RASUL 22:1 - PERJANJIAN BARU NALCA YUBA

¹ Paulus wenhyok, ”Neyung yabo hemyab o! Nadya wen ugunuk yuba garabdanamna. Anasa keblulum.”

RASUL 22:1 ပူးပေါင်းရင်းမြစ်များ

LUKAS 12:11

Ugun nong anyek, Yahudi nim edya yuba don ek sam gom, wenewoka bo usin nang saramek gom, senenggom dub nang hogung ak laga yana leleweisinobaʾ aboka bo binisak dara, ugunja dara, nunda hekaʾ huru yuba garabdanamab gom, hekaʾ lebnemab gom, aboka ganya daldom-daldom anaʾ ara mem.

LUKAS 21:14

Ugunda mala dobdangoka blebdanamna amba dara, anyek-anyek yuba sabnamna senewoka ganya daldom-daldom henggunumna senewoka orowek ganya hwiblulum.

RASUL 13:26

”Wei, hemyab o, Abraham nang yilaʾ hnon, onoʾ yok nang bok Imik Neyung ak lok ganya boboka anyagan longolum nang nidyaʾ ak lebsin, Ban Imik Neyung adya nim embengaʾ blebsin yub ara, nuk bokol yeilisuk.

RASUL 19:33

Nimi Yahudi nang edya Aleksander benyek hyak nimi hnoum nonogoka wekoka bo balamek anasa, nimi yok nang edya dara, alak mala gakaʾanya senemek. Wera danyek Aleksander bedya na yuba sabnamna anasa, ugunda yuba sanaʾ loboka gelegolulum aboka soruka moub-moub aboka usuk.

RASUL 23:1

Wera Paulus bera Yahudi nang yuba sanaʾ gak nang anyagan ulumek nang ek pe keebdaboka lebokja, ”Nadya hemyab o, na embengaʾ ulunenya nenesa dara, nadya mek ganya edya dara, Imik Neyung ak malya unaʾ ara orok senelamna,” hyok.

RASUL 23:6

Dara onoʾ Paulus bedya kemelemok enyek, anyagan ara yuba sanaʾ gak nang era, hnonda Saduki nang, hnonda Parisi nang hnon bulumekaʾ eiyisuk dara, Paulus bedya yana lelewanob aboka longomek nang ek lebok ara, ”Nadya hemyab o, nara Parisi nang yokaʾ uboka, Parisi nang edya beibnyek ak ulumna. Nak anyagan yana lelelenyak ara somoklomak nang era embengaʾ subnemak aboka dib senelenanya nenesa ulenyak,” aboka lelemok.

RASUL 24:10

Dara mok soko dubnya Feliks bedya Paulus bek soruka gwakdewoka, ”Wera or anda yuba sablom,” hyok dara, Paulus bedya lebok ara, ”Neyung dubnya o, anda mok soko enyegan dubnya dangoka ululam salek era, gibnaʾ gong-gong lelemla ara, ella ulumna. Anasa wera nenesa leboka, nara sumen anja saramek sam ganya hekoka yuba garabdanamna.

RASUL 25:16

Bok nadya lebsa ara, Roma nang ek dara, salyaʾ nadya ok ganya doboka henga gereganggunusinya. Sik unulumak ara, yuba damoka minimna nang eb, alak ununanya bek yuba saboka lelemna nang eb, al nonga yuba damoka yana kinanya beneba, darasam yuba sekeldalanabok bar anasa, nadyok ganya doboka unuwanggunusinya, amsa.

RASUL 25:8

Wenyalamek bok, Paulus bera al damnya yuba garabdangoka lebok ara, ”Musa bedya momnya dobok yub ek gom, Imik Neyung bedya ek gom, nadya malya unaʾ ara hyak gobdo orok,” hyok.

RASUL 26:24

Paulus bedya anam wenyaboka yuba garawoka leldalamok salek enyek, Festus bedya Paulus bek dobmoruwoka lemok ara, ”Paulus o, anda hyak serema salawajok an. Anja yokaʾ-yokaʾ nauba ella dangalalam an adya, anda serema salawajok an,” aboka lemok.

RASUL 28:17

Paulus bera Roma heikek ara seleb li winilya mabok dara, Yahudi nang bok Roma heikek ulumek Yahudi dub nang ek yanalum aboka ebmamagesuk. Wera sikda seleb mamagel yeilimek dara, sikenek Paulus bedya lebsukja, ”Hem yab o! Nara nunja mok soko ek hnon, nunja neyung yabo youmaʾ nang ek ab domobnya nenyek hnon, laga blekoka hnon ubnenggumsa bok, Yerusalem heikek ab nak henga gouboka Roma nang ak elegel yanyek.

RASUL 7:2

Dara, Stefanus bedya sekoka, ”Hem yab o, nadya neyung yab o, ugunda nak kebnenulum. Abraham bera Haran heik biniboka unggulumok salek anam Mesopotamia heik or anam ulumok salek hyak senenggomaʾ imiknya Imik Neyung bera Abraham bek yeiniboka,

ROMA 2:15

Wera anedya, ban Yahudi nim emba unuwanalum an yub ulumlaʾ ara, sikja ganya lomok momnya dobsukaʾ, sikda laga amal dalamakaʾ ara an. Dara, sikja ganya ak yuba laga lenaʾ ab, sikja ganya era pelamaʾ, meknelamaʾ alamlaʾ ab, wera anyek beknaʾ dibaʾ ulumlaʾ ara an.

1 KORINTUS 9:3

Wera, nimi yok nang edya, anda Imik Neyung yuba lenaʾ gaknya gomaʾ aboka lolonyak dara, nara ban nenyek sikenek lelesin.

2 KORINTUS 12:19

Ugunja dara, ban nidyaʾ lelemakaʾ ara, meknenggulumab senewoka, mala doldalamak senelesulum. Bok, nunja nidyaʾ ugunuk an lelemabnya nera, Kristus lomok uboka nenyek lelesabaʾ ara, Imik Neyung hogung ak lelemab. Nadya wanaʾ ulusin nim o, ban nidyaʾ unulumabnya nera, ugunja yuba dib senenaʾ nong anyek, gobdo migib dosululaʾ aboka ulusab.

2 KORINTUS 7:11

Wera ban neik ganya era, al Imik Neyung seinilamla sok, ugunja angoo senewoka soloma dasuknya nedya unusukaʾ anyek, ugunda pe kendenelum! Wera an ganya enyek bolumaʾ adya, ganya goulunaʾ hnon lumaʾ ganya enyek, perobaʾ nenenaʾ hnon, malya unaʾ lek senenaʾ hnon, lok ganya hnon, nunda eibsibya senen ganya hnon, yeirinaʾ ganya hnon, meknelemak nim ek igina nenesinaʾ ganya hnon, ban bololum ganya adya, ugunuk nidyaʾ laga dosuk. Dara unululumaʾ nidyaʾ adya pe memelum beknaʾ ulumla.

PILIPI 1:17

Bok men lebman yok nang ek dara, Kristus yuba lero yabalamakaʾ ara, dib gomnya nenesa nunokok pewosulul senewoka lero yabalamak. Ban unulumakaʾ nong adya, wera na an henga geregoka beibnyekaʾ anyek ulunanya bek an nauba igina kweiyiwanamab senewoka unulumak.

PILIPI 1:7

Ugun nong anyek, nong unaʾ ak dara, mok-mok ulumab bok, ganya ak dara, na dam an sobaʾ neikaʾ ulumab senen ulumlaʾ anasa, wera ban nadya ganya enera wanoksodya unu seiniwanasisinyaʾ anaba gigiwoka ubnesinya. Anya hnonda Imik Neyung adya aljaʾ wanaʾ uboka eleksinaʾ era wen an nara gasa ek sam ulumna wenesa gom, loboka Imik Neyung adyaʾ perob lero yanggan yuba wa webnesinya danasa gom, alja wanaʾ uboka eleksinaʾ era ugun hnon, na hnon, neikaʾ doro beillilemabaʾ anasa, perob senewanasinya.

2 TIMOTIUS 4:16

Nak heng goubenyekaʾ anasa, men yuba garawoka sekeldalamsa sum era, nimi ben hnonok sibin anaba arawanggunyek. Sikda nidyaʾ lobnyeekanya, sen-senem abgogorob. Anasa, wera malye, Imik Neyung adya sikenek nera malya ublum henggunususo, senelamna.

1 PETRUS 3:15

Bok ugunja ganya lomok ara, Kristus ara nunjaʾ Wenelesilnya ulusululaʾ aboka dibaʾ memaʾ nenewoululum. Ugunja Imik Neyung adya eimik era anyek eleganesilaʾ dobnemab senewoka diri ululumaʾ anyek, yok nim edya ugunuk heibnesak dara, nunda anasa ulumab aboka orowek seinibgoboka pe neknelum.