RASUL 20:9 - PERJANJIAN BARU NALCA YUBA

⁹ Ban sum enyek, goubenenya ben hnon alja si nera Eutikhus bera, heng kemen pik pomek ak bulumok. Paulus bera yuba nauba lebdibigemok dara, goubenenya bera kero bulumok ara, hogung dun-dun aboka, imik ab ara sokok sam malyinggyuk. Wera nim adya jab salamek enyek, seleb somogok ak eibek.

RASUL 20:9 ပူးပေါင်းရင်းမြစ်များ

MARKUS 13:36

Alda yanggalya salek, ugunda hogunga malamunaʾ ak eibsilyek aboka, pe diri ulululum.

MARKUS 9:26

Dara ban bisaʾ era, ngolukdo me nenyek nauba eiying-eiying eiyiboka gwekdo gobok. Wera gologomok me nong era, seleb somogamna nim eneso ura mabokaʾ anasa, yok nim edya, ”Alda hyak dib seleb somogamla,” aboka lelemek.

RASUL 14:19

Dara onoʾ danyek, Yahudi nang edya wene nang Pisidia moka Antiokhia heikek ab hnon, Ikonium heik ab hnon ara, Listra heik yeilimeekanya, wenewoka lelesik adya, nimi nauba ganya dangawoka Yahudi nang ek sam makal bilimek. Wera sikda heik enyegan nang era, Yahudi nang eblaboka neikaʾ hiboka, Paulus bek girik adya saboka oboka, eremek weilik sam bologol bilimek. Sikja dara, Paulus bera seleb somogamla senemek.

RASUL 20:10

Bok Paulus beneba sokok sam yingginiboka goubenenya bera seleb somogomokaʾ ak eirib salawoka somomok. Dara onoʾ Paulus bedya yok nang ek, ”Ugunda lok ganya bonggom. Alda somoganggumla, or embengaʾ ulumla bar,” hyok.

RASUL 20:7

Troas heikek ara, ban minggu en men sum enyek, hemyab eb bolowoka neikaʾ ak delemouba. Paulus bera ampum lanawoka binimna senemok anasa, anyagan ulumek nim emba yuba nauba lebdibigemok. Wera inimnek dukdukanek dangamok anaba Paulus bera anam yuba lelmorulomok.

RASUL 20:8

Dara, nu yuba longowoka leldalamoub e nera, e denebaʾ imik moruwoka somek adya, nunda imik sam longomoub ak sam ara dilinaʾ uk ara nauba yeb ganagamek.