RASUL 23:35 - PERJANJIAN BARU NALCA YUBA

³⁵ ”Wera, or perob,” hyok. ”Anyek malya ulumla aboka yana kilinjak nang enyek, anyagan yeija dara, aldib malya ululam gom aboka heibuka ubnenggen,” hyok. Dara mok soko damnya bedya, ”Paulus bera or nadya ek an henga geregoka beiyilulum,” aboka orugosuk.

RASUL 23:35 ပူးပေါင်းရင်းမြစ်များ

MATIUS 2:1

Herodes dubnya dangoka ulumok salek enyek, Yesus ara, Yudea sokok Betlehem heikek beibuk. Dara ban salek enyek, guraʾ beknaʾ ubnaʾ damokaʾ ella ulumek nang era, yali sam abaʾ ara Yerusalem heikek yek.

MATIUS 2:16

Wera Herodes bera guraʾ kemero yeilimek nang edya, alak sondaʾ lebekaʾ eibuk dara, alda hyak yu ganya bobok. Anya alda Betlehem heikek memabo gibnaʾ penya uboka onu sam beibsik mab era nidyaʾ obnelum aboka orugosuk. Ban unuwoknya nera guraʾ kemero yeilimek nang edya, ban salek eiyimoub aboka alak wenyameknya nenesa sunuwoka unuwok.

MATIUS 2:3

Herodes dubnya bera alda ban wenyan yuba kebok dara, alab nimi nidyaʾ Yerusalem heikek ulumek nim era, ganya sam-samab menegosuk.

MATIUS 27:27

Dara yin bonaʾ nang edya Yesus ara doboka, mok soko amba yuba san e senenggom e eremek bo yek dara, yok yin bonaʾ nang nidyaʾ hiboka Yesus ak akneb ganagoka longowek.

YOHANES 18:28

Wera hyak lugunaʾ nong anam gwelegel yabok dara, Yesus ak doboka yuba dubnya bek ara mok soko damnya Pilatus bedya senenggom ek bo byik. Yahudi nim era, sikja perob sum denaʾ denemek bok anasa, nimigumaʾ blekibyek aboka, nimi henga gereksin dub ek ara Yesus al neikaʾ weknenggumek.

RASUL 23:30

Dara onoʾ nak Yahudi nang edya Paulus bek obnob aboka welemak aboka nekdo yeilinyak dara, nadya doboka neyung mok soko dubnya, anak doboka bo bululum aboka orugeisin. Dara, alak yana kiboka miniwoka lelemak nang ek ara, ugunja wenyalalumnya nera, or neyung mok soko dubnya bek bo bululum aboka orugeisin,” aboka yin bonaʾ dubnya bedya wenyaro webok.

RASUL 24:1

Wera lambadya sum seleb maboka gwelegok dara, Yahudi yuba wa gakaʾ dubnya Ananias beb, Yahudi yuba dam nang eb, bera unuwanamla anya, bedya alja si nera Tertulus beb neikaʾ yeilimek. Sikda Feliks mok soko damnya bek hogung ak yeiniboka, Paulus bek yanamek damok ara alak nekel yeilimek.

RASUL 24:10

Dara mok soko dubnya Feliks bedya Paulus bek soruka gwakdewoka, ”Wera or anda yuba sablom,” hyok dara, Paulus bedya lebok ara, ”Neyung dubnya o, anda mok soko enyegan dubnya dangoka ululam salek era, gibnaʾ gong-gong lelemla ara, ella ulumna. Anasa wera nenesa leboka, nara sumen anja saramek sam ganya hekoka yuba garabdanamna.

RASUL 24:19

Alda Yahudi nang yokaʾ ak wenen nang Asia mok eb ara yeiniboka ulumek. Ban lebna nang nong enyek, nasamba leboka, sikda anyagan yeiniboka hnon yokaʾ ulumso dara leboka, anak wenyal yanenggeseng.

RASUL 24:22

Wera danyek Feliks dubnya bera, Yesus adya neklesuk yub era, orowek pe ella ulumoknya bek adya, wera nera al anyagan seleb lero lobnob aboka, alja leboka ara, ”Yin bonaʾ dubnya Lisias be yalya danyek, nenera saawoka memero dakdowanamab aboka anasa,” lobnamab aboka lemok.

RASUL 24:23

Dara onoʾ Feliks dubnya bedya, Paulus henga goubuka bo ulumek yin bonaʾ gaknya bek, pe diri bo ululum aboka orugosuk bok, Paulus bek onoʾ Paulus alja hemyab edya alak denaʾ bo aral yeiniboka unulunok aboka orugosuk.

RASUL 25:16

Bok nadya lebsa ara, Roma nang ek dara, salyaʾ nadya ok ganya doboka henga gereganggunusinya. Sik unulumak ara, yuba damoka minimna nang eb, alak ununanya bek yuba saboka lelemna nang eb, al nonga yuba damoka yana kinanya beneba, darasam yuba sekeldalanabok bar anasa, nadyok ganya doboka unuwanggunusinya, amsa.