RASUL 21:34 - PERJANJIAN BARU NALCA YUBA

³⁴ Bok ban salek enyek anyagan ulumek nim edya dara, ”Paulus ben an hnon unulamla,” alamek dara, onoʾ hnon yok nim edya dara, ”Anyek hnon unulamla,” aboka lelemek. Wera sabsobuk-sabsobuk abdangoka lelemek adya, yin bonaʾ dubnya bera damok ara anyek senewoka elgom anasa, al adya dara, Paulus bek doboka bobmunukanya, yina bonaʾ nang ulumek ek bo bululum aboka orugosuk.

RASUL 21:34 ပူးပေါင်းရင်းမြစ်များ

RASUL 19:32

Dara ban unulumek salek enyek, longomek nim era, salyaʾ doluwoka obdangdo balamek. Dara, sikda damok ara anasa longomabaʾ ara okoka elgom adya, hnonda anyek lero balamek dara, yok nim era nenyek lero balamek.

RASUL 21:37

Dara wera, Paulus bera yin bonaʾ nang adya sikja gasa ek bo weknunaʾ ul yabok salek, Paulus bedya senenggom yin bonaʾ dubnya bek, ”Or nara anablaboka mek yuba sabnenam gom?” aboka heimok. Dara yin bonaʾ dubnya bedya, ”Anda Yunani yub ara ellaʾ salalam gom?” aboka heimok.

RASUL 22:24

Wera danyek yin bonaʾ dubnya bedya, ”Paulus bera ek bo binilumukanya, alak legebnaʾ adya oboka heibnelumukanya, hekasa Yahudi nang era alak anaso ebngalagoka lelemak do aboka ella danamab,” hyok.

RASUL 22:30

Wera Roma yin bonaʾ dubnya bera, hekasa Yahudi nang era, Paulus bek malya nenelemak do, senewoka damoka ella donunaʾ aboka ulumok. Anasa wera, ampum maboka gwelegoka dara, Paulus bek gasa heng ak ab lob loboka, Yahudi yuba wa gakaʾ dub nang eb, yuba sanaʾ gak nang eb, nidyaʾ mamagoka longowanamab aboka orugosuk. Dara, Paulus beneba longomekaʾ ak sam bo bilimookanya, sik saramek sekiyimok.

RASUL 23:10

Wera hyak senenggomaʾ mala dibaʾ lanabdangoka oldal yibik dara, anyagan yin bonaʾ dubnya bedya dara, unuldeijekanya, Paulus bek giliwoka gal wabnaʾ geboka obijek aboka, yin bonaʾ nang hnon ak, Paulus be doboka bo bimunukanya, e lomok bo bululum aboka orugusuk.

RASUL 23:16

Bok Paulus bek unuro obnemab aboka gegel yabek anyek, Paulus ben eilibsal gedya me nedya kebok. Dara, al mam Paulus bera, al ulumok ek wekoka, ”Wera mam o, obnemab senelenjak,” wenyaboka nekdo bilimok.

RASUL 23:32

Wera ampum maboka gwelegek dara, abaksin pam ak abagoka yina bolomek nang enyek, wera ugunjok Kaisarea heikek abal binilum aboka boksik dara, dem yin bonaʾ nang era, sikda on pik sik ulumek heikek yek.

RASUL 25:26

”Bok, nara Paulus bek anyek yokaʾ enyek aboka, Kaisar dubnya bek ara, Paulus bemba pe nekoka momnya doboka beilisin ara orok. Wera an nenesa leboka, sum enera nimi nidyaʾ weklumaʾ gangganek an, hyak dib nong so ara, anda hyak senenggom dubnya Agripa an nong ak anyek, nonogoka ubmen adya, wera yana lelenaʾ damok ublya dara, momnya dobnun aboka bo yeilimna.