RASUL 25:7 - PERJANJIAN BARU NALCA YUBA

⁷ Wera Paulus bera seleb yok dara, Yahudi nang era Yerusalem heikek ab yeilimek nang edya, Paulus bek, wera alda nunja sokok malya ulusilnya aboka alja hogung ak sekoka nauba yana kiboka lelemek. Bok, sikja ban nenyek malya ubok anasa lelemab aboka, Paulus bek damoka yana lelenaʾ ara orok.

RASUL 25:7 ပူးပေါင်းရင်းမြစ်များ

MATIUS 15:1

Wera Parisi nimi hnon uboka, onoʾ yuba neksin nanga hnon Yerusalem heikek ab uboka Yesus ak yek. Sikda Yesus ak heibnemekaʾ ara,

LUKAS 23:10

Dara onoʾ yuba wa gakaʾ dub nang eb, yuba neksin nang eb dara, sikba anyagan yeiniboka Yesus ak malya unulamla aboka yana kiboka nauba lelemek.

LUKAS 23:2

Bo biniboka wera sondaʾ amba miniwoka Yesus ara unulamla-unulamla aboka yana kiboka lelemek. Anya sikja dara, ”Ban benera nunda Yahudi nimi sokok an malya nenelesilaʾ ak eillilemabnya bera an,” alamek. Alak danyek, ”Nara Kristus dubnya ulumnaʾ, alamlakanya, Kaisar dubnya bek ara ugunja dara, rupiah eleknaʾ ara mem, aboka yuba seklamla,” aboka lelemek.

RASUL 21:28

wenyamek, ”Wei Israeli nim o, aral yousululum o. Wera benedya nidyaʾ yok-yok mok soko biniboka, nunja mok nang ek malya nenesinaʾ damoka neklesilnya bera an. Hnonda Musa bedya unuwanalum an yub ek blekoka, onoʾ Wenelesilnya bedya ek malya e aboka bleklelanya bera alan. Anya onoʾ Yunani nang en Paulus bedya Imik Neyung adya geisa ek an aboka bo yalamla anasa, malya ullilimla hnon,” aboka lelemek.

RASUL 24:13

Wera onoʾ sik Yahudi nang edya anaba, Paulus alja malya unulamla damok era ban aboka anak laga nekgenaʾ ara orok.

RASUL 25:24

Dara unu wekemek sum enyek, Festus bedya, ”Perobnya Agripa beb, ugunda anyagan wekel yeililum nang o, ban benyek eillililum. Nimi nidyaʾ Yahudi nim edya, or nera Yerusalem heikek sam hnon, anyagan ab anaba, nak an or anja don alak yokaʾ ublom aboka oruganyek. Sikda nak yeiriwoka nak unuwolul senen lelemek ara, Paulus bera alda embengaʾ unggulumnamso, obnemak aboka yuba nauba lelenyek.

1 TESALONIKA 2:16

Orokaʾ anaba nunja Yahudi gom soko nim ek, nimi blebsin Imik Neyung yuba leb elegeisinobaʾ ulumna enyek, sikja pika garawoka malya nenelesik. Wera ban unulumakaʾ adya, Yahudi nimi malya unaʾ ara nauba dangoka einildaknaʾ okna dangalamla. Anya wera sikda Imik Neyung adya yu ganya boboka obnesin senelamla.