RASUL 25:6 - PERJANJIAN BARU NALCA YUBA

⁶ Wera onoʾ Festus bera, Yerusalem heikek ara li linbadya gom, sagobadya gom anaba, maldabnaʾ loboka, onsok Kaisarea heikek saawoka yeilimok. Wera ampum yenebok dara, Festus bera yuba longowoka sabnamab aboka umekaʾ seleb dara, Paulus bera anyagan doboka bo yoululum aboka orugosuk.

RASUL 25:6 ပူးပေါင်းရင်းမြစ်များ

MATIUS 27:19

Wera Pilatus bera nimi yana lelesin ek anam bulumok salek, alja gel gedya momnya donaʾ beibukaʾ ara, ”Nara alsamba hnon omom so lendara enyek manabok anasa, anda malya unaʾ oroknya bemba yub enyek, neikaʾ denewoka sanaʾ ara mem loblom,” hyok.

YOHANES 19:13

Pilatus bedya ban unurub yuba kebok dara, Yesus ak seleb doboka bo gomek dara, Pilatus bera henga geregoka yana lelelesikaʾ ak, lagasa girik ekla bunaʾ ak, Ibrani yub adya dara, Gabata alamekaʾ ak bukumok.

RASUL 25:1

Wera Festus bera mok enyegan seleb yeiniboka, li winilya ok maboka gwelegok dara, alda Kaisarea mok eb ara, Yerusalem moka byuk.

RASUL 25:10

Bok Paulus bedya lebok ara, ”Nara alan Roma dubnya bedya meemok ak an seleb sekemna anasa, wera al anyagan yana lelewaneneseng. Nara Yahudi nang ek malya unaʾ usinaʾ orok ara, anda seleb eiyilam.

RASUL 25:17

Wera sikda anyagan yek dara, ampum so maboka gwelegok dara, maldabnaʾ loboka, men nimi mamagiyiwoka seleb longowek dara, Paulus bera men berra bo yanalum aboka orugeisisa.

RASUL 25:4

Bok Festus bedya Yahudi nang ek lebok ara, ”Paulus bera Kaisarea heikek sam or ulumla anasa, na nong anyek mek anam onoʾ saawoka ono bununaʾ aboka umna,” hyok.

RASUL 25:5

”Anasa wera, ugunja dub nang edya nablaboka Kaisarea heikek bindiwoka, nera Paulus bera aldib malya umlya dara, alak yana lelewoka unuwanamab,” hyok.

RASUL 8:40

Bok wera onoʾ, Pilipus bera biliga Asdod heikek sekok ok eibdok. Dara, alda onoʾ yabalamookanya, Yesus adya perob Imik Neyung yuba yok-yok heikek sam leb elekgiga balamok ara, Kaisarea heikek lanal bilimok.

2 KORINTUS 5:10

Nunda nidyaʾ ara aldib Kristus adya yana lelewanasilaʾ ak sam bo beil binisil. Wera sokok an wen ulumab salek enyek, pe unulumabaʾ gom, malya unulumabaʾ gom ara, nunja unulumabaʾ sunuwoka deknesil.

YAKOBUS 2:6

Dub nimi nong adya ugunuk digam-gamaʾ neneweisinikanya, nimi yana lelesin ek sam bo balasak nang era, an ulumak bok, ugunja dara nim era loboka, bonaʾ garan nim ek malya geboka derelelum.