ youmaʾ ulusenya nek dara, anam embengaʾ unggulumna bok, Kristus anyek nadyaʾ nong lomok wen ulunel. Wera nadya wen embengaʾ ulumna nong enera, Imik Neyung bedya me nek dib senenaʾ adya embengaʾ ulumna. Alda nak wanaʾ uboka, al nonga nasamba somoganyoknya bek dib senewoka embengaʾ ulumna.

GALATIA 3:14

Kristus adya hweboka blebsuknya nera, anadya wera Imik Neyung adya Abraham bek an perobaʾ eleganenggen amoknya nera, nimi Yahudi gom nimi hnon Kristus Yesus pik uboka, dobnokaʾ aboka ubsuk. Wera anadya hnon, nu Yahudi gom nimi bok, Imik Neyung adya eleganesin amok Geisinya era dib senenaʾ adya dobnokaʾ aboka ubsuk.

GALATIA 3:2

Nara ugunuk ab hnonok ella danamnaʾ ara, ugunda Geisinya dolumaʾ ara, unuwanalum an yub unululumaʾ adya gom, alda Kristus yub ak dib senelumaʾ adya dolum gom?

EPESUS 1:11

Imik Neyung ara yok-yok wa nidyaʾ welemlaʾ ara, unuwanamna wenyananya nok sunuwoka unulamla. Dara wera, Imik Neyung adya, hyak youmaʾ nong enyek nuk orowek weboka dobsuk. Anadya, Kristus pik uboka nunda Imik Neyung misaʾ seleb domouba.

EPESUS 1:14

Imik Neyung adya alja mab ek eleganasin amokaʾ dib dobnemak senen beknaʾ dibaʾ ara ban Geisinya lomok ulusilaʾ adya ulusil. Alda beknaʾ ulmorulusilaʾ ara, eimik Imik Neyung adya munaʾ dekoka dobsuk. Ban nenesa, Imik Neyung bek giblenob.

EPESUS 1:18

Ugunja ganya dilinaʾ ubsilyikanya, Imik Neyung adya ugun youbsuk nang ek perobaʾ dobnemunaʾ anyek, pe ella dololumaʾ aboka mololesin. Imik Neyung adya alja munaʾ Imik Neyung mab amba perob eleknaʾ nauba beillilesilaʾ alja si imik nenenaʾ anyek ella dololumaʾ aboka mololesin.

EPESUS 1:7

Kristus alja enenga yinggyukaʾ adya, nu nong ara Imik Neyung adya seleb dekoka lob lobsuk. Dara anadya, Imik Neyung ara nunja meknenaʾ dara, seleb meewousuk. Aljaʾ senenggom wanaʾ uboka eleksinaʾ sunuwoka,

EPESUS 2:8

Imik Neyung ara ugunuk wanaʾ uboka eleksinaʾ anasa leboka, ugunda Yesus ak dib senewoka doblumaʾ adya, ugunuk dib blebsuk. An blebsukaʾ ara, ugunja ununaʾ edya dobnenggublum. Anara Imik Neyung adya ok elek loboka blebsuk. Anaso ubsuk bok dara, nimi hnon ara nabeyok dobsa aboka nonggo henggunumso.

EPESUS 4:18

sikja ganya era seleb gunaʾ dousuk. Onoʾ sikja ganya era ongibsukaʾ anasa, sikda hyak elgom so uboka, Imik Neyung embengaʾ eleklesilaʾ ak ab loboka, beiyik gebdangoka ulumak.

EPESUS 5:11

Nimi gunaʾ lomok sam anam ulumak nim edya ulumak sok, perob gomaʾ dib gomnya salyaʾ neikso unura yabanaʾ ara mem. Alda ugunja dara, sikja meknewoka unulumaknya nenyek, nim eibnokaʾ aboka laga nenelelulum.

EPESUS 5:14

Nenesa leboka yuba hnon ulumlaʾ ara, ”Anda hogunga malalamnya bera buklom, nimi somoknaʾ ak ab goboka buklom. Dara an nong ak Kristus adya dilinaʾ era, yebdo yibinenggel,” hyok.

EPESUS 5:8

Ugunda men dara, gunaʾ lomok ululum bok, wera Imik Neyung mabo dangalum dara, dilinaʾ dangalum. Anasa wera, dilinaʾ lomok sam uru yabalemnalum.

EPESUS 6:12

Nunda nimi sirikaʾ ab mala weboka oldanggulumab bok, alda imik garan denaʾ ak sam wenewoka bo usinaʾ ab, senenggom unaʾ ab, wen gunaʾ ulumla sokok an bisaʾ dub unaʾ ab, gobdo malya ulumak yu bisaʾ unaʾ ab, oldalamab.

2 TIMOTIUS 2:26

Wera anadya sikja nunda anyek ulumabaʾ aboka ella ubdanamak. Anya sikda Iblis adya nadya yuba kelelulum aboka, sikenek gliboka bo biniboka henga weboka youlusil ak ab blebnesil aboka unulumnesil.

IBRANI 10:10

Yesus Kristus ara Imik Neyung adya unuweisinya senemokaʾ anyek gigiwoka unuwokaʾ adya, al nong anyek doboka malya unaʾ doboka boboganasin bar aboka seleb elekdangoka somogok. Wera an al nonga doboka elekdokaʾ anadya, sobaʾ pe unulmorululaʾ aboka, lika hnonok somogokaʾ adya, nunda nidyaʾ ara, Imik Neyung amba ok munaʾ un nimi dengeiyiwousuk.

IBRANI 10:14

Wera Kristus anyek alja nong elekdangoka somogoknya nenedya, malya unaʾ ak ab seleb geisa nenelesil nimi nidyaʾ ara lika hnonok sobaʾ amba aboka munaʾ gobdo perobaʾ nenewosuk.

IBRANI 11:6

Bok nim ara ganya dib senenaʾ orok dara, Imik Neyung ara perob senenggulusil. Wera anasa, heknedya Imik Neyung ak yanalanya bera, alda Imik Neyung ara aldib ulumla senewoka ulumlyekanya, alda nim Imik Neyung alak elemak nim era deknaʾ eleklesil senelelul.

IBRANI 9:15

Wera anasa, men youmaʾ unuwanalum an yub ulumoka wenyek, nimi nauba malya dangoka igina kwelesuknya nek ab blebsununaʾ aboka, Kristus ara somogok. Dara wera, nimi nidyaʾ Imik Neyung adya youboka dolosil nim era, Imik Neyung adyaʾ denghenggunumla bonaʾ eleganesin amokaʾ anyek dobnokaʾ aboka, Kristus ara, wenyok unubdanamab yub ek nu an ulumab nim eb danasa hnoumunga wiknenanya ulumla.

YAKOBUS 2:5

Nadya wanaʾ ulusin nim o! Ugunda banyek seiniwanalum. Sokok an bonaʾ garana ulumak nim era, yuba dib senenaʾ dub nim ulunokaʾ aboka, Imik Neyung adya weboka dolosil. Imik Neyung adya alak wanaʾ ulumak nim emba lesuk yuba sunuwoka, Imik Neyung alja mabo silibaʾ yokaʾ nenelesil.

1 PETRUS 1:4

Anasa, Imik Neyung adya alja mab emba imik heikek beillilesil bonaʾ era blonaʾ loboka goowoka denghenggunumla, mura bongowanggunumla bonaʾ enyek, nunjaʾ danamla senewoka diri ulumab.

1 PETRUS 2:25

Youmaʾ dara, ugun nong ara weiningdangamna pam eneso ululum, bok wenyek dara, perob pama beilinaʾanya bek dobdo yeiniboka, ugunja ganya beiyiwoka bo usinya bek yeiniboka ululum.

1 PETRUS 2:9

Bok ugun nim enyek dara, seleb orowek Imik Neyung adya weboka dobsuk nim ek ululum. Yuba lenaʾ gak nim ek uboka, geisa sokok nim ek ululum. Imik Neyung amba ok uboka, Imik Neyung alja mabo silibaʾ ululum. Imik Neyung adya ugunuk weboka doboka, gunaʾ lomok abaʾ ara, alja dilinaʾ ak sam yoululum aboka youbusukaʾ ara, alja senenggom ununaʾ enyek ugunja hyak nauba yok nim ek lero yibilulumaʾ aboka anara ubsuk.

1 YOHANES 1:9

Nunja malya unaʾ laga lelemeibya dara, Imik Neyung ara bojam uboka, hyak meknenggululanya anasa, alda nunja malya unaʾ meewanasilikanya, nuk malya unaʾ nidyaʾ ak ab geisa neniyiwanesil.

1 YOHANES 2:12

Najaba yab o, ban ugunuk momnya dobsinaʾ ara, Kristus si pik uboka ugunja malya unaʾ seleb meewousukaʾ anasa ubsin.

1 YOHANES 3:8

Iblis ara youmaʾ ek moruwoka malyaʾ ok ulmorulamlaʾ anasa, bok weneba sobaʾ malya uldibilloklomak nim era, Iblis alja mab ulumak. Imik Neyung me yeilimokaʾ ara, ban Iblis alja wa nenyek orok nenewonunaʾ aboka yeilimok.

1 YOHANES 5:19

Soko me nidyaʾ ara bisaʾ adyok salawoka bo ulumla bok, nuk dara, Imik Neyung alja mab ulumabaʾ anyek hnonok ella ulumab.

YUDAS 1:1

Ban momnya donaʾ era, nara Yudas, Yakobus alja weis edya, Yesus Kristus adya wa wenya uboka, nunjaʾ neyung Imik Neyung adya wanaʾ uboka, Yesus Kristus amba bo uboka youbsuk nim ek beibsin.

WAHYU 21:27

Bok hyak dib nong ara, ban perob heikek ara, sembejaʾ digum gom, nimi nidyaʾ malya unaʾ hwam ok unulumak nimi gom, sondaʾ nauba lelemak nimi gom, ane digum nim era, hyak weknenggunumak. Alda, sik domba me adya aljaʾ embengaʾ un bukuk sam, si momnya domlya nim enyek ok, goʾ weknamak.