RASUL 20:34 - PERJANJIAN BARU NALCA YUBA

³⁴ Nadya soruk enedya, wera na nong ak okna ubnenaʾ hnon, nadya hemyab ak okna ubnaʾ hnon welemsaʾ adya, dero ulumoubaʾ ara, ella ululum.

RASUL 20:34 ပူးပေါင်းရင်းမြစ်များ

RASUL 18:3

Dara wenyek, onoʾ Paulus bera sik nang penya ek biniboka yuba saboka, wera wa anaba neikaʾ ak beiyik soboka malamak e manaʾ enyek, Paulus beneba sonaʾ ella ulumok bok adya, wera anyagan neikik maboka weboka ulumek.

RASUL 19:22

Dara wenyek, Paulus bera alda anam Asia moka ulumookanya, Makedonia sam ara alak aralerek nang ek ara, Timotius beb Erastus beb danyek, ugunuk binirum aboka bokol bilisuk.

RASUL 19:29

Ban unumok yuba Epesus heik ara, neikaʾ ok oboka lelemok. Wera ban uboka unulumek adya sikda yeiriwoka, Gayus beb, Aristarkus beb, sikda Makedonia nim bok, Paulus beblaboka neikaʾ pika yalamek nang ek, sikenek salawoka sununaʾ kemelemek e digum hnoum bo bilimek.

RASUL 20:35

Nara nidyaʾ unulamsa anyek ugunja dilililulum aboka, ugunuk sam nimi hmeng ulumak nang ek wa weboka aralelulum aboka amasisa. Anasa wera, Wenelesilnya Yesus bedya, nimi yok nang eleknaʾ anyek perob so, don danagom, wenyamok ara ban amba anasa, seiniwoka beklemnemab,” hyok.

1 KORINTUS 4:12

Nunda yokaʾ-yokaʾ dobnobaʾ aboka dara, nunja soruk adya yeiriwoka welemab. Nuk nim adya weil malyaʾ gloksin dara, unuwesin nang ek amba perobaʾ-perobaʾ lelemab. Nuk malya nenewoka obsin dara, obsin nang ek sam siklewoka lolomab.

1 TESALONIKA 2:9

Nunja ugun gangganek an nauba yeiriwoka duboka welemoubaʾ ara, ugunda seleb beklelumaʾ anyaʾ. Nunda Imik Neyung adyaʾ perob lero yanggan yuba ugunuk lero yeilisuba sum era, ugun nang enyek malya nenewoka obnebsibyek senewoka, inimnek yubyek pik nunja yeiriwoka welemouba.

TITUS 3:15

Nunja hemyabo nimi nidyaʾ anyagan nab neikaʾ ulumab nim edya, ugunuk perob aboka gibsak. Nunja gibsabnya nera, nunja hemyabo yok nimi, yuba dib senelemab adya wanaʾ ulusak nim ek, unu gibisak aboka nekdo yibinelam. Anya wera, Wenelesilnya bedya, ugunuk nidyaʾ nauba wanaʾ uboka eleksinaʾ ara ulusulul. Nara Paulus bedya seleb lebsin.