RASUL 20:24 - PERJANJIAN BARU NALCA YUBA

²⁴ Nara Imik Neyung adya nuk wana uboka aralesil perob lero yanggan yub enyek, laga lelemnesilim aboka elegenyok wa anyek, pe senenya loboka webdaknun senelamnaʾ adya, nadya nong ak dara, seininel danggulumna.

RASUL 20:24 ပူးပေါင်းရင်းမြစ်များ

LUKAS 16:28

Nadya weisabo lambadya nang ulumakaʾ anyek, sikbabya igina kweboka gweknaʾ ak an yeijek anasa, Lazarus bedya wenel busululaʾ aboka orugalom, hyok.

YOHANES 15:27

Dara, ugumbabya hnon, nara ugunublaboka youmaʾ ek moruwoka neikaʾ ulumoubaʾ anasa, nasamba leboka laga neklemnenulum,” hyok.

YOHANES 17:4

Neyung o, nara anja elegenulum wa nenyek seleb webgogowanaʾ adya, wera anja si nera sokok an imik nenewagesa.

RASUL 1:17

Yudas bera nublaboka neikaʾ wa welenob aboka gaboka domoknya anasa, alablaboka neikik ulumouba,” hyok.

RASUL 11:23

Wera, Barnabas bera seleb Antiokhia heikek yeiniboka, Imik Neyung adya nimi ganya lomok yokaʾ-yokaʾ nidyaʾ pe arawoka unulumokaʾ eiyimok dara, alda hyak eiya damok. Dara, Barnabas bedya Antiokhia nim ek, ugunda hyak Wenelesilnya bek pe ganya dib ologoka kweboka ululum aboka wenewoka lesuk.

RASUL 13:25

Wera onoʾ Yohanes bera alja wa seleb sidyaʾ webdaknemok sum era lebokja, Ugunja dara, nara heknya senelenulum do? Nara ugunja bera hek salek yanamla do senewoka diri ululumnya gomaʾ. Ugunja diri ululumnya bera na seleb uro dakdowanya danyek alda yanamla. Dara, nara alja yan ongonaʾ ara gwirin danaba, nara okna so danamso, wenyaboka lemok,” hyok.

RASUL 14:3

Dara, Paulus beb, Barnabas beb dara, Ikonium heikek ara liga nauba so mandewoka ubdarek. Wera ulurek ab dara, hyak asaʾ ganya boboka, Wenelesilnya bedya yuba nauba lelerek. Wera Wenelesilnya bedya anaba, nadya wanaʾ uboka eleksinaʾ yub ara, dib ulumla ella danokaʾ aboka, lok so beknaʾ ab, senenggom lok so ununaʾ ab, elegesuk.

RASUL 15:7

Wera sikda nauba seiniyimeekanya, yuba saldibilloklomek danyek, Petrus bedya sekoka lemokja, ”Hem yab o, Imik Neyung adya men salek enyek, ugun gangganek ab nak gaboka doboka, perob lero yanggan yuba Yahudi gom nim ek lero balamlya adya sikda Imik Neyung ak dib senewanokaʾ aboka nak sekiyinyok ara, ella ululum.

RASUL 18:5

Wera Silas beb, Timotius beb dara, Makedonia mok eb ara, seleb Korintus moka yarek dara, Paulus bera yok wa loboka, Yahudi nang ek Kristus anyek, Imik Neyung adya nimi blebsinaʾ dubnya eleganesin aboka orowek lemoknya bera, Yesus anasa lemok aboka yuba sobaʾ lel eleklesuk.

RASUL 20:21

Nara Yahudi nang yokaʾ ak gom, or onoʾ yok soko nang ek anaba, nara sikja malya unulumak ak ab loboka ganya dangawoka Imik Neyung ak sam yeijikanya, Wenelesilnya Yesus bek dib senewanok aboka weneb elegoka ulusisa.

RASUL 20:23

Bok Imik Neyung Geisinya adya, nara yabalamna heikek nidyaʾ ara, wera anak henga goubsin ek beibnenjak sum hnon, nauba gweklemnalam sum hnon, yenewanenggel wenyalanelaʾ ok, nara ella ulumna.

RASUL 20:32

”Dara wenyok, nara ugunuk Imik Neyung bek hnon, alja wanaʾ uboka eleksinaʾ yub ek hnon, dib elek lobsin. Al ugunuk migibaʾ nenellilisilikanya, onoʾ alja mabo munaʾ gobdo dangalillisilnya bek elek lobsin.

RASUL 21:13

Bok Paulus bedya lebok ara, ”Ugunda nenera hekasa engelelum adya, nadya ganya soldol meneklenulum do? lemok. Nara Yerusalem heikek ab salawoka henga gereganenok aboka ok bununaʾ aboka unggulumna. Alda Wenelesilnya Yesus si amba leboka somogonun aboka ulumna,” hyok.

RASUL 22:21

Bok Wenelesilnya bedya nak saawoka lebnyok ara, Nadya anak hyak mok Yahudi gom nim ek bilom aboka orugenggen anasa, or bilom, anyok,” hyok.

RASUL 9:15

Bok Wenelesilnya bedya Ananias bek, ”Anda or bilom e,” hyok. ”Nadya Saulus bek, nak aralenulul aboka, nadya yub enyek Yahudi gom nim ek hnon, mok soko dub nang ek hnon, alja mok nim Israeli nim ek hnon, leb elekdo yibilul aboka, nadya gaboka domna anasa, anda or alak bilom.

ROMA 11:6

Bok ban nera wanaʾ uboka eleksinaʾ adyakanya, yok ununaʾ adya gom. Wera anaso unuwanggunumso dara, ban wanaʾ uboka eleksinaʾ ara wanaʾ uboka eleksinaʾ wenyhenggunuseng.

ROMA 4:4

Nimi be hnon wa arawoka welemla dara, alda wa webnaʾ amba deknaʾ ara, or salyaʾ perob aboka eleknenggulumak, bok aljinya dangamlaʾ anasa senewoka, sunuwoka eleklemak.

1 KORINTUS 15:58

Hemyabo nadya wanaʾ ulusin nim o, anasa wera, ugunda ganya kaboka migibaʾ anyek ulululum. Ugunja Wenelesilnya bemba nidyaʾ welelum wa nera, salyaʾ lelem danggunusil anasa, ugunda Wenelesilnya bemba yeiriwoka welelulum.

2 KORINTUS 12:10

Anasa nak dara, hmenga dangalanel dara, perob senelamna. Nara hmeng ubnen salek enyek, onoʾ migib ulumnaʾ anasa, Kristus amba leboka hmeng ulumna gom, igin kwelenel gom, okna ulunel gom, ol neblenyak gom, lebelmoublenel gom dara, pelenel senewoka eiya dablenel.

2 KORINTUS 4:1

Imik Neyung adya nuk angoo yadyek senewoka namen ubsukaʾ adya, ban wa nenera doboka welemab. Nenesa leboka, nunda okna bar aboka hmeng ganya bonggulumab.

2 KORINTUS 4:12

Wera nera nunja nong ak ara, somoknaʾ damok anyek maboka dulusil bok, ugunuk ara embengaʾ unaʾ damok adya maboka dulusil.

2 KORINTUS 5:8

Wera anasa, nunda ganya migib ulumabakanya, nunda Wenelesilnya ab neikaʾ ulunob senen ganya boboka, wen ulumab nong enera lobsibya senelemab.

2 KORINTUS 7:4

Nara ugunda pe unulumnemakaʾ anyaʾ senelesin. Nara ugunuk nauba gigilesin. Nunda yok-yok igin edya kweboka ol neblesil bok, ugunja unaʾ edya, ganya hekel eleklenulum. Anya nadya ganya era, anadya nauba eiya dablenel!

GALATIA 1:1

Nara Paulus, yuba lenaʾ gaknya ulumnaʾ ara, nim adya gom, onoʾ ben hnon perobnya bedya gaknya dangoka wa nen welelom henggubnyok bok, alda Yesus Kristus adya hnon, Imik Neyung nunjaʾ neyung, Yesus nimi somoknaʾ ak ab embengaʾ suboka bukiyiwoknya bedya hnon, sekiyiwanyok.

EPESUS 1:6

Aljaʾ wanaʾ nong ulumok me Kristus pik uboka, nuk aljaʾ senenggomaʾ wanaʾ uboka elegousukaʾ anasa, Imik Neyung imik ululanya bek giblenob.

EPESUS 3:13

Ugun nong anyek, na pik uboka perobaʾ nenewosuknya nenesa leboka, nak an igina kweboka malya nenelenelaʾ anara, ugunuk si perobaʾ dolulumaʾ aboka ulumnaʾ anasa, ugunda angwei senewoka, ganya hmenga neneldanaʾ hnon ara, mem aboka moloweisin.

PILIPI 2:17

Nak dara, oboka dibnenyak dara, nadya eneng era ugunja Imik Neyung ak dib senelumaʾ adya, alak giboka perob eleknaʾ elegolumaʾ ak maknamna dara, nenesemba leboka Imik Neyung ak perob aboka giblamnakanya, nab ugunub perob senewanamab.

PILIPI 2:30

Kristus wa nauba dangoka perob dolululaʾ aboka, alda hyakaʾ somok lobok bok, ugunsamba harok alda nauba yeiriwoka ganya nong gekman nadya welemna wak sam neikaʾ welenam.

KOLOSE 1:24

Anasa, nara wera ugunsamba leboka, igina dolomna dara, eiya dablenel. Wera, Kristus nong amba, alja yuba donaʾ nim emba leboka, alja nong enyek, igin kweboka buluk loboknya nera, nak an gigilamla.

1 TESALONIKA 2:2

Nunda anam Tesalonika heikek yanggumouba salek era, men dara Pilipi heikek ulumouba salek enyek, nim ara nuk derelesik, olosikaʾ ara, ugunda ella ululum. Nimi nauba nuk ara lek aboka lelesik bok, Imik Neyung adyaʾ asaʾ ganya elegosukaʾ adya, ugunuk perob lero yanggan yuba lelesuba.

1 TESALONIKA 3:3

Wera anadya nunja wen an igina kwelesilnya nenesa leboka, ugun gangganek ara, nimi hnon nang era Kristus ak ganya kweboka unaʾ ara lobmunuk aboka bokonam. Ban unu igina kwelesilaʾ ara, Imik Neyung adya hnon unuwanasil senemokaʾ ak ulusilaʾ ara ella ululum.

2 TIMOTIUS 1:12

Ban nenesa leboka, wera nara an yokaʾ-yokaʾ igina kwelenel. Bok heknyek dib senemsaʾ ara, nara dib ella ulumnaʾ anasa, angoo senenggulumna. Nadya banyek dib senelamnaʾ ara, alja nak welelom aboka lobongganyok wa nera, onoʾ welemnyaʾ ak an alja diri bo ulumlyaʾ moruwoka soko sidyaʾ daknamla sum unuro lobnamla senewoka, dib senelamna.

2 TIMOTIUS 3:11

Nak malya uboka saboka oboka, nauba gwekoka igina kwelenyokaʾ anaba seleb ella ululam. Dara nak Antiokhia heikek ab hnon, Ikonium heikek ab hnon, Listra heikek ab hnon, yokaʾ-yokaʾ nidyaʾ ununyok ara, ganya mel-mel aboka siklewoka ulumsaʾ ara ella ululam. Bok, ban unulunyok bok, Wenelesilnya bedya nak nidyaʾ ak ab seleb blebnyok.

2 TIMOTIUS 4:17

Bok, Wenelesilnya nak aralenyok. Perob lero yanggan yuba pe lelemlyaʾ adya, nimi nidyaʾ Yahudi gom nimi kebnokaʾ aboka, nak alja migib elegenyok. Dara onoʾ nara senenggom bei gam si ak ab blebnyok.

TITUS 1:3

Dara wera, perob sum en unuwanamna senemok sum enyek, yuba lelelulaʾ aboka orugomokaʾ adya, laga dangiyimok. Anadya wera, alja yub era, nak an anja lelelom aboka lobongganyok. Dara, nara nunja Imik Neyung bleblesilnya bedya orugonyok yub ek, sunuwoka lero yabalamna.

TITUS 2:11

Anasa Imik Neyung ara seleb orowek soko nimi nidyaʾ ak, blebsinaʾ damoka bo yalasil wanaʾ unaʾ era, seleb aawosuk.

IBRANI 10:34

Nimi henga geregoka beillilesik nang edya engelemeknya nera ugumbabya unululum. Ugunja dara, nunda eimik era songa leboka blobnenggunumla perob so bonaʾ Imik Neyung adya eleganesilaʾ seleb ella ululumaʾ anasa, ugunja bonaʾ nidyaʾ hokaʾ nang edya doluwoka dolosik dara, or unulunok senewoka dogom alum.

1 PETRUS 5:12

Nadya ban burum momnya donaʾ beibsinaʾ anara, Silas benya arawoka beibsinem. Nadya dara, Silas bera nunjaʾ hem be yuba donaʾanya bojamnya bek ulumla. Nadya ban weboka beibsinaʾ anara, Imik Neyung adya perobaʾ eleklesilaʾ dibaʾ anyek, ugunuk unuwaneseng senewoka, unuwanalumaʾ anyaʾ aboka beibsin. Ugunda ban unu eleklesilaʾ anyek pe salabmoubuka ulululum.

1 YOHANES 3:16

Nunda ban pik enyek anyeb, wera nimi yok nim ek wanaʾ unaʾ damok era ella dangalamabaʾ ara, Yesus Kristus alja nong era, nunsamba leboka, nuk elegosukaʾ adya, ella dangalamab. Anasa wera, ban unuwosuk bar aboka, nunja nong enyek, nadya hemyab emba aboka elek lobnesibya.

WAHYU 12:11

Dara nunja hemyab era, domba me eneng adya hnon, dib yub ak hnon, sikja laga lelemeknya nenedya, alak oblamagamek. Sikda sik nong anaba, or somogamnya anaba senewoka seleb unuru yabalamek nang.

WAHYU 6:11

Dara sikenek yok-yok ongon akleng hyak geisa nong anyek elegel yabasuukanya, sikenek anaso wenhyok, sikda or dek-deka soboka diri ul yabamunaʾ ara, sikja hemyab neik wa wen nang eb, sik kabo nang eb, sikja hemyabo men osik sok, nang en eimik neikaʾ amba leboka, nimi wene nang obnemak aboka eininaʾ anyek gigiwalya danyek anasa, or diri ublulum, hyok.