RASUL 23:23 - PERJANJIAN BARU NALCA YUBA

²³ Wera onoʾ senenggom yin bonaʾ dubnya bera, yin bonaʾ dub nang ek penya nang yoururum asuukanya, sikenek lebsukja, ”Yin bonaʾ oldan nang denga yuba sekbadya hnon gegeb loboka, abaksinaʾ pam ak bukoka oldan nang denga winilya, doluknaʾ mal bolomak nang era denga yubaʾ sekbadya doboka gegeworurum. Al wen inimnek jam sembilan anyek Paulus be eboka Kaisarea heikek bo binilum aboka gegeworurum hyok.

RASUL 23:23 ပူးပေါင်းရင်းမြစ်များ

MATIUS 14:25

Gweleknek yangman salek enyek, Yesus ara alja yuba doro diriga ban nang ek, mek dub pik yan ingibgiga yalamok.

LUKAS 12:38

Wera wa wen nim era, sikjaʾ neyung bedya sikda yuba kero diri ulumakaʾ ara, or inimnek dukdukanek gom, mandewoka yanamsoʾ gom anaba, sikda pe diri ulumak dara, sikda pelemakaʾ ara an.

RASUL 23:22

Dara, yin bonaʾ dubnya bedya nekdo bilimok me nek, ”Wera ban nak an nekel yalem yub enera, nara seleb yin bonaʾ dubnya bek nekemna anaʾ ara hyak mem,” wenyaboka, ”Or bilom,” hyok.

RASUL 23:31

Yin bonaʾ dubnya bedya wenyaboka momnya doboka elegoka orugusuk dara, yin bonaʾ nang era alja lemok sok unumek. Dara, neik inimnek enyek, sikda Paulus bek doboka bobeknya nera mouruwoka bo balamekaʾ ara Antipatris moka heik bo abal bilimek.

RASUL 23:32

Wera ampum maboka gwelegek dara, abaksin pam ak abagoka yina bolomek nang enyek, wera ugunjok Kaisarea heikek abal binilum aboka boksik dara, dem yin bonaʾ nang era, sikda on pik sik ulumek heikek yek.

RASUL 23:33

Wera abaksin pam ak abagoka yina bolomek nang era, Kaisarea heik nong ok byik dara, yin bonaʾ dubnya bedya mok soko dubnya bek bo binilum aboka, weboka elegesuk momnya donaʾ era, Feliks bek elegek dara, onoʾ Paulus beneba onoʾ alak abonggemek.

RASUL 24:7

yin bonaʾ dubnya Lisias alameknya bedya nunja sorukuk ab hyak migib adya bleboka dobokaʾ anasa lomouba.

RASUL 8:40

Bok wera onoʾ, Pilipus bera biliga Asdod heikek sekok ok eibdok. Dara, alda onoʾ yabalamookanya, Yesus adya perob Imik Neyung yuba yok-yok heikek sam leb elekgiga balamok ara, Kaisarea heikek lanal bilimok.