RASUL 24:27 - PERJANJIAN BARU NALCA YUBA

²⁷ Seleb gibnaʾ penya lebgogomok dara, Perkius Festus benyek, Feliks be lunuwoka soko dubnya dangamok. Bok, Feliks bek dara, Yahudi nang perob senelemaknya nera unuwonun senewoka, alda Paulus bek heng goubnaʾ lomok lolomok.

RASUL 24:27 ပူးပေါင်းရင်းမြစ်များ

MARKUS 15:15

Anasa, Pilatus bera nimi ganya hekiyiwosunun senewoka, alda Barabas benyek siksamba henga lob lobsuk. Bok Yesus bek dara, legebnaʾ adya legeb-legeba obeekanya, oboka gal ak glabnelum aboka doboka elegousuk.

RASUL 12:3

Wera ban Herodes bedya unumok anyek, nimi nidyaʾ ganya adya pelemla senemek eiyimok dara, onoʾ Yahudi nang edya welenaʾ orok roti gwaneng den salek Herodes bedya Petrus bek salawoka, henga gereganelum aboka orugusuk.

RASUL 23:35

”Wera, or perob,” hyok. ”Anyek malya ulumla aboka yana kilinjak nang enyek, anyagan yeija dara, aldib malya ululam gom aboka heibuka ubnenggen,” hyok. Dara mok soko damnya bedya, ”Paulus bera or nadya ek an henga geregoka beiyilulum,” aboka orugosuk.

RASUL 25:1

Wera Festus bera mok enyegan seleb yeiniboka, li winilya ok maboka gwelegok dara, alda Kaisarea mok eb ara, Yerusalem moka byuk.

RASUL 25:14

Wera Kaisarea heikek liga wen maboka gwelegek dara, Festus bedya Agripa bek, Paulus bek henga geregoka unulumek yub era, nidyaʾ nekemok. Dara Festus bedya nekoka ara, ”Anyagan ara Feliks bedya henga geregoka beib loboknya ben hnon ulumla.

RASUL 25:4

Bok Festus bedya Yahudi nang ek lebok ara, ”Paulus bera Kaisarea heikek sam or ulumla anasa, na nong anyek mek anam onoʾ saawoka ono bununaʾ aboka umna,” hyok.

RASUL 25:9

Bok Festus bera, Yahudi nim edya nak perob senewanenokaʾ aboka, mala doboka Paulus bek heibukaʾ ara, ”Anda Yerusalem heikek bindiwoka, nadya saramek sam ban nidyaʾ yana kiboka lelenjaknya nenera yana lelewanenjab de?” hyok.

RASUL 26:32

Dara Agripa bedya Festus bek, ”Paulus benyek dara, alja Kaisar dubnya bedya saramek sam yana lelewanenulum anaʾ orok dara, alak henga lobneseng bok ulumla,” hyok.

RASUL 28:30

Wera Paulus bera Roma heikek ara alja rupiah seʾ dekemok ek, gobdo gibnaʾ penya ulumokok ab dara, nimi nauba alak yalamek dara, nidyaʾ perob aboka doro dililisuk.

GALATIA 1:10

Anasa wera hekaʾ hulumla senenulum? Nim adya or perob senelenyaknya nek elemna gom, Imik Neyung adya or perob senelenelnya nek elemna gom? Goma, nim adya perob senewanenok senewoka pik elemna de? Wenyek nim adya hnon perob senewanenok senewoka pik elemnya dara, nara Kristus adya wa wenya unggulumnaʾ laga danganenaʾ ara an.