RASUL 24:1 - PERJANJIAN BARU NALCA YUBA

¹ Wera lambadya sum seleb maboka gwelegok dara, Yahudi yuba wa gakaʾ dubnya Ananias beb, Yahudi yuba dam nang eb, bera unuwanamla anya, bedya alja si nera Tertulus beb neikaʾ yeilimek. Sikda Feliks mok soko damnya bek hogung ak yeiniboka, Paulus bek yanamek damok ara alak nekel yeilimek.

RASUL 24:1 ပူးပေါင်းရင်းမြစ်များ

RASUL 12:21

Dara, onoʾ yok sum orowek sumen unuwanamna aboka Herodes bedya gegemok sum enyek, Herodes bera sik senenggom dub nang akleng ongowoka, perob mek alakdobaʾ dub nang bun ekla bunaʾ ak bukoka, nimi nidyaʾ mamagiyiwoka, nara anyek unuwanamna aboka wenewoka lelemok.

RASUL 21:27

Wera onoʾ liga wen yenebok dara, Asia mok eb Yahudi nang adya, Paulus ben Imik Neyung ek ulumok ak eiyimek. Dara, Yahudi nang edya nimi hnoum doluboka, Paulus bek salawoka domeekanya,

RASUL 23:2

Paulus bedya ban wenyaboka lel yabok enyek, Yahudi Imik Neyung yuba wa gakaʾ dubnya Ananias bedya, al gokgobok sam seklemek nang ek, Paulus bek sibamaʾ mouboka oblulum aboka orugusuk.

RASUL 23:24

Dara onoʾ Paulus buknamlya abaksin pam era, hnon yok alsamba doboka beiblulum. Dara, Paulus bera pe bo bilimunaʾ ara mok sokok dubnya Feliks dubnya bek pe bo aba yanalum,” aboka orugusuk.

RASUL 23:30

Dara onoʾ nak Yahudi nang edya Paulus bek obnob aboka welemak aboka nekdo yeilinyak dara, nadya doboka neyung mok soko dubnya, anak doboka bo bululum aboka orugeisin. Dara, alak yana kiboka miniwoka lelemak nang ek ara, ugunja wenyalalumnya nera, or neyung mok soko dubnya bek bo bululum aboka orugeisin,” aboka yin bonaʾ dubnya bedya wenyaro webok.

RASUL 23:33

Wera abaksin pam ak abagoka yina bolomek nang era, Kaisarea heik nong ok byik dara, yin bonaʾ dubnya bedya mok soko dubnya bek bo binilum aboka, weboka elegesuk momnya donaʾ era, Feliks bek elegek dara, onoʾ Paulus beneba onoʾ alak abonggemek.

RASUL 23:35

”Wera, or perob,” hyok. ”Anyek malya ulumla aboka yana kilinjak nang enyek, anyagan yeija dara, aldib malya ululam gom aboka heibuka ubnenggen,” hyok. Dara mok soko damnya bedya, ”Paulus bera or nadya ek an henga geregoka beiyilulum,” aboka orugosuk.

RASUL 24:11

Wera neyung dubnya o, nara Yerusalem heikek sam Imik Neyung gibnun aboka li obadya manaʾ sibin anaba loboka yasa anyek, yok nang ek heibyaawoka berra ella danalam.

RASUL 24:2

Dara, Tertulus bek anda unuwanalum alamnesilim aboka youbomeekanya, nimi longomek ak yeilimok dara, Tertulus bedya Paulus bek yana kiboka mok soko dubnya Feliks bek lebokja, ”Neyung, anda mok soko damnya o, anda perobnya ululam! Anda nunja moka bo ulusilim adya, nunja heikek soko era namena pe ulumab. Onoʾ hnon anja pe unululam adya nunja sokok yokaʾ-yokaʾ nidyaʾ ara pe memelemak.

RASUL 25:15

Men nara Yerusalem heikek ulumsa sum enyek, Yahudi yuba wa gakaʾ dub nang eb, Yahudi yuba dam nang eb dadya, Paulus bek henga geregoka oblom aboka lebek.

RASUL 25:2

Wera Yerusalem heikek ab dara, Yahudi yuba wa gakaʾ dub nang eb, yok Yahudi dub nang eb dadya, Festus bek yeiniboka, Paulus bek alda nunja mok soko lobaʾ nenewoka malya nenelesil aboka lelemek.

1 KORINTUS 2:1

Hemyab o, Imik Neyung adya orowek seinibgegemok bok, soko adya dara, ella danggumokaʾ anyek, ugunuk lero yeilisisa sum era, nara meka lelewoka hobyang yuba saboka, onoʾ sokok an geremsengaʾ ulumaknya nedya ella dangoka ugunuk Imik Neyung yuba lel yanggusisa.

1 KORINTUS 2:4

Yuba ugunuk leb elegeisisaʾ ara, nadya ganya geremseng edya, ganya sangasin yub ek lebnenggusisa bok, nadya ugunuk yuba leb elegeisisa dara, alda Imik Neyung Geisinya alja migib unaʾ era laga dangamok.