RASUL 21:39 - PERJANJIAN BARU NALCA YUBA

³⁹ Paulus bedya lebok ara, ”Nara Yahudi nang yokaʾ nong ulumna. Nara Kilikia sokok perob heik Tarsus heik yokaʾanya ulumna. Anasa, nimi nauba ulumak ak an nara yuba sabnun bar, or henelom,” hyok.

RASUL 21:39 ပူးပေါင်းရင်းမြစ်များ

RASUL 15:23

Dara, Antiokhia heikek sam bokol bilimek nang eb neikaʾ momnya donaʾ hnon weboka beiyimekaʾ ara yub era ban: ”Yuba lenaʾ gak nang eb, yuba donaʾ nim bo un nang eb, ugunjaʾ hemyabo nim edya, hemyabo nim ugun Antiokhia sam Siria sam Kilikia sam ululum nim ek perob aboka gibisab.

RASUL 15:41

Wera Paulus beb, Silas beb dara, Kilikia moka hnon, Siria moka hnon, Imik Neyung yuba aknewoka lel ganaklerek. Dara, sikja Imik Neyung yuba donaʾ nimi ganya kayiwoka ulurek.

RASUL 16:37

Bok, Paulus bedya yin bonaʾ nang ek lebsuk ara, ”Nunda Roma yokaʾ nang bok, nuk heibuka yana lelesinaʾ loboka nimi hnoum ab oboka gasa ek sam doronggusung. Bok onoʾ wenyek dara, salyaʾ gelelinga bururum aboka orugasak de? Anasa, nunda lek. Anasa, men mok sokok dub nang edya sik damnya yeiniboka nuk henga lobsinok aboka orugul busululum,” hyok.

RASUL 21:37

Dara wera, Paulus bera yin bonaʾ nang adya sikja gasa ek bo weknunaʾ ul yabok salek, Paulus bedya senenggom yin bonaʾ dubnya bek, ”Or nara anablaboka mek yuba sabnenam gom?” aboka heimok. Dara yin bonaʾ dubnya bedya, ”Anda Yunani yub ara ellaʾ salalam gom?” aboka heimok.

RASUL 22:3

”Nara Yahudi nang yokaʾ nong ulumna. Nara Tarsus heikek Kilikia sokok ab beibnyek bok, naubaʾ nen dara, Yerusalem heikek anyaganyeb nebsa. Dara, nun neyung yabo domek yub anyek, momnya donaʾ neksinaʾ senenggomnya Gamaliel bedya nak nidyaʾ pe neknyok. Anasa, hemyab o, ugumbabya sumen an Imik Neyung amba yeng ganya boboka yeirililum sok, nababya neikik unulamsa.

RASUL 23:27

Ban benera Paulus, Yahudi nang edya henga gourob ak, nadya yin bonaʾ nang eb alak yangganaʾ orok dara, wera Yahudi nang edya obseng bok, alda Roma nang yokaʾ eiyimsa anasa, blebemno.

RASUL 23:34

Wera mok soko damnya Feliks bera momnya donaʾ einilimok ara, eibgogowoka Paulus bek, ”Anda hekmokebnya do?” aboka heimok. Wera onoʾ Paulus bera Kilikia mok ebnya ella umok dara,

RASUL 6:9

Bok yok nang edya, sikda Meebdanggogomek Nang e aboka silimek ek Yahudi nim edya yuba don ek dolomek nang edya alak walamek. Ban nang era Yahudi nang bok, si yok-yok, hnonda Kirene nang, dara onoʾ hnonda Aleksandria nang. Dara, hnonda Kilikia mok eb, Asia mok eb, sikda Stefanus beblaboka yuba gangawoka mala lanab dangamek.

RASUL 9:11

Dara, Wenelesilnya bedya onoʾ alak lemokja, ”Anda al wene salek berra balom. Jong pikik, Yudas bedya ek ono bilom. Tarsus heikek ab Saulus alamaknya benyek anyagono ulumla gom aboka, nim ek heibnelam. Benera wera heng uboka Imik Neyung mololamla,” hyok.

RASUL 9:30

Wera Yesus yuba dolomek nang edya, Saulus bek Yahudi nang edya obnobaʾ aboka ubak an yuba kemek dara, sikda Saulus bek eboka bobeknya nera Kaisarea heikek bo mal byik ara, onoʾ Tarsus alba eilinya heikek bokol byik.

1 PETRUS 3:15

Bok ugunja ganya lomok ara, Kristus ara nunjaʾ Wenelesilnya ulusululaʾ aboka dibaʾ memaʾ nenewoululum. Ugunja Imik Neyung adya eimik era anyek eleganesilaʾ dobnemab senewoka diri ululumaʾ anyek, yok nim edya ugunuk heibnesak dara, nunda anasa ulumab aboka orowek seinibgoboka pe neknelum.