RASUL 25:11 - PERJANJIAN BARU NALCA YUBA

¹¹ Nara yokaʾ memaʾ ak blekoka malya umnya dara, wera naba henga goubuka or obnenulum senewanesinyebok, nak yana kiboka lelenyaknya nera dib gom bok anasa, wera, onoʾ yok nang edya or an oblulum aboka eleganggununeseng. Anasa, nara Roma dubnya bedya nimi yana lelesinaʾ ak an yana lelewanenyak,” hyok.

RASUL 25:11 ပူးပေါင်းရင်းမြစ်များ

RASUL 16:37

Bok, Paulus bedya yin bonaʾ nang ek lebsuk ara, ”Nunda Roma yokaʾ nang bok, nuk heibuka yana lelesinaʾ loboka nimi hnoum ab oboka gasa ek sam doronggusung. Bok onoʾ wenyek dara, salyaʾ gelelinga bururum aboka orugasak de? Anasa, nunda lek. Anasa, men mok sokok dub nang edya sik damnya yeiniboka nuk henga lobsinok aboka orugul busululum,” hyok.

RASUL 18:14

Dara wenyek, Paulus bedya yuba sabnunaʾ ul yabok bok, Galio dubnya bedya leboka ara, ”Wei, ugunda Yahudi nang o, ban ugunja lelelumnya nenera, nim oboka unaʾ gom, yuba blekoka unaʾ lelemun dara, wera ugunja lelelum ak dib lelemak senewoka kebnesisinyabok,

RASUL 22:25

Bok Paulus bek legebnaʾ deboka obnobaʾ aboka ul yabek salek enyek, Paulus bedya oka sekemok yin bonaʾ anya bek, ”Roma heik yokaʾanya bok dara, alak yana lelenaʾ orok bok, legebnaʾ deboka obneseng de?” hyok.

RASUL 25:10

Bok Paulus bedya lebok ara, ”Nara alan Roma dubnya bedya meemok ak an seleb sekemna anasa, wera al anyagan yana lelewaneneseng. Nara Yahudi nang ek malya unaʾ usinaʾ orok ara, anda seleb eiyilam.

RASUL 25:12

Wera onoʾ Festus beb, alja aralemek nang eb, seleb yuba sabdangemek dara, Festus bedya Paulus bek, ”Anda Roma dubnya bedya yana lelesinaʾ ak an yana lelewanenyak helem anasa, wera anda Kaisar dubnya bek bo amal binenjak,” hyok.

RASUL 25:21

Bok Paulus bera al damnya, nara hyak imik senenggomaʾ yana lelelesak ek welewoka sabnemab abdok dara, wera anasa nadya dara, Paulus bek or henga geregemun ara, eimik era Kaisar dubnya bek bo binimab aboka lemsa,” hyok.

RASUL 25:25

Bok nadya keeboka ubsa dara, hyak nimi somoklomak senenggom malya unaʾ era hnon unaʾ orok anasa lobsa. Bok, hnonda Paulus bedya al damnya, nara Kaisar dubnya bedya senenggomaʾ yana lelesinaʾ ek ab yana lelewaneneseng aboka molomok anasa, wera Kaisar dubnya bek or bo binimak aboka garamsa,” hyok.

RASUL 26:32

Dara Agripa bedya Festus bek, ”Paulus benyek dara, alja Kaisar dubnya bedya saramek sam yana lelewanenulum anaʾ orok dara, alak henga lobneseng bok ulumla,” hyok.

RASUL 28:19

Yahudi nim adya nauba lolom-lolom amek adya, nara Kaisar Roma dubnya bek or yana lelewanenel aboka molomsa. Nadya heik yokaʾ nim ek lobaʾ nenelesunun aboka unggulumsa.

1 TESALONIKA 2:15

Wera ban Yahudi nim era, sikja Imik Neyung adyaʾ ununumnaʾ lelemek nang nauba olomekaʾ ara, onoʾ Wenelesilnya Yesus anaba obekaʾ ara, wera nuk anaba malya nenewoka saboka olosak. Sikja dara, nidyaʾ mok soko nim ek isaʾ nenelesakaʾ anasa, Imik Neyung adya sikenek lek senewoka yu ganya bolosil.