RASUL 25:10 - PERJANJIAN BARU NALCA YUBA

¹⁰ Bok Paulus bedya lebok ara, ”Nara alan Roma dubnya bedya meemok ak an seleb sekemna anasa, wera al anyagan yana lelewaneneseng. Nara Yahudi nang ek malya unaʾ usinaʾ orok ara, anda seleb eiyilam.

RASUL 25:10 ပူးပေါင်းရင်းမြစ်များ

MATIUS 27:18

Pilatus bedya, ban wenyaboka leboknya nera, Yahudi dub nang edya Yesus ara sikja hman ganya boboka alak oboka dibnemab aboka doboka elegemekaʾ anasa, ella umokaʾ adya lebok.

MATIUS 27:19

Wera Pilatus bera nimi yana lelesin ek anam bulumok salek, alja gel gedya momnya donaʾ beibukaʾ ara, ”Nara alsamba hnon omom so lendara enyek manabok anasa, anda malya unaʾ oroknya bemba yub enyek, neikaʾ denewoka sanaʾ ara mem loblom,” hyok.

RASUL 23:29

Wera yuba doboka yana lelewoka ulumoung enyek, alak gasa ek henga geregoka beibneseng gom, obneseng gom malya unaʾ era, alja hnon ununaʾ ara orok. Yahudi nim edya yana kilimong ara, sikja Imik Neyung yub anyek beklesil aboka yana kiboka miniwoka lelemong.

RASUL 25:17

Wera sikda anyagan yek dara, ampum so maboka gwelegok dara, maldabnaʾ loboka, men nimi mamagiyiwoka seleb longowek dara, Paulus bera men berra bo yanalum aboka orugeisisa.

RASUL 25:25

Bok nadya keeboka ubsa dara, hyak nimi somoklomak senenggom malya unaʾ era hnon unaʾ orok anasa lobsa. Bok, hnonda Paulus bedya al damnya, nara Kaisar dubnya bedya senenggomaʾ yana lelesinaʾ ek ab yana lelewaneneseng aboka molomok anasa, wera Kaisar dubnya bek or bo binimak aboka garamsa,” hyok.

RASUL 25:6

Wera onoʾ Festus bera, Yerusalem heikek ara li linbadya gom, sagobadya gom anaba, maldabnaʾ loboka, onsok Kaisarea heikek saawoka yeilimok. Wera ampum yenebok dara, Festus bera yuba longowoka sabnamab aboka umekaʾ seleb dara, Paulus bera anyagan doboka bo yoululum aboka orugosuk.

RASUL 26:31

Wera sikda beiyik goboka yibilemek dara, sik moumen leldalamekja, ”Benyek dara, henga geregoka oboka gasa ek beiyiwoka dibneseng malya unaʾ hnon, meknewoka unaʾ orok bar,” alamek.

RASUL 28:18

Roma nang adya nak yana lelewoka, obnemab senen malya unaʾ era mekaʾ orok anasa, senelenyek bok,

2 KORINTUS 4:2

Nunda doknololanya, nimi malya dangoka alya dangananya nera, lek aboka lolomab. Nunda nim ak bob geregoka, Imik Neyung yub ak dangab menegoka unggulumab. Alda nuk dara, Imik Neyung wa welemabaʾ ara, dib nong yub enyek laga amawoka welemab. Ban adya, nimi nidyaʾ ara nuk dara, Imik Neyung hogung ak ara, aldib anara welemak senewoka, sikjaʾ mek ganya ek ab wensenewaneseng.